Shahidi mkuu kuhusu Rwanda atekwa Kenya

View attachment 203787
Kumbu kumbu ya mauaji ya Kimbari nchini Rwanda

Shahidi mmoja muhimu wa uchunguzi unaofanyika kuhusu mauaji ya kimbari ya Rwanda ambaye alikuwa akitarajiwa kuhojiwa na majaji Nchini Ufaransa kuhusu kudunguliwa kwa ndege ya aliyekuwa rais wa Rwanda Juvenal Habyarimana, anasemekana kutekwa nyara na kutoweka jijini Nairobi.

Idara ya Polisi Nchini Kenya imekanusha kumtia mbaroni Emile Gafirita.

Majirani wa Emile Gafirita wanasema kuwa walisikia milio ya breki za gari na kamsa pale alipokuwa akirejea nyumbani muda mfupi kabla ya usiku wa manane Jumatatu usiku na kuwaona watu wawili wakimtia pingu na kumrusha kwenye gari.
Idara ya Polisi Nchini Kenya inasema kuwa hawajamtia mbaroni.

Jina la bwana Gafirita liliibuka katika kesi ya hivi majuzi Nchini Rwanda, pale alipotajwa kama askari wa zamani katika kikosi cha ulinzi cha Rais Paul Kagame.

Majaji wawili wa Ufaransa, Marc Trevidic na Nathalie Poux, walikuwa wakipanga kumhoji ili atoe ushahidi mjini Paris kuhusiana na mzinga ulioshambulia na hatimaye kuiangusha ndege iliyombeba Rais wa zamani wa Rwanda hayati Juvenal Habyarimana mnamo mwezi Aprili ya mwaka 1994.

Mauaji ya Habyarimana yaliibua mapigano makali ya kikabila yaliyosababisha mauwaji ya zaidi ya watu laki nane, wengi wao waTusti na wahutu wenye siasa za kadri.


source: BBC

Click to expand...

View attachment 203788
Shahidi mpya katika kesi ya mashambulizi dhidi ya ndege ya rais wa zamani wa Rwanda Juvenal Habyarimana mwaka 1994 ametoweka tangu Alhamisi Novemba 13 baada ya kutekwa nyara mjini Nairobi nchini Kenya.

Kwa mujibu wa taarifa zilizokusanywa na RFI, Emile Gafirita alitekwa nyara mjini humo nje ya nyumba yake mtaa wa Dagoretti muda mfupi kabla ya saa sita usiku baada ya kusimamishwa na watu wawili ambao walimfunga pingu na kumlazimisha kuingia katika gari lao na baadaye kuelekea kusikojulikana.

Polisi nchini Kenya imekanusha kumtia mtu huyo nguvuni ambaye alijulikana kwa majina bandia ya Emmanuel Mugisha na kusema kuwa inachunguza suala hilo ambapo raia huyo wa Rwanda anadaiwa kutekwa na watu ambao kulingana na shahidi wa tukio hilo walikuwa wakizungumza lugha isiyoeleweka, aliiambia RFI.

Kwa mujibu wa mwanasheria wake raia wa Ufaransa, Wakili François Cantier, Emile Gafirita alikuwa tayari amekabidhiwa mwaliko ili kutoa ushahidi kuhusu tukio la kudunguliwa ndege ya aliyekuwa rais wa Rwanda Juvenal Habyarimana na kumuonya kuhusu usalama wake.

Hadhi ya "Shahidi" ya Emile Gafitira katika kesi hiyo pamoja na majina yake vimekuwa vinajulikana kwa wiki kadhaa zilizopita na pande zote, ikiwa ni pamoja na viongozi wa serikali ya Rwanda ambao baadhi yao wanatuhumiwa katika kesi hiyo.

Click to expand...

nyumba kubwa said:

Hii shirika la interahamwe (BBC) naona mwaka huu wameamua...

Ila duuuhhh...hawa watu si watamaliza jameni

Click to expand...

nyumba kubwa said:

Hii shirika la interahamwe (BBC) naona mwaka huu wameamua...

Ila duuuhhh...hawa watu si watamaliza jameni

Click to expand...