Usalama wa Taifa wakanusha tuhuma za Dr. Slaa


Status
Not open for further replies.
Mpita Njia

Mpita Njia

JF-Expert Member
Joined
Mar 3, 2008
Messages
7,011
Likes
35
Points
145
Mpita Njia

Mpita Njia

JF-Expert Member
Joined Mar 3, 2008
7,011 35 145
Wameitisha Press Conference imehutubiwa na Naibu Mkurugenzi bwana Jacky Mugenzi kuwa hawahusiki kwa namna yoyote na uchakachuaji wa kura za urais.

Source: Mimi mwenyewe

==========

Usalama wa Taifa wamvaa Dk Slaa

Friday, 05 November 2010 08:15

Naibu Mkurugenzi Mkuu wa Usalama wa Taifa,Jackie Zoka

KATIKA hali isiyo ya kawaida, Idara ya Usalama wa Taifa jana ilijitokeza hadharani kujibu tuhuma zilizoelekezwa kwake na mgombea urais kwa tiketi ya Chadema, Dk Willibrod Slaa ambaye alidai kuwa idara hiyo nyeti ilipika matokeo ya uchaguzi wa rais.Majibu ya Idara ya Usalama wa Taifa yametolewa katika siku ambayo Tume ya Uchaguzi (Nec) imekiri kuwa ilifanya makosa kwenye matokeo ya kura za uchaguzi wa rais kwa kumpa mgombea huyo wa Chadema kura chache kwenye jimbo alilolalamikia la Geita.

Mkurugenzi wa uchaguzi wa Nec, Rajab Kiravu alisema jana kwenye mkutano na waandishi kuwa Tume ilichukuwa matokeo ya Jimbo la Nyang'wale na kuyatangaza kuwa ni ya Geita na kukiri kuwa ilifanya makosa, lakini ikasema matokeo ya Jimbo la Hai na Ubungo hayakuwa na makosa kama Dk Slaa alivyodai.

Dk Slaa, ambaye aliibukia kuwa kivutio wakati wa kampeni za uchaguzi kutokana na mikutano yake kuvuta watu wengi, aliituhumu Idara ya Usalama wa Taifa juzi akisema kuwa ilihusika kuchakachua matokeo ya kura za urais kwa lengo la kumpa mgombea wa CCM, Jakaya Kikwete ushindi wa kishindo.

Katibu huyo mkuu wa Chadema, ambaye alikuwa na nyaraka zinazoonyesha matokeo yaliyokusanywa kwenye vituo na kwa wasimamizi wa uchaguzi ambayo alidai yanapingana na yale yanayotangazwa na Tume ya Uchaguzi, aliahidi kuyakataa matokeo na kuitaka Nec kuitisha uchaguzi upya.

Katika moja ya mikutano yake wakati wa kampeni, Dk Slaa alisema imani yake kuwa wizi wa kura upo inatokana na hukumu ya mwaka 2008 ya mahakama kwenye kesi ya kupinga ushindi wake kwenye Jimbo la Karatu ambayo iliionyesha kuwa aliibiwa kura 5,000.

Lakini jana, naibu mkurugenzi mkuu wa idara hiyo, Jackie Zoka alikutana na waandishi wa habari kujibu tuhuma hizo kali za kushiriki kuhujumu kura kinyume na utashi wa wananchi, akisema madai hayo yasipotolewa majibu, wananchi wanaweza kuyaamini.

"Wananchi hawana budi kupuuza tuhuma zinazotolewa na Dk Slaa," alisema Zoka alipoongea na waandishi wa habari kuhusu madai hayo ya Dk Slaa. "Hizi ni jitihada za makusudi za kuichinganisha Idara ya Usalama wa Taifa na wananchi.

“Tuhuma hizo ni nzito hasa kutoka kwa mtu anayewania kuwa kiongozi mkuu wa taifa letu. Kama zisipojibiwa, upo uwezekano mkubwa wa wananchi kuziamini. Hii itajenga hisia kuwa viongozi watakaotangazwa katika uchaguzi huu wamewekwa na usalama wa jambo ambalo sio kweli."

Zoka alieleza kuwa hatua zote za uchaguzi mkuu, ikiwamo ni pamoja na upigaji wa kura, kuzihesabu na hata kutangaza matokeo, zinafanywa bila uficho hivyo haiingii akilini idara hiyo kuhusishwa kwa namna yeyote ile katika mchakato huo.

Alizitaja hatua za upigaji kura kuwa ni pamoja na kupigwa vituoni bila uficho wowote, kuhesabu kura mbele ya mawakala, kujaza na kupewa fomu kwa mawakala wa vyama na kupelekwa kwa matokeo sehemu ya majumuisho, akasema katika hatua zote hizo, maafisa usalama wa Taifa huwa hawapo.

“Katika utaratibu huo, haiingii akilini ni sehemu gani ambapo Maafisa usalama wa Taifa watapata nafasi ya kuchakachua. Hapana shaka tuhuma hizo zinalenga tu kuipaka matope idara,” alisema.

Hata hivyo, kura hizo huhesabiwa kwa uwazi kwa wasimamizi wa uchaguzi na kutumwa Nec ambayo huamua kutangaza bila ya wawakilishi wa vyama kuhakiki kwanza matokeo kutoka kwa wasimamizi.

Zoka alimtaka Dk Slaa kutoa ushahidi wa madai yake hayo akionya kuwa taratibu za Idara ya Usalama wa Taifa kufanya mambo yake kwa siri, zisitumike kama kigezo cha kuituhumu kwa mambo mazito na ya uongo.

Kwa mujibu wa Zoka inawezekana Dk Slaa anadanganywa na watu wanaojifanya Usalama wa Taifa ambao wanampa taarifa za siri, lakini anapaswa kuwa makini kwani taarifa zingine ni za uongo na zinachochea uvunjifu wa amani.

“Kwa lugha ya kawaida tunasema Dk Slaa ameingizwa mjini na yeye ameingia kichwa kichwa,” alisema Zoka.

Zoka alieleza kuwa Idara ya Usalama wa Taifa ipo kwa lengo la kuhakikisha nchi inakuwa salama na sio kuwa chanzo cha kuhatarisha usalama wa Taifa hivyo tuhuma hizo hazina msingi.

Alidokeza kuwa kimsingi idara hiyo ni rafiki wa vyama vya siasa na iko tayari wakati wote kushirikiana navyo katika kutekeleza majukumu yao.

Hii ni mara ya kwanza kwa Idara ya Usalama wa Taifa kujitokeza kujibu tuhuma zinazoelekezwa kwake.

Naye Dk Slaa alizungumza na waandishi wa habari jana na kuwaambia kuwa hashangazwi na lugha kali iliyotolewa na idara hiyo kujibu tuhuma zake.

Akizungumza na waandishi wa habari jana jioni, Dk Slaa alifafanua kuwa hashangazwi na hatua hiyo ya Usalama wa Taifa kwa kuwa ilishawahi kujaribu kuzuia kashfa ya wizi wa fedha kwenye Akaunti ya Malipo ya Madeni ya Nje (EPA) lisijadiliwe bungeni.

"Kipindi kile limeibuka suala la EPA, Usalama wa Taifa waliingilia kati ili lisijadiliwe bungeni, sasa hawa ni Usalama wa Taifa gani wanaoficha maovu. Walisema nyaraka zangu za ushahidi wa EPA ni feki (za kughushi), lakini leo hii waliohusika katika sakata hilo la EPA wana kesi mahakamani," alisema Dk Slaa.

"Katika ukurasa wa kwanza na wa pili wa tamko la Usalama wa Taifa walilolitoa baada ya kuwataja jana (juzi) kuwa walihusika kuchakachua matokeo, wamekiri wazi kuwa walisambazwa nchi nzima."

Alisema idara hiyoi haihusiki na masuala ya uchaguzi na kwamba aliamua kuzungumza baada ya kuiona idara hiyo ikiingilia taratibu za uchaguzi.

"Walitakiwa kuonyesha kwa nini nimepata kura kidogo katika maeneo ambayo rekodi zinaonyesha kuwa nilikuwa na kura nyingi, hiyo ndio kazi ya Usalama wa Taifa. Watanzania ndio waliowaajiri kwa kuwa wanalipwa kutokana na kodi za wananchi," alisema Dk Slaa.

Dk Slaa, ambaye alitaja orodha ya mafisadi wakubwa nchini kwenye mkutano wa hadhara uliofanyika Mwembeyanga, Tandika, alisema uchakachuaji wa kura ni ufisadi na kuweka bayana msimamo wake kuwa atazungumzia bila wowote kitu chochote kinachohusu ufisadi.

"Mimi siogopi... waendelee tu, tutakutana mahakamani," alisema.

"Hatuchonganishi jambo lolote bali tunaeleza ukweli... Usalama wa Taifa unaweza kutokuwa na manufaa kama haulindi haki za wananchi. Katika majibu yao wametueleza sheria, sisi ni watendaji inawezekana wakawa hawajui jinsi uchakachuaji wa kura unavyouma, labda na wao waje halafu wachakachuliwe ndio watajua ukweli," alisema Dk Slaa.

Kuhusu madai kuwa ameingizwa mjini na watu wanaojidai kuwa ni maofisa wa Usalama wa Taifa, Dk Slaa alisema: "Ndio walishawahi kusema kuwa napewa nyaraka na Usalama wa Taifa 'feki', lakini iwe ndani au nje ya serikali wapo Watanzania wenye dhamira safi na wataendelea kutuletea taarifa tu."

Alisema kuwa inachokifanya Chadema ni kueleza kuwa kuna matatizo ili yaweze kujadiliwa na kupatiwa ufumbuzi, lakini kuna watu hawataki.

"Asiyesikia la mkuu huvunjika guu. Huu ni msemo tu na mimi sio mkuu bali nazungumza kwa maslahi ya nchi yangu na watanzania kwa ujumla. Wananchi watakuja kukasirika na sisi tusilaumiwe kwa kuwa tunaeleza matatizo yaliyopo ili tukae kwa pamoja tuzungumze," alisema.

Nao wasomi wameungana na madai ya Dk Slaa wakisema kuwa uchakachuaji matokeo ya kura nchini umekuwa aibu kwa taifa.

Wakizungumza kwa nyakati tofauti jijini Dar es Salaam jana, wasomi hao walisema kuna dalili zinazotia shaka kwamba matokeo ya urais yamechakachuliwa kwa kuwa hawaoni sababu kucheleweshwa kutangazwa.

“Tunajua kuwa hata kama CCM ingeshinda, isingeshinda kwa kura nyingi kiasi hicho. Kwa nini tumsifie mtu kuwa ameshinda kwa kishindo na huku amechakachua matokeo?”alisema Dk Fairles Ilomo, mhadhiri wa Chuo Kikuu cha Tumaini, Iringa.

Dk Ilomo alisema haiingii akilini kuelezwa kuwa matokeo yamechelewa kutangazwa kwa sababu ya matumizi ya kompyuta katika hatua ya kuhesabu kwani wakati wa upigaji, wananchi hawakutumia kompyuta.

"Kwanini matokeo yasubiri kompyuta? Hakuna logic (mantiki) kusema kuwa kuingiza data kwenye kompyuta kulisababisha ucheleweshaji maana hata uchaguzi wa Marekani, walitumia kompyuta na matokeo yakawahi kutolewa," alisema Dk Ilomo.
“
Ni kweli uchaguzi ulifanyika vizuri na kulikuwa na amani lakini katika hatua ya kuhesabu kura na kutangaza matokeo kulikuwa na uchakachuaji hasa katika maeneo nyeti.

“Rais aapishwe, lakini Dk Slaa ana haki ya kuendelea na malalamiko yake. Kama malalamiko hayo yakionekana yana ukweli, maamuzi mengine yafuate."

Kwa mujibu wa Dk Ilomo pamoja na kwamba CCM imeshika hatamu kwa nafasi ya urais, wananchi wanapaswa kujua kuwa mfumo wa uongozi nchini ni wa uchakachuaji ambao kama mtu hauko kwenye mfumo huo, kushinda ni vigumu.

Lakini Dk Ilomo alitahadharisha kwa kusema “kama hoja za Dk Slaa si za msingi au ni siasa tu, ni bora aache msimamo huu wa kukataa matokeo kwa sababu atajiharibia. Lakini kama ushahidi wake ni wa kutosha, aendelee."

Mhadhiri mwingine chuoni hapo Harod Tairo alisema amestuka kuona matokeo hayo yanaonyesha kuwa watu wengi wamewapigia kura wabunge wa Chadema lakini si mgombea wake wa urais, yaani Dk Willibrod Slaa.

“Mimi naamini kwamba wabunge wengi wa Chadema walichaguliwa kwa juhudi za Dk Slaa. Wananchi hawawezi kuchagua mbunge wa Chadema halafu rais wamchague wa CCM. Mimi naona matokeo hayaakisi halihalisi,” alisema Tairo.
Kwa mujibu wa Tairo matokeo hayo yanataka kuthibitisha tafiti za Redet na Synovate kwamba CCM bado iko juu kuliko vyama vingine.

Mhadhiri huyo pia alizungumzia suala la ucheleweshaji matokeo akisema anashangazwa na sababu zilizotolewa.

“Sababu za kuchelewesha matokeo haziingii akilini. Eti kuingiza mahesabu kwa siku mbili? Hapo hata mimi nina shaka.
Kuna kuna kitu kilichokuwa kinaendelea," alisema Tairo na kutolea mfano wa msimamizi wa uchaguzi kwenye moja ya kata za Jimbo la Segerea aliyeripotiwa kukamatwa na nyaraka za Nec wakati wa majumuisho ya kura.

“Wananchi walisimamia matokeo ya ubunge na kusahau ya urais ndio maana uchakachuliaji ulifanyika sana katika matokeo hayo,”alieleza.

Mwanafunzi wa Shahada ya Uzamivu (Phd) wa Chuo cha Kilimo cha Sokoine (SUA), Gasper Mpehongwa alisema Dk Slaa apeleke malalamiko yake Tume badala ya kulalamika nje ya utaratibu.

"Kama ushahidi ni wa kweli, ni jambo la kusikitisha sana kwamba wananchi wanapiga kura kuonyesha maamuzi yao wakati system (mfumo) una maamuzi tofauti. Kulalamika hivi hivi tu hakusaidii. Dk Slaa apeleke malalamiko hayo tume,” alisema Mpehongwa

Habari hii imeandikwa na Elias Msuya, Petro Tumaini na Fidelis Butahe
 
Kituko

Kituko

JF-Expert Member
Joined
Jan 12, 2009
Messages
9,510
Likes
7,295
Points
280
Kituko

Kituko

JF-Expert Member
Joined Jan 12, 2009
9,510 7,295 280
ulitegemea watakubali?
 
Mwita Maranya

Mwita Maranya

JF-Expert Member
Joined
Jul 1, 2008
Messages
10,569
Likes
109
Points
160
Mwita Maranya

Mwita Maranya

JF-Expert Member
Joined Jul 1, 2008
10,569 109 160
Wameitisha Press Conference imehutubiwa na Naibu Mkurugenzi bwana Jacky Mugenzi kuwa hawahusiki kwa namna yoyote na uchakacghuaji wa kura za urais.

Source: Mimi mwenyewe
Kwanini RO asijitokeze mwenyewe kujibu tuhuma za uchakachuaji?

Hamjamuuliza maswali yoyote zaidi ya kupokea taarifa yao ya kukanusha kuhusika?
 
Kachanchabuseta

Kachanchabuseta

JF-Expert Member
Joined
Mar 8, 2010
Messages
7,283
Likes
15
Points
135
Kachanchabuseta

Kachanchabuseta

JF-Expert Member
Joined Mar 8, 2010
7,283 15 135
Waache wajichanganye
 
coby

coby

JF-Expert Member
Joined
Nov 28, 2008
Messages
342
Likes
1
Points
35
coby

coby

JF-Expert Member
Joined Nov 28, 2008
342 1 35
Tangu lini mtuhumiwa akakubali, tulitegemea ajibu hivyo
 
Lu-ma-ga

Lu-ma-ga

JF-Expert Member
Joined
Sep 21, 2010
Messages
3,068
Likes
647
Points
280
Lu-ma-ga

Lu-ma-ga

JF-Expert Member
Joined Sep 21, 2010
3,068 647 280
Ili kupata muafaka ni bora malinganisho ya madai ya Dr.SLAA dhidi ya uchakachuaji yakafanyiwa kazi kuliko kukanusha tu.Hapa inabidi wawe objective zaidi ya kuwa subjective. SLAA amesema nazo takwimu basi zifanyiwe kazi kuliko kuendelea kurumbana.Time is running out you know!!!!!
 
Rutashubanyuma

Rutashubanyuma

JF-Expert Member
Joined
Sep 24, 2010
Messages
169,612
Likes
610,864
Points
280
Rutashubanyuma

Rutashubanyuma

JF-Expert Member
Joined Sep 24, 2010
169,612 610,864 280
TBC1 leo kwenye taarifa yao ya habari ya mchana wamemwonyesha Naibu Mkurugenzi wa Idara ya Usalama wa taifa Bw. Jacky Nzoka akilalama ya kuwa tuhuma za Dr. Slaa dhidi ya idara ya usalama wa taifa ni za uongo na akadai ya kuwa yawezekana Dr. Slaa alitapeliwa na watu wanaojiita ni usalama wa taifa kwa kumpa taarifa za uongo........

Maoni yangu binafsi ni kuwa..................

Hili linashtua kwa sababu, Dr. Slaa amesema anao ushahidi na huyu kibosile wa usalama wa taifa hakuonyesha hata kama amepitia ushahidi huo wa Dr. Slaa kabla ya kuanza kuushambulia............

Ushauri wangu kwa Idara ya Usalama iupitie ushahidi wa Dr. Slaa kabla ya kuanza kujidhalilisha na utetezi ambao hauna mashiko hata chembe....................
 
F

Ferds

JF-Expert Member
Joined
Oct 27, 2010
Messages
1,267
Likes
27
Points
135
F

Ferds

JF-Expert Member
Joined Oct 27, 2010
1,267 27 135
tutafuta mchawi hadi tukome lakini ikweli chadema tumegeukana , na ushahidi upo, mawakala wetu tuwawajibishe ndio tuwafuate wengine
 
Halisi

Halisi

JF-Expert Member
Joined
Jan 16, 2007
Messages
2,812
Likes
98
Points
145
Halisi

Halisi

JF-Expert Member
Joined Jan 16, 2007
2,812 98 145
Ni hatari kwamba Usalama wa Taifa sasa wanafanya Press Conference halafu naambiwa waandishi wa Tanzania Daima walizuiwa kuingia na wamefanyia pale ilipokua Holiday Inn, Southern sun hotel. Ni jambo jema wangefanya kuwatuliza wananchi kuwa nchi iko shwari na kwamba wataheshimu matokeo na kufanya kazi na yeyote atakayeshinda, lkn hii ndio Tanzania, kaanza Shimbo sasa Nzoka
 
Ngongo

Ngongo

JF-Expert Member
Joined
Sep 20, 2008
Messages
12,378
Likes
3,963
Points
280
Ngongo

Ngongo

JF-Expert Member
Joined Sep 20, 2008
12,378 3,963 280
kheee ni kwa mara ya kwanza toka nimekuwa na akili nasikia Mkurugenzi wa usalama wa taifa anaongea hadharani..

Mkuu Kigogo maji yamezidi unga.
 
M

Magobe T

JF-Expert Member
Joined
Mar 19, 2008
Messages
2,968
Likes
373
Points
180
M

Magobe T

JF-Expert Member
Joined Mar 19, 2008
2,968 373 180
TBC1 leo kwenye taarifa yao ya habari ya mchana wamemwonyesha Naibu Mkurugenzi wa Idara ya Usalama wa taifa Bw. Jacky Nzoka akilalama ya kuwa tuhuma za Dr. Slaa dhidi ya idara ya usalama wa taifa ni za uongo na akadai ya kuwa yawezekana Dr. Slaa alitapeliwa na watu wanaojiita ni usalama wa taifa kwa kumpa taarifa za uongo........

Maoni yangu binafsi ni kuwa..................

Hili linashtua kwa sababu, Dr. Slaa amesema anao ushahidi na huyu kibosile wa usalama wa taifa hakuonyesha hata kama amepitia ushahidi huo wa Dr. Slaa kabla ya kuanza kuushambulia............

Ushauri wangu kwa Idara ya Usalama iupitie ushahidi wa Dr. Slaa kabla ya kuanza kujidhalilisha na utetezi ambao hauna mashiko hata chembe....................
Udhaifu huu unaonekana katika vyombo vyetu vya dola. Tuhuma zikitolewa, kitu cha kwanza ni kuzifanyia kazi na siyo kuzikanusha. Unapokanusha uwe na uthibitisho na umejiridhisha kuwa lililosemwa halipo. Haiwezekani jana kumetolewa shutuma kali kama hizo halafu siku hiyohiyo au kesho yake mtu awe ameshatafiti kubaini hilo tatizo. Kama kila kitu ni rahisi kiasi hicho, mbona Tume ya Uchaguzi ya Taifa inapata shida kujumlisha idadi ya kura hata Dar es Salaam, ambako tunategemea ufanisi mkubwa kiutendaji na upatikanaji wa nguvu kazi, vitendea kazi na miundo mbinu?
 
coby

coby

JF-Expert Member
Joined
Nov 28, 2008
Messages
342
Likes
1
Points
35
coby

coby

JF-Expert Member
Joined Nov 28, 2008
342 1 35
Yale ya Shimbo ndio yanatokea tena kwa huyu jamaa. Analalama bila kujua analalama kuhusu nini na kwa kigezo gani. Hajui kama no data no base to speak. Anyway, hii vita inajulikana siku zote kuwa ni kati ya umma wa watanzania wapenda maendeleo ya nchi hii ikiongozwa na Dr. Slaa(PhD) against CCM, NEC, wakuu wa vyombo vyote vya usalama na mafisadi. Tusonge mbele, tutafika
 
L

Lalashe

Member
Joined
Nov 4, 2010
Messages
84
Likes
0
Points
0
L

Lalashe

Member
Joined Nov 4, 2010
84 0 0
Ndugu yangu kumbuka hatuna usalama wa taifa tuna usalama wa JK. Nchi imekwisha hii ndugu yangu watu wanapita kama uchochoro kisa taasis muhimu kama hizo zimebinafsishwa. Usalama wa taifa hawajui wanachofanya. Na nchi hii usitegemea kuwa na watu katika taasisi za umma ambao wapo objective au kufanya uchambuzi critical thinking kwisha.
 
Baba_Enock

Baba_Enock

JF-Expert Member
Joined
Aug 21, 2008
Messages
6,846
Likes
255
Points
180
Baba_Enock

Baba_Enock

JF-Expert Member
Joined Aug 21, 2008
6,846 255 180
Sina uhakika hata kama Zimbabwe wanaweza kufanya hili:

Deputy Director wa TISS anafanya mahojiano na waandishi wa habari kukanusha tuhuma? Hii mpya!

BTW: Nani anatawala hii nchi?
 
B

Binti Sayuni

JF-Expert Member
Joined
Feb 25, 2009
Messages
357
Likes
7
Points
35
B

Binti Sayuni

JF-Expert Member
Joined Feb 25, 2009
357 7 35
Anadhalilisha taaluma yake.:sad:
 
M

Mkulima

JF-Expert Member
Joined
Feb 4, 2007
Messages
698
Likes
118
Points
60
M

Mkulima

JF-Expert Member
Joined Feb 4, 2007
698 118 60
Ni hatari kwamba Usalama wa Taifa sasa wanafanya Press Conference halafu naambiwa waandishi wa Tanzania Daima walizuiwa kuingia na wamefanyia pale ilipokua Holiday Inn, Southern sun hotel. Ni jambo jema wangefanya kuwatuliza wananchi kuwa nchi iko shwari na kwamba wataheshimu matokeo na kufanya kazi na yeyote atakayeshinda, lkn hii ndio Tanzania, kaanza Shimbo sasa Nzoka
Siku hizi wanaongea mkuu. mambo ya siri yamepitwa na wakati. Ukitaka mfano soma hapa chini:

BBC News - MI6 chief Sir John Sawers says torture illegal
 
Joseph

Joseph

JF-Expert Member
Joined
Aug 3, 2007
Messages
3,525
Likes
91
Points
145
Joseph

Joseph

JF-Expert Member
Joined Aug 3, 2007
3,525 91 145
Tangu lini mwizi akakubali kuwa kaiba?
 
Invisible

Invisible

Admin
Joined
Feb 11, 2006
Messages
9,101
Likes
511
Points
180
Invisible

Invisible

Admin
Joined Feb 11, 2006
9,101 511 180
Aaaaghhh!

Mungu epusha mbali, this' too low for TISS. Kwanini wanajibu? Nani amewashauri wafanye jambo hili? Kwanini wasiwaachie wanasiasa?

Dah...

:A S angry:
 
Jatropha

Jatropha

JF-Expert Member
Joined
Apr 9, 2009
Messages
1,152
Likes
144
Points
160
Jatropha

Jatropha

JF-Expert Member
Joined Apr 9, 2009
1,152 144 160
wameitisha press conference imehutubiwa na naibu mkurugenzi bwana jacky mugenzi kuwa hawahusiki kwa namna yoyote na uchakacghuaji wa kura za urais.

Source: Mimi mwenyewe
kwani wao ni usalama wa taifa upi, kwa kuwa madai ya dr slaa ni mazito na anasema anao ushahidi kwani kama sehemu ya usalama wa taifa wasilichunguze hilo?
 
Domo Kaya

Domo Kaya

JF-Expert Member
Joined
May 29, 2007
Messages
530
Likes
8
Points
0
Domo Kaya

Domo Kaya

JF-Expert Member
Joined May 29, 2007
530 8 0
kwani wao ni usalama wa taifa upi, kwa kuwa madai ya dr slaa ni mazito na anasema anao ushahidi kwani kama sehemu ya usalama wa taifa wasilichunguze hilo?
Sasa hapo wachunguze nini, kwani kuna maombi yeyote yalipelekwa usalama wa taifa kuomba kuchunguza.
 
Status
Not open for further replies.

Forum statistics

Threads 1,205,263
Members 457,815
Posts 28,187,920