Nachukua nachukua fursa hii, kutoa pongezi zangu za dhati kwa wana arumeru wote mliojitokeza jana kupiga kura, pia napenda niwapongeze wote mliojitokeza wakati wa mikutano ya kampeni na kuwasikiliza wagombea na sera zao, pia napenda niwashukuru pia kwa kufanya uchaguzi wa amani pasipo kufanya fujo. Na kwa maamuzi mazuri mliyo yafanya ya kuchagua kiongozi wa ukweli na sio bora kiongozi, kwa hili mmeziirisha ukomavu,uelewa wa demokrasia, na ujasiri ulio bobea, kwamba hamkukubali kuuza shahada zenu za kupigia kura, wala kura zenu hamkupiga kwa pesa mlizo mwagiwa. Natumia pia fursa hii, kuwapa pole ccm na wanakampeni wake hasa Benjamini Mkapa, Edward Lowasa, na Sioi si marry, kwa nguvu nyingi waliotumia, matusi majigambo na vitisho walivyo vitoa kwa wanaarumeru iwapo watakinyima kura chama chao, nataka niwaambie ukweli ccm ukweli ingawa ni mchungu niambie usinifiche, vitisho na majigambo kama hayo, walivitumia Igunga na wakawala, ila watambue Arumeru sio Igunga, someni alama za nyakati, kwamba wana arumeru wamechoka hawataki porojo ama propaganda tena wanataka vitendo vya kweli.
