kilimasera
JF-Expert Member
- Dec 2, 2009
- 3,068
- 277
MBUNGE wa Mbeya Mjini, Joseph Mbilinyi, Mr. II au Sugu (CHADEMA), ambaye kabla ya kuchaguliwa katika wadhifa huo alikuwa akifanya harakati za utetezi kupitia medani ya muziki wa kizazi kipya amebainisha kuwa hataacha kudondosaha mistari licha ya sasa kuongeza majukumu.
"Kaka siwezi kuacha kuchana mistari hata siku moja, mimi nilianzia huko na kazi uliiona, kwa sasa kitakachokuwa kinafanyika ni kuangalia kama kuna sehemu wananchi wa jimbo hili wanahitaji fedha kwa ajili ya kazi fulani ya maendeleo, mbunge naenda pale nashusha vesi kinachopatikana kinaingizwa kwenye maendeleo" alisema.
Sugu alitoa kauli hiyo ya matumaini jijini hapa jana, katika mahojiano maalumu na Tanzania Daima, baada ya mashabiki na wadau wengi wa muziki wa kizazi kipya, kuonyesha hofu kuwa msanii huyo hawezi tena kuigeukia fani yake baada ya kuukwaa uheshimiwa.
Alisema kuwa sasa kitakachokuwa kikifanyika ili kuendeleza harakati zake kupitia muziki ni kutofanya maonyesho ya kibiashara kama ilivyokuwa awali, kwa kuwa sasa majukumu ya kuwatumikia wananchi yameongezeka.
"Huwezi kwa sasa kusikia Sugu yuko mkoani Arusha, Tanga au Dar es Salaam, kwani muda unakuwa mdogo, lakini kama kuna wasanii wanaochipukia wanahitaji ushauri na mambo mengine yahusuyo fani milango iko wazi" alisema Sugu.
Mbali na Sugu kufanikiwa kubahatika kupata nafasi ya kuwa mwakilishi wa wananchi katika taasisi nyeti ya kutunga sheria hapa nchini, pia kuna idadi lukuki ya wasanii waliobahatika kupata nafasi hiyo katika bunge hili la 10.
Kutokana na idadi kubwa ya wasanii kuingia katika chombo hicho muhimu, kumefufua matumaini makubwa kwa vijana wanaiojihusisha na sanaa nchini, kwani muda mrefu kumekuwa na kilio kisicho na mwenyewe cha wasanii kunyonywa na baadhi ya wafanyabiashara wasio waaminifu kutokana na kukosekana sera imara na sheria kali za kuwadhibiti wahujumu wa kazi za sanaa nchini.
"Kaka siwezi kuacha kuchana mistari hata siku moja, mimi nilianzia huko na kazi uliiona, kwa sasa kitakachokuwa kinafanyika ni kuangalia kama kuna sehemu wananchi wa jimbo hili wanahitaji fedha kwa ajili ya kazi fulani ya maendeleo, mbunge naenda pale nashusha vesi kinachopatikana kinaingizwa kwenye maendeleo" alisema.
Sugu alitoa kauli hiyo ya matumaini jijini hapa jana, katika mahojiano maalumu na Tanzania Daima, baada ya mashabiki na wadau wengi wa muziki wa kizazi kipya, kuonyesha hofu kuwa msanii huyo hawezi tena kuigeukia fani yake baada ya kuukwaa uheshimiwa.
Alisema kuwa sasa kitakachokuwa kikifanyika ili kuendeleza harakati zake kupitia muziki ni kutofanya maonyesho ya kibiashara kama ilivyokuwa awali, kwa kuwa sasa majukumu ya kuwatumikia wananchi yameongezeka.
"Huwezi kwa sasa kusikia Sugu yuko mkoani Arusha, Tanga au Dar es Salaam, kwani muda unakuwa mdogo, lakini kama kuna wasanii wanaochipukia wanahitaji ushauri na mambo mengine yahusuyo fani milango iko wazi" alisema Sugu.
Mbali na Sugu kufanikiwa kubahatika kupata nafasi ya kuwa mwakilishi wa wananchi katika taasisi nyeti ya kutunga sheria hapa nchini, pia kuna idadi lukuki ya wasanii waliobahatika kupata nafasi hiyo katika bunge hili la 10.
Kutokana na idadi kubwa ya wasanii kuingia katika chombo hicho muhimu, kumefufua matumaini makubwa kwa vijana wanaiojihusisha na sanaa nchini, kwani muda mrefu kumekuwa na kilio kisicho na mwenyewe cha wasanii kunyonywa na baadhi ya wafanyabiashara wasio waaminifu kutokana na kukosekana sera imara na sheria kali za kuwadhibiti wahujumu wa kazi za sanaa nchini.
