Tunu za Hekima: Kwa nini unajizeesha?

[La Biblicana]

Katika maisha ya mwanadamu, awe tajiri au maskini, matatizo na shida za maisha zipo. Haijalishi kiwango chako cha elimu wala ukoo unaotoka, shida na taabu za maisha zitaambatana na wewe kwa kadiri ya majaaliwa yako toka kwa Mungu. Lakini ni kawaida ya mwanadamu kuamini kuwa ni yeye tu ndie mwenye shida duniani kwa kuwa huwa tunaangalia yanayotusibu pasina kutafakari nini kesho yetu itatuletea; faraja au matatizo zaidi?

Kuna mwenye fedha, hana mtoto. Kuna mwenye mtoto, hana afya. Kuna mwenye afya, hana fedha. Kuna mwenye fedha na mtoto, hana afya, na kadhalika na kadhalika. Sasa swali linakuja: Ni namna ipi unakabiliana na yanayokusibu? Namna yako inaongeza au inapunguza madhila yako?

Hebu tupate tunu za HEKIMA, tuongeze ufahamu:

[SUP]21[/SUP]Usijizamishe roho yako katika huzuni,
wala kujikwaza katika shauri lako.

[SUP]22[/SUP]Changamko la moyo ndiyo uzima wa mtu,
na shangwe huzidisha siku zake.

[SUP]23[/SUP]Ujifurahishe roho yako na kuuburudisha moyo wako;
uiondoe huzuni yako mbali nawe;
kwa kuwa huzuni umewaangamiza wengi,
wala ndani yake hamna faida.

[SUP]24[/SUP]Wivu na hasira pia hupunguza maisha,
na kujisumbua kwaleta uzee kabla ya wakati wake.

[SUP]25[/SUP]Bali mtu mwenye moyo mkarimu hufurahi,
na chakula chake chamfaa.

Yoshua Bin Sira 30:21-25
​

Badili maisha yako, badilika ndani kwanza. Katika yote yanayokusibu, usimsahau Mungu wako. Kama tajiri Ayubu alijaribiwa; Ayubu yule mcha Mungu, mbona sisi tuyakwepe?

[SUP]13[/SUP]Jaribu halikuwapata ninyi, isipokuwa lililo kawaida ya mwanadamu; ila Mungu ni mwaminifu; ambaye hatawaacha mjaribiwe kupita mwezavyo; lakini pamoja na lile jaribu atafanya na mlango wa kutokea, ili mweze kustahimili.

1Wakorintho 10:13
​

Kumbe tunazeeka bure kwa kujishughulisha na yaliyo nje ya uwezo wetu?!

 

[my web]

hata wanao hubiri haya wana zeeka kwani kifo kimeandikwa

 

[La Biblicana]

hata wanao hubiri haya wana zeeka kwani kifo kimeandikwa

Hakuna sehemu iliyoandikwa kuwa kuna mtu ambaye hatazeeka wala kufa, ukitazama vyema utabaini mstari unasema kuwa 'kujisumbua kwaleta uzee kabla ya wakati wake'.

Yawezekana ulisoma ukiwa umejiandaa kubisha, naamini ukisoma tena kwa moyo mkunjufu, utapata ujumbe na kamwe hautaudhika na kujipatia kero isiyo sababu

 

[Bumpkin Billionare]

hata wanao hubiri haya wana zeeka kwani kifo kimeandikwa

Yaelekea umekasirika mpk umezeeka...tehe tehe tehe...mimi ngoja nicheke manake imeandikwa ukicheka maisha yanakuwa marefu..kumbe hata Raha jipe mwenyewe ni maandiko!

Kaka/dada we wahi MMU kajadilianeni namna ya kutoka nje ya ndoa naamini hiyo ndio utapenda zaidi

 

[Billie]

Nimeipenda hii quotation kwa kweli MUNGU akubariki.

 

[La Biblicana]

Nimeipenda hii quotation kwa kweli MUNGU akubariki.

Amen!

Nawe ubarikiwe kwa kuchagua neno lililo jema

 

[shizukan]

Nimeipenda hii quotation kwa kweli MUNGU akubariki.

Kumbe 'BAIBO' nayo inasema raha jipe mwenyewe. Imetulia kichiz

 

[shizukan]

hata wanao hubiri haya wana zeeka kwani kifo kimeandikwa

Punguza jazba, nenda 'emu emu yu' kajadili mada zenu za namna ya kutongoza mke wa mtu

 

[Billie]

Kumbe 'BAIBO' nayo inasema raha jipe mwenyewe. Imetulia kichiz

habari ndio hio...

 

[guest-1790917349]

Punguza jazba, nenda 'emu emu yu' kajadili mada zenu za namna ya kutongoza mke wa mtu

Ha haaaaa,dah!ngoja niongeze cku za kuishi mie

 

[Kaunga]

Yaani kama mwandishi alinilenga mimi.
Thanks

 

[shizukan]

Yaani kama mwandishi alinilenga mimi.
Thanks

Mi nilienda kuhakikisha kama kweli yameandikwa, loh....mule mule, nikajua baibo inasema raha jipe mwenyewe.

Kesho pastor angetutafutia mstari unaosema kutesa kwa zamu..tehe tehe tehe

 

[La Biblicana]

Yaani kama mwandishi alinilenga mimi.
Thanks

Ni kweli muandishi amekulenga, AMETULENGA.

Yapo mengi ambayo tukiyatambua yatatupa ahueni ya maisha. Hata mimi nilipoliona neno hilo kwa mara ya kwanza, nilihisi kama nimeona lulu, kiukweli yanatuhusu katika maisha yetu ya kila siku.

Nawe usiliache neno hili likafifia ndani yako bila kumuusia aliye karibu yako. Ni neno lenye usaidizi kwa maisha yetu. Next time nitaweka hapa neno lingine fupi lenye kuyalenga maisha yetu, karibu!

 

[La Biblicana]

Mi nilienda kuhakikisha kama kweli yameandikwa, loh....mule mule, nikajua baibo inasema raha jipe mwenyewe.

Kesho pastor angetutafutia mstari unaosema kutesa kwa zamu..tehe tehe tehe

Unapenda mipasho mdogo wangu, nunua Biblia usome bana acha utukutu pori wa kuniita Pastor. Hekima ana tunu nyingi tu si lazima iwe kutesa kwa zamu. Lakini Lazaro na tajiri ni mfano wa kutesa kwa zamu kama utauelewa vyema