Wakina Tundu Lissu na TLS yao waonywa Kuhusu Mgomo, wajiandae kujibu Mashitaka

[Daghaseta]

Dude limeamshwa!

 

[ndevu mzazi]

baada ya kukemea shambulizi ye analaumu waliochukua hatua

 

[lendila]

Mbona kaimu jaji mkuu mahakama za chini zinawanyima watu dhamana,na kesi zinadhama huwa hatoi kauli?

Sent using Jamii Forums mobile app

 

[mrangi]

Sheria ipo wazi, Jaji anaweza futa leseni ya wakili. Kinachofuatia ni leseni ya lisu kufutwa.

Lini mtamteua jaji mkuu

Ova

 

[Replica]

Wakili wa kujitegemea na mmiliki mwenza wa Smile Stars Attorneys, Leonard Tungaraza Manyama amepinga wito uliotolewa na Rais wa Chama cha Wanasheria Tanganyika (TLS) kutaka wanachama wote wa TLS kususia kwenda mahakamani kwa siku mbili.

Akiongea na waandishi wa habari Leonard Tungaraza Manyama amepinga wito huo na kuwataka Wanachama wote wa TLS kuendelea na shughuli zao kama kawaida na amewataka watendaji wa TLS kutoigeuza taasisi hiyo kama chama cha siasa au taasisi inayoendesha shughuli zake kwa mtindo wa kiharakati na badala yake kibaki kwenye majukumu yake ya kutoa huduma kama taasisi ya kitaaluma.

Aidha Manyama amesema yeye kama mwanasheria na mwanachama wa TLS, amesikitishwa na tukio la shambulizi kwenye ofisi za IMMMA Advocates na kuitaka TLS kutoa muda kwa vyombo vya dola kuendelea na uchunguzi wa tukio hilo.

Mbali na hilo Manyama amedai mawakili na wanasheria ni watumishi wa idara ya mahakama na kwamba tukio lolote la kutofanya kazi katika siku mbili hizo kutaleta usumbufu mkubwa kwa wananchi wa kipato cha chini ambao wamekuwa wakihangaika kutafuta haki zao kwa muda mrefu, huku mpango wa kuhakikisha kesi za muda mrefu zinapunguzwa mahakamani nao ukikwama.

Leonard Tungaraza Manyama ameibuka siku moja baada ya Rais wa TLS Tundu Lissu kuwataka mawakili kutohudhuria kwa siku mbili shughuli za mahakama Jumatatu na Jumanne kama ishara ya kulaani tukio la shambulizi lililofanywa kwenye ofisi za kampuni ya mawakili ya IMMMA Advocates usiku wa kuamkia Agosti 26 mwaka huu.

CHANZO: EATV

 

[mukulupapaa]

Hivi hata kama hilo tukio wamelifanya polisi, hivi hawana akili kabisa waende wamevalia sare zao!???!
Hii TLS ilikosea sana kuchagua MTU ambaye yupo kwenye active politics! Anabwatuka tu akidhani yupo jukwaani.

Sent from Moto G

Mkuu uko tanzania kweli? Maana waandika ka zuzu vile, polis wetu mpaka kuua wanaua wakiwa kwenye sare

Sent using Jamii Forums mobile app

 

[YEHODAYA]

Lisu yuko tayari kupeleka ushahidi kwenye tume ya majaji,tume iundwe lisu atawapa ushahidi

KASEMA WAPI? kAUSHAHIDI BASI

 

[B.G TANTAWI]

Wote nimewaelewa, nitafata kile Moyo wangu unanituma.

 

[Ultimate]

Kama ameshidwa kuongoza TLS hadi wanachawa wake wanamgomea anapotoa tamko ndo ataweza kuongoza watu 50ml

 

[nyabhingi]

Hivi hata kama hilo tukio wamelifanya polisi, hivi hawana akili kabisa waende wamevalia sare zao!???!
Hii TLS ilikosea sana kuchagua MTU ambaye yupo kwenye active politics! Anabwatuka tu akidhani yupo jukwaani.

Sent from Moto G

yule polisi aliyelipua tumbo la mwangosi alikuwa amevaa shera?

 

[Lambardi]

Advera amepangiwa kazi nyingine hapo makao makuu

Sent using Jamii Forums mobile app

Yule Mama Nuksi sana....alisema Marehem Mwangosi amerushiwa kitu cha ncha kali na wafuasi wa chadema......kuanzia hapo simtaki kabisa!!!!

 

[kiatu kipya]

Yule Mama Nuksi sana....alisema Marehem Mwangosi amerushiwa kitu cha ncha kali na wafuasi wa chadema......kuanzia hapo simtaki kabisa!!!!

Atakuwa amechuma dhambi nyingi

Sent using Jamii Forums mobile app

 

[Magonjwa Mtambuka]

Lisu ni mshamba kweli kweli. Eti anatembea na mavitabu mengii ili aonekane ni msomi. Mambo haya yameshapitwa na wakati.

 

[Isanga family]

Bongo shida sana jaji nae kama mkemia tuu hakuna tofauti..

 

[cosa nostra]

Kaimu Jaji Mkuu wa Tanzania, Profesa Ibrahim Juma na Jeshi la Polisi nchini, wamelionya Baraza la Uongozi la Chama cha Mawakili wa Tanganyika (TLS), kutoingilia vyombo vya uchunguzi na upelelezi, vinavyochunguza tukio la mlipuko, uliotokea kwenye ofi si za Kampuni ya Mawakili ya IMMMA usiku wa kuamkia juzi jijini Dar es Salaam.

Akizungumza na gazeti hili jana, Profesa Juma alisema TLS hawana haki ya kutoa agizo kwa mawakili, kutohudhuria mahakamani na kwenye mabaraza mengine, kwa kuwa kila wakili ana mkataba binafsi na mteja wake.

Profesa Juma alisema uhuru wa mahakama ni pamoja na kuheshimu mamlaka nyingine za nchi zinapokuwa zinafanya kazi zake. Alisema kwa kuwa tukio la kulipuliwa kwa ofisi za Mawakili wa Immma ni tukio la kihalifu, hivyo wanasheria waiache Polisi na vyombo vingine vya upelelezi kufanya kazi yao.

“Kama kutatokea wateja watakaolalamika kuwa mawakili wao hawakufika mahakamani siku ya Jumanne na Jumatano, hatua za kisheria dhidi ya mawakili hao zitachukuliwa ikiwemo kuwapeleka kwenye Kamati ya Maadili ya Mawakili,” alieleza Kaimu Jaji Mkuu.

Kauli ya Jeshi la Polisi Kwa upande wao, Jeshi la Polisi limesema liachwe liendelee na kazi ya uchunguzi, badala ya kulihusisha na tukio hilo. Msemaji wa Jeshi hilo Makao Makuu, Kamishina Msaidizi Barnabas Mwakalukwa alisema Jeshi la Polisi ndicho chombo chenye mamlaka ya kufanya uchunguzi na hivyo kama kuna mtu yeyote mwenye taarifa yoyote kuhusu tukio hilo, anatakiwa kuzitoa polisi badala ya kuzungumza na vyombo vya habari.

Kauli hizo za Polisi na ya Kaimu Jaji Mkuu, zimekuja baada ya Rais wa TLS, Tundu Lissu kuwaeleza waandishi wa habari Dar es Salaam jana kuwa Baraza lao la Uongozi lina taarifa kuwa kikundi cha watu wenye silaha za moto, wakiwa wamevalia sare za Jeshi la Polisi, kiliwateka nyara walinzi binafsi wa Kampuni ya IMMMA na kuingia ndani ya eneo la ofisi hizo.

Lissu alidai watu hao baada ya kuingia ndani, walitega milipuko na madumu manne ya mafuta ya petroli katika maeneo kadhaa ya jengo la ofisi hizo. Alidai muda mfupi baadaye, milipuko hiyo ililipuka na kusababisha uharibifu mkubwa wa jengo la ofisi za IMMMA Advocates zilizoko Upanga pamoja na majengo jirani.

“Kama Lissu ana hizo taarifa alitakiwa azilete polisi kwa kuwa ndicho chombo cha uchunguzi badala ya kuzungumza na vyombo vya habari. Kazi ya polisi ni kufanya uchunguzi wa kina na ndiyo maana Kaimu Kamanda wa Kanda Maalumu alisema atatoa taarifa uchunguzi ukikamilika, hivyo watu wanapaswa kusubiri taarifa kamili, nje ya hapo tunakuwa tunafanya kazi nje ya utawala wa sheria,” alieleza Msemaji wa Jeshi la Polisi, Mwakalukwa.

Mwakalukwa alivitaka vyombo vya habari, kuwatafuta walinzi hao ambao Lissu alidai walitekwa na watu wanaodhaniwa kuwa polisi ili waeleze tukio lilivyokuwa na ikibidi walinzi hao kutoa taarifa za kutekwa kwao polisi.

Alisema jambo hilo siyo dogo, hivyo watu waviache vyombo vya uchunguzi, viendelee na kazi yake kwani uchunguzi pekee ndiyo utakaobaini chanzo na wahusika. Ili kuonesha mshikamano, Baraza la Uongozi la TLS limewataka mawakili wote ambao ni wanachama wao nchini, wasuse kuhudhuria mahakamani na kwenye mabaraza ya aina zote kwa siku mbili, kesho na keshokutwa.

Lissu alidai kuwa lengo la kususa huko ni kupeleka ujumbe kwa jamii kuwa tukio lililotokea kwenye ofisi za IMMMA siyo dogo na hivyo wananchi ambao ni wateja wao hawana budi kwa siku hizo mbili kuungana nao kupinga jambo hilo. Alisema watamwandikia Kaimu Jaji Mkuu barua ya kumfahamisha kusudio lao la kutohudhuria mahakamani na kwenye mabaraza yote kwa siku hizo mbili.

“Tunatambua kuwa wateja wetu wataathirika, na hiyo ndiyo maana ya kufikisha ujumbe wetu kwa jamii. Tunafahamu kuwa wajibu wa kwanza wa wakili ni kumwakilisha mteja wake mahakamani, lakini kama mawakili hawako salama, uwezo wa kuwawakilisha wateja wao mahakamani unakuwa haupo,” alieleza Lissu ambaye pia ni Mbunge wa Singida Mashariki kupitia tiketi ya Chadema.

Aidha, alililaani tukio hilo na kuvitaka vyombo vya ulinzi na usalama, kuchunguza kwa kina ili wahusika wajulikane na kuchukuliwa hatua za kisheria dhidi yao. Alisema mawakili wa IMMMA wanapaswa kupatiwa ulinzi dhidi ya vitisho au vitendo vinavyoweza kuhatarisha usalama wao au kuwazuia kutekeleza wajibu wao wa kitaaluma.

Kwa mujibu wa Lissu, Baraza la Uongozi la TLS litakutana na uongozi wa juu wa Jeshi la Polisi, Idara ya Usalama wa Taifa, Kaimu Jaji Mkuu, Waziri wa Katiba na Sheria na Mwanasheria Mkuu wa Serikali ili kuzungumzia vitendo vya kushambuliwa mawikili wakiwa wanatekeleza majukumu yao ya kisheria.

Naye Rais wa Chama cha Wanasheria Zanzibar (ZLS), Omar Shaaban alisema wanaungana na TLS kulaani shambulio hilo kwenye ofisi za IMMMA. Alisema IMMMA wana tawi lao Zanzibar na ndiyo maana aliamua kuungana na TLS kulaani tukio hilo.

Usiku wa kuamkia juzi kulitokea milipuko kwenye ofisi za IMMMA Advocates zilizopo Upanga katika Barabara ya Umoja wa Mataifa jijini Dar es Salaam na kusababisha uharibifu. Imeelezwa kuwa vyombo vya uchunguzi vinaendelea na uchunguzi kubaini chanzo na wahusika wa tukio hilo.

Chanzo: Habari leo

Gazeti Habari Leo linamilikiwa na nani vile,....Nauliza tu

 

[seph0408]

Polisi wahusishwe halafu wajichunguze wao wapi na wapi kinatakiwa chombo huru kuchunguza tukio hilo.

Inategemea aliye "husisha " hao polisi Mara ya kwanza ni nani, sijawqhi sikia polisi wamesema polisi wamehusika na hivyo wanafanya unchunguzi wa polisi kuhusika,

Sent using Jamii Forums mobile app

 

[afnhondya]

Kama mtaalamu wa jinai ninashawishika sana kusema ni tukio la kuunda na lawama zangu naelekeza kwa IMMA ADVOCATES & LISSU lengo lao ni kupata coverage kwa nchi za magharibi kwamba Tanzania haikaliki na hakuna rule of law.

IMMA wametumika hapa sababu wanajua mteja wao ACCACIA lazima ata sympathise nao kuwa wanaonewa sbb ya case yao.

Jamani hii ni nchi yetu sote nguvu kubwa mnazotumia kuibomoa mkae mkijua hata nyie mkiingia mlowatoa watatumia mbinu hizohizo kuwatoa. Mtatawala nini na kwa maslahi ya nani?

Hivi kweli polisi wenye uniform wakatekeleze uhalifu wa aina hii kweli inaingia akilini?

Tambua polisi ndio wataalamu wa kuandaa matukio ya kihalifu kutokana na taaluma yao iweje wajikamatishe kijinga ivi.

Liheshimuni jeshi hili kwani uwepo wake ndoo umekufanya uitishe hyo press conference kwa kujiamini.

Nyambafuuu....!!

Sent using Jamii Forums mobile app

 

[JINOME]

 

[Trump2]

TLS walijichanganya wenyewe kumchagua mwanasiasa, acha awaburuze

 

[Mmakua Mmakonde]

Usitarajie kauli ya Mtu ikakubaliwa na jamii yote. Kupinga au kukubali ni hiyari ya raia aliye kwenye nchi huru kama Tz. Kuna somo hapa tunaweza kulipata. Kama ukishangaa kupingwa kwa Tundulisu basi mawazo yako yalitaraji atakubaliwa na wenzake wote. Si ktk ubinaadamu huo.