Wahubiri marufuku kuhubiri kwenye mabasi

[Hivi punde]

Mamlaka ya Udhibiti wa Nchi Kavu na Majini (SUMATRA) Kanda ya Nyanda za Juu Kusini, imepiga marufuku watu wanaohubiri kwenye mabasi ya abiria yanayokwenda wilayani na mikoani.

Meneja wa SUMATRA Kanda ya Nyanda za Juu Kusini, Denis Daudi ameyasema hayo leo Machi 19 wakati akizungumza na Mwananchi Digital kuhusiana na malalamiko ya abiria kutokana na kero wanayokumbana nayo wakiwa safarini.

Daudi amesema amekuwa akipokea malalamiko hayo na kwamba awali walitoa elimu kwa madereva na makondakta kutowapa nafasi za kueneza injili na ufanyabiashara, jambo ambalo halijatekelezeka.

"Nimepokea malalamiko kutoka kwa abiria na kama mamlaka tulitoa elimu kwa waumini, wafanyabiashara hususan madereva na makondakta sasa kama elimu hiyo wanaipuuza basi tutakaowabaini tutawawajibisha," amesema.

Amewataka wanaojitambulisha kuwa ni wachungaji na kueneza neno la Mungu kwenye vyombo vya usafiri wa umma, kutofanya hivyo badala yake watumie njia mbadala.

Chanzo: Mwananchi

Pia soma...
1. Hivi ni haki kuhubiri hovyo hovyo kwenye mabasi ya umma?
2. SUMATRA: Marufuku abiria kuzungumza siasa, dini, biashara ndani ya basi!
3. Mahubiri ndani ya mabasi

 

[Moisemusajiografii]

Kwa hiyo ule msemo wa ..."tembea na Yesu"...ndiyo unafutika kwa wasafiri?

 

[Mama_Aheshimiwe]

Tunataka ushahidi wa hayo malalamiko isije kuwa ni matakwa yake binafsi

 

[Mbao za Mawe]

Ok kwahiyo mtu akihubiri kwenye mabasi sasa hivi atalala mwili umechoka?

 

[Joseph lebai]

Safi sana, wanakera hasa wanapoomba chochote baada ya mahubiri. Alininyooshea mkono nikamtoa mkuku kwa kumwambia kalime

 

[popoma03]

Mimi huwa sipendi kupinga pinga mambo ya mungu japo siyaamini mtu akihubiri namuacha tu ahubiri

 

[mwiru jojo]

Mungu yupo

 

[AGOLA]

Mtu anahubiri dakika 5,tayari anataka akusanye pesa lukuki?anaekataa mahubiri so mtu mzuri.
Lakini ni lazima ukimaliza kuhubiri ukusanye sadaka?
Kero nafikiri zinaanzia hapo.