Singida: Askari polisi atekwa, akutwa kichakani hajitambui

[Kanungila Karim]

Asante kwa taarifa

 

[Ghazwat]

Mkuu fuatilia vizuri vyanzo vya habari zako na utueleza kama hakuna dalili yoyote ya kujiteka mwenyewe>

Sawa mkuu .. Tutafahamu zaidi ya hapo

 

[mafinyofinyo]

Atakua alienda kwa mpenzi wake

 

[Katali]

story haieleweki wasiojulikana alafu unatuambiwa watu kadhaa wamekamatwa!Kichwa cha habari kutekwa wakati amepigwa na alikuwa auwawe kwanini isiwe kujaribu kuua au kujeruhi?

 

[Mr.Junior]

Watekaji walimpiga kipigo cha mbwa koko.

 

[Mshana Jr]

ASKARI POLISI ATEKWA NA WASIOJULIKANA

ASKARI wa Jeshi Polisi aliyetambulika kwa jina moja la PC Ali, ametekwa kisha akapigwa na kuumizwa vibaya na watu wasiojulikana kabla ya kutupwa kwenye vichaka, mkoani Singinda.

Taarifa zilizolifikia MTANZANIA kutoka vyanzo vyake vya habari mkoani Singida zimeeleza kuwa tukio hilo lilitokea Alhamisi ya Mei 10, mwaka huu.

Mmoja wa marafiki wa karibu wa PC Ali, ambaye pia ni askari polisi aliyezungumza na MTANZANIA kwa sharti ya jina lake kutotajwa gazetini, alisema kabla ya tukio, PC Ali ambaye ni dereva wa Mkuu wa Jeshi la Polisi Wilaya ya Mkalama (OCD), alikuwa ameegesha gari baa ambako alikunywa pombe nyingi mpaka akalala usingizi.

“Ali ni rafiki yangu wa karibu alipolazwa hospitali alisema kuwa baada ya kulewa alikutwa na watu ambao inasemekana ni askari wa usalama, walimpiga picha na kuondoka.

“Baadaye aliamshwa na kupewa taarifa za kupigwa picha, akawatafuta na kuwauliza kwanini wamempiga picha bila ridhaa yake.

“Ali aliniambia kuwa walipatanishwa na mkuu wao lakini baadaye alipigiwa simu usiku huo aende ofisini ndipo akakamatwa na kupigwa sana kwa kutumia waya hadi akapoteza fahamu na baadaye kutupwa vichakani.

“Aliniambia baada ya kupata fahamu alijikongoja hadi Kituo cha Polisi Nduguti ndipo akachukuliwa na kulazwa Hospitali ya Rufaa Mkoa wa Singida,” alisema.

Jitihada za kumtafuta Mganga Mfawidhi wa hospitali hiyo ziligonga mwamba lakini mwandishi wa habari hizi kufika katika wodi namba nne alipolazwa PC Ali na kupewa ushuhuda na baadhi ya wagonjwa kuwa ni kweli askari huyo alikuwa amelazwa.

Gazeti la Mtanzania

Mengine tukae kimya picha ziseme

 

[Mla Bata]

Vipi wamemuacha salama kweliiii???

 

[nabiidaniel]

Sijaona waliposema hao watu wamekamatwa, halafu huyo askali aliitwa ofisini kwake, yaani polisi, akapigwa, halafu nani akamatwe? Kwanza ukipigwa kituo cha polisi unaenda kushtaki wapi?

 

[Bila bila]

duuh hiyo hatari, hadi Polisi? hao waliokamatwa ni akina nani?

Usalama wa Taifa

 

[mkali kwanza]

MTEKA NAYE HUTEKWA

 

[Bila bila]

Nasikia halafu chanzo ni demu Demu kamzimia Afande Tiss wakaona wivu, sijui lini watafikishwa mahakamani.

Wako ndani wote wanne

 

[kanabyule]

ASKARI wa Jeshi Polisi aliyetambulika kwa jina moja la PC Ali, ametekwa kisha akapigwa na kuumizwa vibaya na watu wasiojulikana kabla ya kutupwa kwenye vichaka, mkoani Singinda.

Taarifa zilizolifikia MTANZANIA kutoka vyanzo vyake vya habari mkoani Singida zimeeleza kuwa tukio hilo lilitokea Alhamisi ya Mei 10, mwaka huu.

Mmoja wa marafiki wa karibu wa PC Ali, ambaye pia ni askari polisi aliyezungumza na MTANZANIA kwa sharti ya jina lake kutotajwa gazetini, alisema kabla ya tukio, PC Ali ambaye ni dereva wa Mkuu wa Jeshi la Polisi Wilaya ya Mkalama (OCD), alikuwa ameegesha gari baa ambako alikunywa pombe nyingi mpaka akalala usingizi.

“Ali ni rafiki yangu wa karibu alipolazwa hospitali alisema kuwa baada ya kulewa alikutwa na watu ambao inasemekana ni askari wa usalama, walimpiga picha na kuondoka.

“Baadaye aliamshwa na kupewa taarifa za kupigwa picha, akawatafuta na kuwauliza kwanini wamempiga picha bila ridhaa yake.

“Ali aliniambia kuwa walipatanishwa na mkuu wao lakini baadaye alipigiwa simu usiku huo aende ofisini ndipo akakamatwa na kupigwa sana kwa kutumia waya hadi akapoteza fahamu na baadaye kutupwa vichakani.

“Aliniambia baada ya kupata fahamu alijikongoja hadi Kituo cha Polisi Nduguti ndipo akachukuliwa na kulazwa Hospitali ya Rufaa Mkoa wa Singida,” alisema.

Jitihada za kumtafuta Mganga Mfawidhi wa hospitali hiyo ziligonga mwamba lakini mwandishi wa habari hizi kufika katika wodi namba nne alipolazwa PC Ali na kupewa ushuhuda na baadhi ya wagonjwa kuwa ni kweli askari huyo alikuwa amelazwa.

Gazeti la Mtanzania

Huyo ni mlevi na anatakiwa ashitakiwe kijeshi kwa kutumia uthibitisho wa picha walizochukua askari wa usalama barabarani.

 

[Jamaa_Mbishi]

Kwa kuwa ni polisi, hapa lazima atakuwa alilala na mke wa polisi mwenzake maana polisi kwa kuchepukana hawajambo.