Vurugu za wafugaji ktk kuharibu mazingira

[SAMAHONJE]

Inanishangaza kuona hawa wafugaji na mifugo yao wanavyotaka kufanya Tanzania iwe jangwa kwani wanasambaa kama viwavi jeshi sehemu zote zenye rutuba Tanzania..Wafugaji hawa ambao ni wasukuma mazingira ya kwao yaani shinyanga kwa sasa ni jangwa na wanaendelea kuharibu mazingira mengine yaliyosalia kwa madai wao ni watanzania wanauhuru wa kwenda popote Tanzania.Naishangaa serikali inavyolifumbia macho jambo hili hatari nahisi viongozi wanapewa rushwa mifugo hao hao ili waendelee na uharibifu .Nimewaona Morogoro, Mbeya, Iringa,Mtwala,Rukwa,Pwani na kwingine kwingi.Na mara wafikapo maeneo hayo wanaanza kudai haki zao na kuanza ugomvi na wakulima huku serikali ikiwatetea kuwa wanahaki ya KUHARIBU MAZINGIRA.Ndugu watanzani mnapaswa kujua ya kwamba huu uharibifu wa mazingira unatuathiri sisi sote.Na hawa wafugaji hawakumbuki kupanda miti mazingira waliyotoka na pili wanazidi kuongeza idadi ya mifugo.WATANZANIA WOTE TULIONE HILI KUWA NI HATARI KWA TAIFA LETU ,TUTUNZE MAZINGIRA KWA FAIDA YETU NA VIZAZI VIJAVYO.

 

[Richard Robert]

Wazo zuri mkuu!.. Lakini tutambue umuhimu wa wafugaji. Ni lazima serikali itenge maeneo maalumu na kuweka mazingira mazuri ya upatikanaji wa maji... Mkuu nyama tamuu!...

 

[Richard Robert]

WATANZANIA WOTE TULIONE HILI KUWA NI HATARI KWA TAIFA LETU ,TUTUNZE MAZINGIRA KWA FAIDA YETU NA VIZAZI VIJAVYO.

Well said!..

 

[Ndoa]

Ufugaji wa kizamani kuzurura na mifugo nchi nzima inabidi uachwe. Wafugaji waelimishwe.

 

[Ako Kwaang]

Ni kweli wafugaji wanaharibu sana mazingira lakini na wakulima wapo. tatizo vijiji vingi vya Tanzania havina mpango wa matumizi bora ya ardhi ili kutenga maeneo ya kilimo, ufugaji na uhifadhi. jambo la pili, wafugaji wengi hasa wa kisukuma wanatapeliwa sana na viongozi wa vijiji halafu wanauziwa maeneo ya hifadhi, na hili lipo sana mikoa ya Rukwa na Mbeya. Kwa mfano tuliwahi kumkamata mfugaji ndani ya msitu wa hifadhi kumbe mwenyekiti na mtendaji wa kijiji wamemuuzia kwa sh million tatu eneo la hekta 20, kwa maandishi. Jambo la tatu, kilimo chetu bado ni cha jadi, kile cha kuhamahama. Maeneo ya misitu ya Miombo udongo wake unapoteza rutuba mapema, hivyo unahitaji mbolea na wakulima kwa kukwepa hilo wanahama na kwenda kufyeka eneo lingine. Pia wakulima bado wana imani ukilima eneo kubwa ndio utapata mazao mengi, kitu ambacho si kweli. Takwimu za sasa zinasema tunapoteza karibu hekta 200,000 za misitu kwa mwaka, kutoka kwenye hekta milioni 48. Kwa hiyo mkuu tusilaumu wafugaji tu, wapo wakulima, wachoma mkaa, wapasua mbao, wawindaji, n.k.