IsangulaKG
JF-Expert Member
- Oct 14, 2010
- 706
- 386
Huu utakuwa mfululizo wa Makala ya Uchambuzi wa Jinsi Ambavyo Serikali Imeshindwa Kutekeleza Majukumu yake ; Hapa ni Intro tu:
Mwaka Fulani mkulukulu, akiwa katika msululu mrefu wa magari yaliyokuwa yakipita kwa mbwembwe na Ving'ora katika barabara hii ya vumbi yakiwaongezea wanakijiji uwezekano wa kuugua mafua kwa kuwatimulia vumbi huku yakiacha alama za matairi barabarani ambazo zilitoa nafasi kwa watoto wadogo waliokimbilia barabarani na kugombania nafasi ya kunusa harufu ya diesel kwenye alama za matairi .Kupitia dirishani mkulukulu akaona wanakijiji takribani watano hivi wameinama porini katika mkao ule wa kushusha mzigo kwenye shimo, pembeni alikuwepo mwingine aliyekuwa akisugua 'nyuma yake' kwenye jiwe lililokaa kama ‘v' inayoangalia chini, ikiashiria alikuwa akiswafi nyuma yake baada ya kushusha mzigo kichakani,mkulukulu bila hata kusimama alisononeshwa sana na hali ile ya kuona watu wazima ,tena wenye familia na wenye umri wa kitwa 'baba mkwe' wakijisaidia vichakani. Mawazo haya na sinema hizi zilizidi kuzunguka katika akili yake, hata alipokuwa nyumbani kwake. Alilinganisha mtammbo wa kisasa uliosimikwa maliwatoni kwake ambao ni ‘self sensing' kwamba huitaji kubonyeza popote, ukimaliza haja zako mtambo wenyewe utagundua kuwa umemaliza na kuvuta mzigo wako ukiusafirisha kwenda kwenye sehemu ya kuhifadhia ama kwa kimombo, ‘septic tank' na baadae kusafirishwa hadi baharini ambako hutoa protini kwa viumbe vilivyomo ambavyo wavuvi wakivinasa na kuviuza pale sokoni jirani na kwa mkulukulu, mfanyakazi wa mkulukulu atanunua na kumuandalia huku akiweka vokolombwezo kibao na baada ya mkulukulu kushiba atamshukuru mfanyakazi wake kwa kusema ‘samaki wa leo alikuwa mtamu' huku akisahau kuwa utamu ulitokana na protini aliyoshusha maliwatoni ambayo muda si mrefu ataenda tena kushusha baada ya kushiba ......
Kesho yake alipofika ofisini , akampigia simu mkuu wa bajeti na kuagiza litengwe fungu kwa ajili ya kujenga maliwato za kisasa katika kijiji kile ile kuwaepusha watu wazima adha za kupigwa chabo na wakwe zao, adha ya kuchomwa na miba vichakani wakati wa burudani ya kujisaidia, adha za kutengeneza vidonda katika 'nyuma zao' kwa kutumia vipande vya miti, majani au mawe kujiswafi baada ya haja. Mkuu wa bajeti akampigia mtunza hazina huku akitaja kiwango cha juu kuliko alichoagiza mkulukulu , huku akikiita, ‘chai'. Mweka hazina naye akaandika cheki ya kiwango kikubwa kuliko alichotaja mkuu wa bajeti ili naye apate ‘chai'. Mafaili yote yakaenda kwa mkuu wa bajeti akaidhinisha fungu la kujenga maliwato kumi za kisasa kabisa katika kijiji kile.
Kwa kuwa ilikuwa miezi kadhaa kabla ya kampeni za uchaguzi kuanza, mkulukulu aliomba mkuu wa bajeti amtume mtu akanunue matofali na kuyaweka katika eneo zuri linalostahili kujengwa maliwato pale kijijini na kusubiri wakati wa kampeni. Naam wakati wa kampeni ukawadia na katika mojawapo ya ziara yake ya kampeni mkulukulu alipofika pale kijijini, akawaambia wananchi kwa sauti ya mbwembwe,akina mama waliokuwa wamepewa tisheti na vitenge vyenye picha ya mkulukulu na chama chake wakipiga vigelegele japo miguuni baadhi yao hawakuwa hata na kandambili ‘Serikali yetu ina wajali wananchi wa kijiji hiki, mmemona matofali,mchanga na simenti na sasa naagiza ujenzi wa maliwato za kisasa uanze mara moja"! Vigelegele, nderemo na vifijo vikatawala nakuzima kabisa sauti za watoto wachanga waliokuwa wanakosa hewa kutokana na kubanwa migongoni mwa mama zao na vitenge vya ‘Chagua mkulukulu' . Sauti vifijo na vigelegele zikawastua ndege waliokuwa katika vichaka hapo jirani wakifurahia mizigo iliyowekwa jana pasipo kujua kuwa pengine huo ndiyo utakaokuwa mlo wao wa mwisho iwapo ujenzi wa maliwato za kisasa ungekamilika leo.......
Sina haja ya kukufanya ucheke hapa, bali najaribu kujenga hoja yangu ambayo utatambua nini ninachosema ukiungana nami katika sehemu ya pili ya makala hii...
Mwaka Fulani mkulukulu, akiwa katika msululu mrefu wa magari yaliyokuwa yakipita kwa mbwembwe na Ving'ora katika barabara hii ya vumbi yakiwaongezea wanakijiji uwezekano wa kuugua mafua kwa kuwatimulia vumbi huku yakiacha alama za matairi barabarani ambazo zilitoa nafasi kwa watoto wadogo waliokimbilia barabarani na kugombania nafasi ya kunusa harufu ya diesel kwenye alama za matairi .Kupitia dirishani mkulukulu akaona wanakijiji takribani watano hivi wameinama porini katika mkao ule wa kushusha mzigo kwenye shimo, pembeni alikuwepo mwingine aliyekuwa akisugua 'nyuma yake' kwenye jiwe lililokaa kama ‘v' inayoangalia chini, ikiashiria alikuwa akiswafi nyuma yake baada ya kushusha mzigo kichakani,mkulukulu bila hata kusimama alisononeshwa sana na hali ile ya kuona watu wazima ,tena wenye familia na wenye umri wa kitwa 'baba mkwe' wakijisaidia vichakani. Mawazo haya na sinema hizi zilizidi kuzunguka katika akili yake, hata alipokuwa nyumbani kwake. Alilinganisha mtammbo wa kisasa uliosimikwa maliwatoni kwake ambao ni ‘self sensing' kwamba huitaji kubonyeza popote, ukimaliza haja zako mtambo wenyewe utagundua kuwa umemaliza na kuvuta mzigo wako ukiusafirisha kwenda kwenye sehemu ya kuhifadhia ama kwa kimombo, ‘septic tank' na baadae kusafirishwa hadi baharini ambako hutoa protini kwa viumbe vilivyomo ambavyo wavuvi wakivinasa na kuviuza pale sokoni jirani na kwa mkulukulu, mfanyakazi wa mkulukulu atanunua na kumuandalia huku akiweka vokolombwezo kibao na baada ya mkulukulu kushiba atamshukuru mfanyakazi wake kwa kusema ‘samaki wa leo alikuwa mtamu' huku akisahau kuwa utamu ulitokana na protini aliyoshusha maliwatoni ambayo muda si mrefu ataenda tena kushusha baada ya kushiba ......
Kesho yake alipofika ofisini , akampigia simu mkuu wa bajeti na kuagiza litengwe fungu kwa ajili ya kujenga maliwato za kisasa katika kijiji kile ile kuwaepusha watu wazima adha za kupigwa chabo na wakwe zao, adha ya kuchomwa na miba vichakani wakati wa burudani ya kujisaidia, adha za kutengeneza vidonda katika 'nyuma zao' kwa kutumia vipande vya miti, majani au mawe kujiswafi baada ya haja. Mkuu wa bajeti akampigia mtunza hazina huku akitaja kiwango cha juu kuliko alichoagiza mkulukulu , huku akikiita, ‘chai'. Mweka hazina naye akaandika cheki ya kiwango kikubwa kuliko alichotaja mkuu wa bajeti ili naye apate ‘chai'. Mafaili yote yakaenda kwa mkuu wa bajeti akaidhinisha fungu la kujenga maliwato kumi za kisasa kabisa katika kijiji kile.
Kwa kuwa ilikuwa miezi kadhaa kabla ya kampeni za uchaguzi kuanza, mkulukulu aliomba mkuu wa bajeti amtume mtu akanunue matofali na kuyaweka katika eneo zuri linalostahili kujengwa maliwato pale kijijini na kusubiri wakati wa kampeni. Naam wakati wa kampeni ukawadia na katika mojawapo ya ziara yake ya kampeni mkulukulu alipofika pale kijijini, akawaambia wananchi kwa sauti ya mbwembwe,akina mama waliokuwa wamepewa tisheti na vitenge vyenye picha ya mkulukulu na chama chake wakipiga vigelegele japo miguuni baadhi yao hawakuwa hata na kandambili ‘Serikali yetu ina wajali wananchi wa kijiji hiki, mmemona matofali,mchanga na simenti na sasa naagiza ujenzi wa maliwato za kisasa uanze mara moja"! Vigelegele, nderemo na vifijo vikatawala nakuzima kabisa sauti za watoto wachanga waliokuwa wanakosa hewa kutokana na kubanwa migongoni mwa mama zao na vitenge vya ‘Chagua mkulukulu' . Sauti vifijo na vigelegele zikawastua ndege waliokuwa katika vichaka hapo jirani wakifurahia mizigo iliyowekwa jana pasipo kujua kuwa pengine huo ndiyo utakaokuwa mlo wao wa mwisho iwapo ujenzi wa maliwato za kisasa ungekamilika leo.......
Sina haja ya kukufanya ucheke hapa, bali najaribu kujenga hoja yangu ambayo utatambua nini ninachosema ukiungana nami katika sehemu ya pili ya makala hii...
