Wafanyakazi TTCL mbaroni

[neema shamuhenya]

SHIRIKA la Mawasiliano Tanzania (TTCL) limesema, wafanyakazi wake wawili waliokamatwa hawakuiba data au kudukua taarifa za wateja, ila walihujumu malipo yaliyofanywa na wateja wa shirika hilo.

Kwa mujibu wa taarifa ya ofisi ya uhusiano TTCL makao makuu, kumekuwa na taarifa potofu zinazosambazwa na vyanzo mbalimbali vya taarifa.

Jeshi la Polisi katika Kanda Maalumu ya Dar es Salaam limetangaza kuwashikilia wafanyakazi wawili wa TTCL kwa tuhuma za kuhujumu shirika hilo la umma.

Kamanda wa Kanda hiyo, Lazaro Mambosasa amewataja watuhumiwa hao ambao ni Kelvin Siame (25) mkazi wa Tabata Segerea Manispaa ya Ilala ambaye ni mfanyakazi wa Kitengo cha Huduma kwa Wateja na Lilian Hosea (36) mkazi wa Mbezi Beach Manispaa ya Kinondoni ambaye ni mhasibu.

Kamanda Mambosasa amesema watuhumiwa hao walikamatwa Julai 12, mwaka huu baada ya Polisi kupata taarifa kutoka kwa Ofisa Upelelezi wa TTCL kuwa kuna wafanyakazi wanajihusisha na udukuzi wa data za Shirika la TTCL kutoka taasisi za serikali zinazotumia mtandao wa TTCL.

Amezitaja taasisi hizo kuwa ni Chuo Kikuu cha Dar es Salaam (UDSM), Shirika la Taifa la Hifadhi ya Jamii (NSSF), Mfuko wa Maendeleo ya Jamii (TASAF), Shirika la Nyumba (NHC) na Mamlaka ya Mapato Tanzania (TRA).

“Taasisi hizi zimekuwa zikinunua data kutoka shirika la mawasiliano la TTCL kwa ajili ya matumizi ya kila siku lakini watuhumiwa hawa wamekuwa wakiiba data hizo na kuwauzia watumiaji binafsi kwa manufaa yao na kulisababishia shirika hasara ya Sh milioni 46,” alisema Kamanda Mambosasa.

Amesema, watuhumiwa hao wamehojiwa na kukiri kushirikiana na baadhi ya mawakala wa TTCL kuuza data ambazo walikuwa wakizidukua kutoka kwenye taasisi hizo. Watafikishwa mahakamani upelelezi utakapokamilika.

Chanzo: Habari leo

 

[Mndali ndanyelakakomu]

Asante kwa taarifa

 

[esther mashiker]

hawa watu wanalihujumu shirika letu hivyo sheria ichukue mkondo wake

 

[Bonde la Baraka]

Angalau hawa wanajua kujiongeza .
Mimi siku hizi nikisikia mtumishi kajiongeza nampongeza. Miaka mitatu mfululizo huongozi mishahara kwa kiburi binafsi ni dharau sana.

 

[Bonde la Baraka]

hawa watu wanalihujumu shirika letu hivyo sheria ichukue mkondo wake

Shirika lenu mnapata huduma bure au una hisa?

 

[Dongo La Kiemba]

Hao wanaosambaza taarifa potofu kwanini wasichukuliwe hatua za kisheria

 

[King Kong III]

Kupanga Mbezi Beach Nyumba Kodi Laki 6 lazima utumie akili za ziada.

 

[Xubzero]

Asante kwa taarfa

 

[hearly]

Jela hiyooooo "" inawaita " usikute hapo Katika hiyo hasara ya ml.46 wao waliishia kupata ml.5 ..5 .tu..hiyo ni banda ya kupigiana pasu na hao washirika wenzao

 

[Midekoo]

😳😳😳

 

[RRONDO]

Kupanga Mbezi Beach Nyumba Kodi Laki 6 lazima utumie akili za ziada.

Umejuaje kapanga?

 

[RRONDO]

Angalau hawa wanajua kujiongeza .
Mimi siku hizi nikisikia mtumishi kajiongeza nampongeza. Miaka mitatu mfululizo huongozi mishahara kwa kiburi binafsi ni dharau sana.

Nilitaka nikujibu hio post ya juu ila niliposoma hapo chini nimeona nikuache tu.

Shirika lenu mnapata huduma bure au una hisa?

 

[King Kong III]

Umejuaje kapanga?

Kwa wizi wa kitoto alioufanya inaonyesha anahangaika kodi ya nyumba.

 

[RRONDO]

Kwa wizi wa kitoto alioufanya inaonyesha anaangaika kodi ya nyumba.

Ha ha ha.

 

[mrangi]

Kupanga Mbezi Beach Nyumba Kodi Laki 6 lazima utumie akili za ziada.

Ila ukizidisha upigaji ipo Siku Uganda kulala mchongoma segerea au keko mkuu

Ova

 

[King Kong III]

Ila ukizidisha upigaji ipo Siku Uganda kulala mchongoma segerea au keko mkuu

Ova

Hao lazima wakalale segedansi.

 

[RRONDO]

Hao lazima wakalale segedansi.

Bila dhamana. I know the lady.

 

[ibanezafrica]

Yule masamaki mbona kimya?

 

[messanger]

SHIRIKA la Mawasiliano Tanzania (TTCL) limesema, wafanyakazi wake wawili waliokamatwa hawakuiba data au kudukua taarifa za wateja, ila walihujumu malipo yaliyofanywa na wateja wa shirika hilo.

Kwa mujibu wa taarifa ya ofisi ya uhusiano TTCL makao makuu, kumekuwa na taarifa potofu zinazosambazwa na vyanzo mbalimbali vya taarifa.

Jeshi la Polisi katika Kanda Maalumu ya Dar es Salaam limetangaza kuwashikilia wafanyakazi wawili wa TTCL kwa tuhuma za kuhujumu shirika hilo la umma.

Kamanda wa Kanda hiyo, Lazaro Mambosasa amewataja watuhumiwa hao ambao ni Kelvin Siame (25) mkazi wa Tabata Segerea Manispaa ya Ilala ambaye ni mfanyakazi wa Kitengo cha Huduma kwa Wateja na Lilian Hosea (36) mkazi wa Mbezi Beach Manispaa ya Kinondoni ambaye ni mhasibu.

Kamanda Mambosasa amesema watuhumiwa hao walikamatwa Julai 12, mwaka huu baada ya Polisi kupata taarifa kutoka kwa Ofisa Upelelezi wa TTCL kuwa kuna wafanyakazi wanajihusisha na udukuzi wa data za Shirika la TTCL kutoka taasisi za serikali zinazotumia mtandao wa TTCL.

Amezitaja taasisi hizo kuwa ni Chuo Kikuu cha Dar es Salaam (UDSM), Shirika la Taifa la Hifadhi ya Jamii (NSSF), Mfuko wa Maendeleo ya Jamii (TASAF), Shirika la Nyumba (NHC) na Mamlaka ya Mapato Tanzania (TRA).

“Taasisi hizi zimekuwa zikinunua data kutoka shirika la mawasiliano la TTCL kwa ajili ya matumizi ya kila siku lakini watuhumiwa hawa wamekuwa wakiiba data hizo na kuwauzia watumiaji binafsi kwa manufaa yao na kulisababishia shirika hasara ya Sh milioni 46,” alisema Kamanda Mambosasa.

Amesema, watuhumiwa hao wamehojiwa na kukiri kushirikiana na baadhi ya mawakala wa TTCL kuuza data ambazo walikuwa wakizidukua kutoka kwenye taasisi hizo. Watafikishwa mahakamani upelelezi utakapokamilika.

Chanzo: Habari leo

Asee watu wanajua kujitosa bila woga.

 

[denoo49]

Hii inaitwa rudi nyumbani kumenoga kwa Wizi