Serikali ya Zanzibar kuvunja shule ya kihistoria, kujenga soko

miss zomboko

JF-Expert Member
May 18, 2014
2,764
2,000
Zanzibar. Serikali ya Mapinduzi ya Zanzibar (SMZ) imesema inakusudia kulivunja jengo la Shule ya Sekondari ya Vikokoni lililopo Darajani Mjini Zanzibar na badala yake eneo hilo linatarajiwa kujengwa soko kubwa la kisasa litakalotumika kwa ajili ya biashara mbalimbali.

Makamu wa Pili wa Rais Zanzibar, Balozi Seif Ali Idd amesema hayo leo Ijumaa katika kikao cha Baraza la Wawakilishi, wakati akiwasilisha taarifa maalumu ya Serikali juu ya uvunjaji wa shule hiyo yenye zaidi ya miaka 50 tangu kujengwa kwake.

Amesema kuwa Serikali wameamua kuivunja shule hiyo ili kupatikana kwa fursa nzuri ya kulipanua eneo hilo kibiashara kwa kujenga jengo kubwa la soko ambalo litabadilisha mwonekano wa mji wa Zanzibar.

Amesema kuwa taratibu kwa ajili ya ujenzi huo tayari zimeanza kufanyika ikiwemo kuandaa mchoro maalumu na kuupeleka kwenye Shirika la Umoja wa Mataifa la Elimu, Sayansi na Utamaduni (Unesco) kwa ajili ya kupata baraka zao juu ya ujenzi kwenye eneo hilo ambalo lipo chini ya miji ya urithi duniani.

Alisema ni matarajio yao kuwa ujenzi huo utaanza baada ya kupokea ushauri wa kitaalamu kutoka Unesco jinsi gani ujenzi huo ufanyike ili kutoondosha haiba ya mji huo ambao ni tegemeo kubwa kwa jamii na Taifa kwa ujumla kibiashara.


Chanzo; mwananchi
 

Ndebile

JF-Expert Member
Sep 14, 2011
4,998
2,000
Imani ile na makumbusho ni kama paka na panya! Huwa nawaona CNN na aljazeera wakifanya vurugu zao kosa wafike museum hahaha! Vitabu vya kale na masanamu yote wanapurua, na miongoni mwao wapo wanaopiga selfie wakivunja huku wengine wakificha kwenye mikoba yao na kujipatia pesa si haba.
 

Safari_ni_Safari

JF-Expert Member
Oct 5, 2007
23,307
2,000
Sawa kabisa. Unavunja shule ili ujenge soko kisha uuze vitu vya watu waliovunja soko kwao wakajenga shule!
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom