Watanzania tusiwe wepesi kusahau, Nape sio shujaa, yaliyompata ni malipo ya dhambi zake

[Tuwaseme]

Habari zenu wanaBodi,

Kilichomtokea aliyekuwa Waziri wa Michezo na Mbunge wa Mtama, Mh. Nape Nnauye, kwa mtazamo wangu sio ushujaa, bali ni matokeo ya siasa zake chafu katika Nchi hii ama kwa lugha nyepesi kilichomtokea tunaweza sema ni ajali kazini.

Kama mtakumbuka vizuri wakati wa Uchaguzi Mkuu 2015, Nape amehusika kwa kiwango cha Lami kutuletea huyu kiongozi aliyepo sasa, Rais Magufuli. Kwa hiyo sasa hivi wanavyotumbuana ni haki yao. Ni sawa na kusema acha wafu wazikane.

Nchi hii ina Mashujaa wengi wa kuitwa Mashujaa lakini Sio Nape. Mimi ni MwanaCCM lakini nilitambua wazi katika uchaguzi Mkuu, kuwa Rais Magufuli hafiti kuwa Rais. Uwezo wa Rais Magufuli mwisho ni kwenye ngazi ya Uwaziri.

Rais Magufuli hafiti hata ngazi ya Uwaziri Mkuu. Lakini nilishangaa kuona Vita yake binafsi na Lowassa ndiyo ilimfanya amuone Magufuli bora kuliko Lowassa (Mm sio Team Lowassa). Kwa hiyo anachokipitia Nape kwa sasa sio Ushujaa ni Matokeo ya Matendo yake.

Kama hiyo haitoshi, hivi ni kweli leo Watanzania tumesahau kuwa Nape ndiye alieondoa Bunge Live. Hata kama alikuwa ameamrishwa na Rais. Basi Ushujaa wake ungeanza wakati ule, angekataa kuondoa Bunge Live.

Japo siungi mkono vitendo vya Makonda lakini kwanini ushujaa wa Nape uanze sasa kwenye Sakata la Makonda? Kwanini hakuwa Shujaa kwenye Bunge Live?

Tafsiri yake ni kwamba, Nape ni Kiongozi wa kubadilika badilika. Mara anaunga mkono uovu (Kuondoa BungeLive), Mara anapinga uovu (Ishu ya uvamizi wa Makonda). Kwa hiyo tunashindwa kujua hasa rangi ya Nape ni ipi.

Hatutaki Mashujaa wenye ndimi mbili.
------------

Nashangilia yaliyokukuta Comrade Nape Moses Nnauye, nitashangilia milele..

Kabla ya Uchaguzi wa mwaka 2015, ulikuwa ukitumika kama Katibu wa Itakadi na Uenezi wa Chama chama cha Mapinduzi. Katika nyakati hizo pengine tuliokupenda ni sisi wanachama wa chama cha Mapinduzi, na watu wachache wasio na chama. Kwa wale wasiopenda CCM wewe ulikuwa adui Mkubwa.

Nakumbuka ulivyokuwa unawapa shida wapinzani, kiasi cha wengi kukuona wewe ni kiumbe aliyejaa kiburi na dharau. Sitasahau siku moja ulikuwa kwenye kipindi kimoja cha Star Tv, ambapo ulikuwa unalumbana na Rais wa TLS, ndugu Tundu Lissu. Ulionekana ukicheka kwa dharau, huku ukikuna shingo kana kwamba Tundu Lissu anaongea 'utumbo'. Hiyo ilikuwa sura uliyowaonyesha wapinzani siku zote. Nani atasahau kauli yako kwamba wanaohama CCM ni [HASHTAG]#MafutaMachafu[/HASHTAG]? na nani atasahau kwamba utapigana vyovyote ili [HASHTAG]#CCM[/HASHTAG] iingie madarakani hata kwa [HASHTAG]#GoliLaMkono[/HASHTAG].

Baada ya wewe kushinda Uchaguzi wa jimbo la Mtama, baadhi ya watu walianza kusema Rais atakosea kukupa Uwaziri kwa sababu wewe ni 'mropokaji'. Iliwashangaza ulipoteuliwa kuwa Waziri. Utendaji wako uliwashangaza wengi na waliokuwa wanakuona mropokaji walishangazwa na busara zako. Siku hadi siku umezidi kuwa kipenzi cha watu, na hata wale adui zako wamekuja kukuelewa na kujua wewe ni Kiongozi wa kweli.

Mimi najivunia maisha uliyoishi katika nafasi zote mbili : kiburi wa CCM, na Waziri shujaa mwenye busara tele.

Nafasi yako CCM ilikuhitaji kuwa vile na uliitumikia. Kama ungekuwa Katibu wa Itikadi na Uenezi kisha wapinzani wakupende ulipaswa kuondoka. Ile ilionyesha kwamba uko tayari kutofautiana na watu ili usimamie ITIKADI.

Uwaziri ulikuhitaji kuwaunganisha Watanzania. Hilo ulilifanya, ulisimama upande wa watu. Wapinzani wenye nia njema walikuelewa, na wengi waliokuwa wanaokuwa hawana imani na wewe walibadilika kuwa wafuasi wako. Bado naiona picha yako ukihangaika kukamata wezi wa kazi za wasanii kule Kariakoo, na bado nakuona unavyohangaika kwenye viwanja vya Michezo kuinua hata michezo ya mchangani. Nakuona ukiwa [HASHTAG]#VIP[/HASHTAG] ya Fiesta pale Dodoma na kisha ukapanda jukwaani, na nakuona ukipiga gitaa kwenye majukwaa mbalimbali. Nakuona ukitembelea vyombo vya habari kuomba maoni yao kuhusu kanuni zinazoihusu Tasnia, kisha nakuona ukijivika Bomu baada ya uvamizi wa [HASHTAG]#CloudsMediaGroup[/HASHTAG].

Kwanini nashangilia? : Umeondoka katika wakati ambapo [HASHTAG]#Tanzania[/HASHTAG] inafahamu uwezo wako na uthubutu kama kiongozi. Kama ambavyo ulikuwa tayari kutumia kila mbinu dhidi ya Wapinzani ili utetee ITIKADI YA CHAMA, ndivyo ambavyo umekuwa tayari hata kutofautiana na SERIKALI kwa maslahi ya wengi.

Nape, wapo Mabondia wengi watajuta mpaka kufa kwao kwa sababu wakati wanastaafu hawakuwa na mikanda ya Ubingwa. Lakini ni furaha ya Milele kwa bondia kustaafu akiwa na Mikanda yake ya ubingwa.

Ubingwa uko kwako, ningeumia sana kama ungeendelea kuwa Waziri halafu uharibu imani Watanzania tuliyokupa. Lakini umeondoka tukiwa na imani ya kiwangi cha juu zaidi kwako. NASHANGILIA NAPE UMEONDOKA ULINGONI UKIWA NA MIKANDA YAKO.

 

[chief zuma]

Nape ni shujaaa
Hata kama hutaki

 

[meckxas Bono]

Usituletee siasa za maji taka km unaona hafai ni ww ebu tuambie shujaa wako ni nani

 

[Pung'o boy]

Kitendo alicho kifanya Nape ni kitendo ambacho kitabaki kwenye kumbukumbu na kufuta ule upuuzi alioufanya hapo awali kama hio ishu ya bunge, maana kwa yule nape wa bunge na kwa hii turn up aliyoifanya hakika ni kitendo cha kishujaa maana hakuna alietarajia kwa huyu huyu nape tuliekua tunamfahamu kukifanya

 

[No Escape]

Sisi wa TZ we tuache tu,upepo unapoelekea hukohuko ili mradi siku zinasonga.........sasa tuandike nini hapa zaidi ya Nape.

 

[meckxas Bono]

Tumuandike yy

 

[curiousE]

Not too late kugundua na kugeuza mwelekeo you can not change the past Ila you can change the future he did his job knowing the conveniences he is surely a hero in my eyes!!

 

[Freyzem]

Laana za bao la mkono...

 

[malisoka]

Wewe ni mgeni kabisa humu. Si Mkulu alisema Yeye ndiye aliyesitisha matangazo ya Bunge live? Mbona sasa unajitoa ufahamu.

 

[unprejudiced]

Umeshapiga maneno mengi sana haya tueleze sasa. Kipimo kipi kinakufanya useme hana sifa ukilinganisha na wote unaowajua. Tena kwa kipindi hata 2 years bado .hata mke hasifiwi kwa miaka 2 .kumbuka maisha bora kwa tz na thn kumbuka hawa wtz kama nyie baada ya 5 years.

 

[Tuwaseme]

Wewe ni mgeni kabisa humu. Si Mkulu alisema Yeye ndiye aliyesitisha matangazo ya Bunge live? Mbona sasa unajitoa ufahamu.

Nimehoji.. Kwa nn ushujaa wake usingeanzia kwenye bunge live.. Kwa nn asingempinga mkuu wakati ule

 

[Twilumba]

Habari zenu wanaBodi..

Kilichomtokea Aliyekuwa Waziri wa Michezo na Mbunge wa Mtama, Mh. Nape Nnauye, kwa Mtazamo wangu sio Ushujaa, bali ni Matokeo ya Siasa zake Chafu ktk Nchi hii ama kwa lugha nyengine ni Ajali Kazini.

Kama mtakumbuka vizuri wakati wa Uchaguzi Mkuu 2015, Nape amehusika kwa kiwango Cha Lami kutuletea huyu Kiongozi aliyepo sasa, Rais Magufuli. Kwa hiyo sasa hivi wanavyotumbuana ni Haki yao. Ni sawa na Kusema Acha wafu wazikane.

Nchi hii ina Mashujaa wengi wa kuitwa Mashujaa lakini Sio Nape. Mm n MwanaCCM lakini nilitambua wazi ktk uchaguzi Mkuu, kuwa Rais Magufuli hafiti kuwa Rais. Uwezo wa Rais Magufuli mwisho ni kwenye ngazi ya Uwaziri. Rais Magufuli hafiti hata ngazi ya Uwaziri Mkuu. Lakini nilishangaa kuona Vita yake binafsi na Lowasa ndiyo ilimfanya amuone Magufuli bora kuliko Lowasa (Mm sio Team Lowasa). Kwa hiyo anachokipitia Nape kwa sasa sio Ushujaa ni Matokeo ya Matendo yake.

Kama hiyo haitoshi, Hivi ni kweli leo Watanzania tumesahau kuwa Nape ndiye alieondoa Bunge Live. Hata kama alikuwa ameamrishwa na Rais. Basi Ushujaa wake ungeanza wakati ule, angekataa kuondoa Bunge Live.

Japo siungi Mkono vitendo vya Makonda lakini Kwa nn ushujaa wa Nape uanze sasa kwenye Sakata la Makonda ? Kwa nn hakuwa Shujaa kwenye Bunge Live?

Malipo ya Goli la Mkono!

 

[sibusiso dlomo]

Naomba niseme machache...kama unaijua siasa ya Tanzania vizuri Nape na wengi wa mawaziri wanapelekeshwa tu...Nape na wenzie wanatumika tu hawana maamuzi yao wenyewe..utakapoenda tofauti na yeye lazima likupate la kukupata...bashe,msukuma hawa bahati nzuri hawezi leta figisu za uanachama wao ila nao wapo katika maangalio ya jicho la tatu.
hataki ushauri wala kwenda tofauti naye..sasa hii sio siasa ya demokrasia..angalia wakina Ndalichako walivyohaibika na swala la Dodoma, waziri wa afya anavyotapatapa, waziri Mwaijage hajui anaongea nini yaani jamaa anawa control anavyotaka yeye....with time wengi tu watatoka na atajaza ma profesa na ma DR

 

[Twilumba]

Wewe ni mgeni kabisa humu. Si Mkulu alisema Yeye ndiye aliyesitisha matangazo ya Bunge live? Mbona sasa unajitoa ufahamu.

Kama mshauri wa Rais alishindwaje kuonesha ushujaa wake kwa kumshauri akubali, or else kwa nini hakushikia bango kurushwa LIVE bunge kama alivyoshikia hili la kutetea wauza Ngada? acha avune alichopanda!

 

[Mndali ndanyelakakomu]

Kwa nini mnamiliki id nyingi au ndo kuonekana jf ina wanao jua wengi

 

[ndege JOHN]

Shujaa ni magufuli

 

[Mshana Jr]

Nakubaliana name

 

[Dejane]

Ni kweli kayataka mwenyewe ni malipo hayo

 

[majutobeach]

Hahahaaaaa! Mh Dr magufuli chapa kazi tuko nyuma yako mpaka wanyooooke na dogo mr pol RC wa Dar es salaam hakuna kumtoa aendelee kuchapa kazi tuko nyuma yake wa bongo tumezoea umbea tuchape kazi

 

[Tuwaseme]

Nakubaliana name

Kama mpaka na ww rais wa Jf umekubalina na mm.. Nashukuru