Uhamiaji Kufuatilia Ajira za Utapeli Mtandaoni

[Wild Flower]

Hivi karibuni Idara ya Uhamiaji ilitoa tangazo la kuitwa kwenye mafunzo ya Uhamiaji vijana wa Kitanzania kupitia tovuti na mitandao yake ya kijamii (Instagram, Twitter, Facebook).

Kufuatia tangazo hilo, kumekuwepo na Matapeli wanao walaghai Wananchi kupitia mitandao ya kijamii na baadhi yao kuwapigia simu au kuwatumia ujumbe kwa njia ya sms kwamba kuna nafasi za ajira na kuwataka kutuma fedha ili wawasaidie kupata nafasi hizo za ajira.

Idara inapenda kuufahamisha Umma kuwa mchakato huo wa ajira ulishakamilika na uliendeshwa na kusimamiwa kwa mujibu wa Sheria, Kanuni na Taratibu za ajira kama ilivyoainishwa kwenye tangazo la ajira. Hivyo, Wananchi wanaombwa kupuuza na kutoa taarifa kwa vyombo vya
usalama pindi wanapopigiwa simu au kutumiwa ujumbe huo.

Taarifa rasmi za Idara kuhusu ajira na nyinginezo, hutolewa kupitia mifumo rasmi ya mawasiliano ikiwemo Vyombo vya Habari, tovuti ya Idara ambayo ni www.immigration.go.tz na mitandao yake ya kijamii (@UhamiajiTz).

Aidha, Idara ya Uhamiaji inaendelea na uchunguzi kwa lengo la kuwabaini wanaohusika na uhalifu huo ili waweze kuchukuliwa hatua za kisheria.

Imetolewa na;

SSI. Paul J. Mselle

MSEMAJI MKUU WA IDARA YA UHAMIAJI

 

[Dr Matola PhD]

Sasa idara ya uhamiaji imejipachika majukumu ya Polisi, kupeleleza.

 

[Smart911]

Ahsante kwa taarifa...


Cc: Mahondaw

 

[MWANAHARAMU]

Sasa idara ya uhamiaji imejipachika majukumu ya Polisi, kupeleleza.

Upelelezi ni moja kati ya kitengo kikubwa ndani ya hiyo idara ila makosa yanayo wahusu wao.