Ujenzi kituo cha kuona wanyama wakali kwa karibu waanza

[comrade igwe]

Salaam JF

JENGO la kisasa la kituo kitakachokuwa na teknolojia ya kumwezesha mtu kuwakaribia wanyama wakali kama simba, mamba, faru na nyati kupitia uhalisia nadharia maarufu kama ‘3D virtual reality’ umeanza na unatarajiwa kukamilika mwaka 2018.

Serikali kupitia Shirika la Hifadhi za Taifa (Tanapa), kwa ushirikiano na nchi ya Korea Kusini kupitia Taasisi yake ya uhusiano wa kimataifa (Koica) umeanza ujenzi wa kituo hicho kitakachojulikana kama ‘Serengeti Media Center,’ eneo la Seronera, ndani ya hifadhi ya Serengeti, ambamo ‘safari,’ za nadharia kutembelea mbuga maarufu nchini zitakuwa zinafanyika.

Waziri wa Maliasili na Utalii, Profesa Jumanne Maghembe, alisema kupitia miwani maalumu ya kuwezesha watu kupata picha za uhalisia wa pande tatu (3D) na filamu za wanyamapori zilizotengenezwa kwa ubora wa hali ya juu, watalii na hata wananchi wa kawaida watakaotembelea Serengeti wataweza kutumia teknolojia hiyo kuwakaribia wanyama kwa ukaribu zaidi.

Profesa Maghembe alisema runinga kubwa ya zaidi ya inchi nane kwa tano pamoja na miwani maalumu itawawezesha watu kuwatembelea mamba ndani ya mto Mara, simba na wanyama wengine wakali kupitia video maalum.

 

[comrade igwe]

We subiri mtumbuo hamna namna

 

[Nyanidume]

Hamna lolote la maana hapo.

 

[don xxx]

Watu wanataka uhalisia nyie mnatengeneza video.Tengenezeni vijiji vya utalii ,andaeni wanyama maalum ambao si wakali wafundishwe urafiki na watu.Watu wanataka uhalisia .Kenya itaendelea kututoa kamasi japo tunaizidi vivutio.South Africa wamefanikiwa sana kwanini hatujifunzi ?

 

[Ze Heby]

Saa nane island mwanza kaboresheni simba aonwe pale

 

[Appams]

Huo utakuwa ubadhilifu mkubwa wa pesa za wananchi. Kuna sababu gani ya kujenga kituo cha namna hiyo?? Huyu waziri Majembe sijui anatupeleka wapi.

 

[Kazwala mkuu]

Kumbe ni 'tape' sasa si bora kuangalia ukiwa sebuleni kwako tu.