Unga wa Ubuyu unatibu nini?

[kidi kudi]

Wadau kuna rafiki yangu kanishauri niwe angalau kwa siku ninywe juisi ya unga wa ubuyu eti ni nzuri kiafya na hakuniambia kwa kina faida yake.

Mwenye kujua tujuzane tafadhali faida ntakayoipata kiafya.

Asanteni.

 

[Prince Hope]

Mwuulize, uwe na uhakika.

 

[bidada]

ina vitamin c nyingi kuliko machungwa

 

[Ubungo]

Watu wa nutrition tunaomba jibu.

 

[Ndahani]

Kila kitu mbona dawa...tuhamie porini tukaishi na matunda...

 

[ChiefmTz]

Pia ina boost imune

 

[kidi kudi]

Kila kitu mbona dawa...tuhamie porini tukaishi na matunda...

Nimegundua kwamba kula vitu natural ndo ujanja! watu siku hizi wakikuona kila siku unaulizia matembele wanakuona kama uliefulia kumbe kwenye mboga za majani kuna utajiri wa afya zetu

 

[BAGAH]

wadau kuna rafiki yangu kanishauri niwe angalau kwa siku ninywe juisi ya unga wa ubuyu eti ni nzuri kiafya na hakuniambia kwa kina faida yake...mwenye kujua tujuzane tafadhali faida ntakayoipata kiafya
asanteni

mkuu kwa nini ulimuachia kabla hajakupa majibu ya kina?
ona sasa tunakosa point hapa.

 

[bidada]

Husaidia kuongeza kumbukumbu, huongeza kinga za mwili, hutibu figo, hutibu magonjwa ya moyo, macho kuona vizur, huimarisha fizi na mifupa pia ngozi na misuli.

 

[bidada]

ila yakupasa unywe wenyewe usichanganye na kitu chochote. Kwa upande wangu imenisaidia sana kuni shape mwili japo imechukua muda kidogo

 

[LEGE]

wapi mzizi mkavu?? Au leo anasinzia??

 

[kidi kudi]

Husaidia kuongeza kumbukumbu, huongeza kinga za mwili, hutibu figo, hutibu magonjwa ya moyo, macho kuona vizur, huimarisha fizi na mifupa pia ngozi na misuli.

Dah..!kumbe faida ni za kutosha tu..basi inabidi nianze kunywa kwa wingi maana niliona kama jamaa ananizingua

 

[kidi kudi]

mkuu kwa nini ulimuachia kabla hajakupa majibu ya kina?
ona sasa tunakosa point hapa.

mi nilijua ananitania tu coz siku hiyo tulikuwa wote nikamwambia naskia kiu nataka nipaje soda kupoza koo..ndipo akaniambia nibora niwe nakunywa juisi natural especially juisi ya ubuyu eti ni nzuri kiafya..nilichukulia ni utani tu

 

[bidada]

Dah..!kumbe faida ni za kutosha tu..basi inabidi nianze kunywa kwa wingi maana niliona kama jamaa ananizingua

mi imenisaidia sana kwenye kupunguza uzito na kuumwa kichwa, nakushaur uitumie mkuu.

 

[kidi kudi]

nimeshaununua hapa ni kutendeneza juisi na kuanza kugonga mdogomdogo..

 

[Simba Mkali]

Husaidia kuongeza kumbukumbu, huongeza kinga za mwili, hutibu figo, hutibu magonjwa ya moyo, macho kuona vizur, huimarisha fizi na mifupa pia ngozi na misuli.

Kweli nilipewa darasa hilo na mtaalamu mmoja.

 

[BAOBAO]

Wakuu,ni kweli ni tiba.Pia,kumbukeni kuwa ubuyu unatoa faida tele kupitia mafuta kutokana na mbegu zake;bila kusahau sabuni nk.

 

[BAOBAO]

Wakuu,kuweni makini kwenye bidhaa za ubuyu kwani kuna uchakachuaji mkubwa sasa;kwa sababu ya soko kupanuka hata nje ya nchi yetu !

 

[sky_haf]

vp kuhusu huu ubuyu unouzwa ambao ushatiwa rangi na sukari, kuna faida yoyote au hasara inayopatikana?

 

[Herbalist Dr MziziMkavu]

wapi mzizi mkavu?? Au leo anasinzia??

Mkuu LEGE

Mungu ameumba miti na mimia kwa ajili ya binadamu. Kila mti au mmea una makusudio yake. Mbuyu ni miongoni mwa miti yenye faida nyingi na maajabu mengi. Vitu vyote vilivyomo kwenye mbuyu vinatumika kama chakula au dawa kwa faida ya binadamu.

UBUYU WENYEWE
Unga wa ubuyu unaelezwa kuwa na vitamini na madini mengi kuliko matunda mengine. Inaelezwa kuwa unga wa ubuyu una Vitamin C nyingi kuliko hata machungwa na ina kiwango kingi cha madini ya kashiamu (Calcium) kuliko hata maziwa ya ng’ombe.
Aidha, unga wa ubuyu ni chanzo kikubwa cha madini mengine aina ya chuma (iron), Potasiamu (Pottasium) na manganizi (magnesium). Inaelezwa kuwa kiwangao cha Potasiamu kilichomo kwenye unga wa ubuyu ni mara sita zaidi ya kile kinachopatikana kwenye ndizi. Ubuyu ni muhimu sana kwa watu wenye matatizo ya figo.
Vile vile unga wa ubuyu una uwezo mkubwa wa kuongeza kinga ya mwili (antioxidant) kutokana na kuwa na kiwango kikubwa cha virutubisho vya kuongeza kinga mwilini dhidi ya magonjwa nyemelezi. Kiwango chake kinazidi hata kile kinachotolewa na matunda mengine kama vile Krenberi, bluberi na blakberi. Ili upate faida za unga wa ubuyu zinazoelezwa hapa, lazima ule ubuyu halisi usiochanganywa na kitu kingine cha kuongeza ladha.

MAFUTA YA UBUYU
Mafuta ya ubuyu, ambayo hutengenezwa kutokana na mbegu zake, ni mazuri kwa kulainisha ngozi na kukarabati au kuponya ngozi iliyoathiriwa na magonjwa ya ngozi mbalimbali, ikiwemo fangasi, vipele na chunusi.
Mafuta ya ubuyu yana uwezo wa kuifanya ngozi kuwa nyororo na laini kutokana na kuwa na kiasi kingi cha mafuta aina ya Omega 3 na Omega 6 na ina kiasi kingi cha Vitamin A, D na E ambazo zote ni muhimu kwa ustawi na uimarishaji wa ngozi ya binadamu.
Mafuta ya ubuyu yanaelezwa kuwa na virutubisho vinavyoweza kuondoa mikunjo ya ngozi, mabaka, michirizi na hata makunyazi na kuicha ngozi kuwa mpya. Hutoa kinga dhidi ya uharibifu wowote wa ngozi unaoweza kujitokeza baadaye.

JINSI YA KUTUMIA MAFUTA
Mafuta ya ubuyu unaweza kuyatumia kwa kupaka usoni au mwili mzima moja kwa moja. Unaweza kuyatumia mafuta haya kwa kupaka sehemu tu iliyoathiriwa kama dawa. Unaweza pia kuchanganya na mafuta au losheni unayotumia.
Ili kupata matokeo unayotarajia, hakikisha unatumia mafuta halisi ya ubuyu ambayo hayajachanganywa na kitu kingine wakati wa kutengeneza.

UPATIKANAJI WAKE
Bidhaa za ubuyu zimeanza kujipatia umaarufu nchini Tanzania na hivi sasa kuna makampuni na wajasiriamali binafsi wanaojishughulisha na utengenezaji na uuzaji wa bidhaa mbalimbali zitokanazo na ubuyu, hivyo upatikanaji wake ni rahisi iwapo utaulizia maeneo unayoishi.
Bidhaa zingine zinazoweza kutengenezwa kutokana na mti huu ni pamoja na majani yake ambayo hutumika kama dawa, mizizi na magamba yake pia. Kwa ujumla mti wote wa ubuyu una faida na hakuna kitu kinachotupwa kwenye mti huu ambao ni miongoni mwa miti yenye matunda bora yaliyopewa jina la ‘superfruit’.