Serikali: Marufuku kufukuza wanafunzi shule binafsi wanaofeli wastani

[Return Of Undertaker]

Maswali:

1. Hivi yale madaraja ya division yanapangwa kwa lengo gani?
2 Mbona vyuoni kuna sup na disco au nayo itakuja pigwa marufuku?
3. Mitihani ya darasa la NNE, SABA, FORM TWO, FORM FOUR na Form six itafutwa?

======

View attachment 459821​

Serikali kupitia Wizara ya Elimu, Sayansi na Teknolojia imezitaka shule zote zilizowataka wazazi/walezi kuwahamisha watoto wao kwa kigezo cha kutofikia wastani wa ufaulu, kufuta agizo hilo na kuendelea na wanafunzi hao bila masharti yoyote.

Taarifa iliyotolewa jana kwa vyombo vya habari na Kaimu Kamishna wa Elimu, Nicolas Buretta imeeleza kuwa wazazi wenye wanafunzi waliorudishwa nyumbani kwa sababu hiyo wahakikishe wanawarudisha kwenye shule walizokuwa wakisoma ili waendelee na masomo yao kama kawaida.

Kwa mujibu wa taarifa hiyo, Serikali imefikia hatua hiyo baada ya kubainika kuwa bado kuna shule nyingi za msingi na sekondari hususani zisizo za Serikali na zaidi za kidini zinazoendelea kukaririsha, kuhamishia shule nyingine au kuwafukuza wanafunzi kwa kigezo cha kutofikia alama za ufaulu zilizowekwa na shule hizo jambo ambalo ni kinyume cha sheria.

Badala ya shule hizo kuchukua hatua hiyo, wizara hiyo imesema, “...Ziwe na utaratibu wa kuinua viwango vya taaluma kwa wanafunzi wenye ufaulu mdogo na hivyo siyo ruhusa kukaririsha darasa wanafunzi kwa kigezo cha kutofikia wastani wa ufaulu uliowekwa na shule. Ikitokea, ni lazima kufanya hivyo, taratibu zilizopo zifuatwe.”

Taarifa hiyo imeelekeza wadhibiti ubora wa shule, kanda na wilaya, maofisa elimu wa mikoa na wilaya kusimamia utekelezaji wa agizo hilo katika maeneo yao.

“Shule yoyote itakayokiuka maagizo hayo itachukuliwa hatua kali kwa mujibu wa sheria zilizopo.”

Akizungumzia agizo hilo la Serikali, Katibu wa Shirikisho la Wamiliki na Mameneja wa Shule na Vyuo Binafsi Tanzania, (Tamongsco), Benjamin Nkonya amesema wanachama wake hawafukuzi wanafunzi baada ya kushindwa vigezo bali, inaangalia uwezo wake wa kujifunza mambo mawili; ung’amuzi wa kujifunza kwa nadharia na ufundi au mchindo.

“Tukiona mwanafunzi amefeli katika ung’amuzi, mfumo ambao Serikali inauzungumzia, tunampeleka katika mchindo ambao ni ufundi stadi na siyo kuwarudisha nyumbani,” amesema Nkonya.

Amefafanua kwamba, mchindo ni kama chuo cha Veta ambacho dereva asiyejua kusoma na kuandika anakwenda kujifunza na mwishowe anakuwa dereva bora.

Amesema mfumo huo unasaidia kukuza wabunifu hasa katika mapinduzi ya Serikali kuwa nchi ya viwanda.

Hatahivyo, Waziri Kivuli wa Elimu, Suzan Lyimo amesema kinachofanyika kwa mujibu wa agizo hilo ni Serikali kutaka shule za Serikali na binafsi ziwe na mfumo wa utoaji elimu unaofanana jambo ambalo ni gumu.

Ameitaka Serikali iunde mamlaka ya kudhibiti huduma za utoaji wa elimu ili ijiondoe katika usimamizi wa moja kwa moja katika uendeshaji wa sekta hiyo.

Chanzo: Mwananchi

 

[Mathayo Christopher]

Kama mmeshindwa kudhibiti ada za private schools na hili litapita kwa sababu shule hizo huendeshwa kwa makubaliano kati ya mzazi na shule.mbona hamzuii INTERVIEW Kabla ya kujiunga acheni kutafuta mnashindwa makubwa mnatafuta madogo yasio na athari

 

[DEPETERO]

sawa

 

[PARADIGM]

Mi naona ni sawa. Utakuta shule inakuwa na mwanafunzi wanakubali karo yake ila ikakaribia mwisho wanasema hatafanya mtihani atafutiwe shule nyingine. Kama wanaona mwanafunzi hafai basi wamuondoe kwenye interview. Siyo anaingia halafu wanakuja kumfukuza na wakati hel yale wamekula.. wakimuondoa kwenye interview atajua la kufanya.

 

[Gut]

Masikini Elimu yetu inaenda kaburini bado kuifukia tu..

 

[egari]

Siku zote elimu yetu imekuwa ikichezewa akija huyu anakuja na mawazo yake hakuna muongozo halisi.., kama mwanafunzi hana sifa aaachwe tu ili mwisho wa siku atie aibu kama waleeee baadhi ya wanafunzi wa shule za serikali wanavyochora zombie..., ni nani aliyeliroga taifa hili!!!!!

 

[uzeebusara]

Duuh na hainaga kukariri darasa hata akifeli. Basi tunapoelekea haitakuwa ajabu kuona mwanafunzi kamalize darasa la 7 au kidato cha 4 hajui hata kusoma, kuandika na kuhesabu kwa ufasaha. Sasa sijui malengo ni nini ya mambo hayo. Masikini elimu yetu

 

[Kigodoro]

Serikali haina ubavu wa kuzipangia shule binafsi zifanye nn. kuna shule ziliwahi kuburuzwa mahakamani na kushinda kesi baada ya kuwafukuza watt wa vigogo kwasabb walipata alama ambazo ni chini ya wastani waliojipangia, japo kwa vigezo vya kitaifa watt wale walikuwa wamefaulu

shule binafsi huwa zina wasainisha wazazi makubaliano maalumu (mkataba) ambao hukubalika mahakamani.

shule binafs hz zina ada binafsi, mihula binafsi, taratibu binafsi na haya yote wazazi wanayakubali. serikali isimamie shule zake tu.

 

[Lancashire]

Huu ni utawala wa" marufuku "

 

[MNYAMAKAZI]

Twendeni hivi hivi na hata kwenye ajira serikalini kusiwe na interview wajimwage tu kwani serikali ina mwenyewe?

 

[Mibas]

Muda si mrefu Sup na Disco vyuoni nazo marufuku.

 

[jozaigon]

Hii nchi bana,hatujui tuendako

 

[dovillenproperty]

Haisaidii hiyo ni sawa na kujilisha upepo

 

[Odili]

Tunaongozwa kijuhajuha

 

[Elli]

Baada ya kuona watoto Wao wanaburuzwa wameamua kubadilisha mbinu

 

[busiba]

Tumetafakari kweli,au hakielimu hawasikiki tena.
Kifuatacho ni kuongeza lawama kwa waalimu wa sekondari,maana hakuna kujishughulisha tena.
Poleni , maana vinyago vinawahusu.

 

[Waberoya]

sawa

mwalimu mzuri yule anayeweza fundisha kilaza akawa smart

 

[Mwadunda]

Viongozi wa Wizara ya elimu hawatoshi.

 

[MtamaMchungu]

Huu ni upuuzi, wamevuruga elimu shule za serikali, sasa wanataka kuvuruga na shule binafsi.

 

[Ngushi]

Hivi kwanini elimu yetu kila awamu inachezewa namna hii?