Senegal Yapitisha Mageuzi Makubwa ya Katiba

[Manyanza]

Bunge la Senegal limepitisha marekebisho ya Katiba yanayoleta mabadiliko makubwa ya kiutawala yenye lengo la kuimarisha uwazi, uwajibikaji na utawala wa sheria.


Chini ya sheria mpya:

• Rais wa Jamhuri haruhusiwi tena kuwa kiongozi wa chama cha siasa akiwa madarakani. Rais atakayechaguliwa atalazimika kuachia nafasi ya uongozi ndani ya chama chake.
• Mawaziri wa serikali hawataruhusiwa tena kuwa wakati huohuo mameya wa miji au wenyeviti wa halmashauri za wilaya, hivyo kukomesha utaratibu wa mtu mmoja kushikilia nyadhifa nyingi za umma kwa wakati mmoja.
• Rais anayemaliza muda wake na ambaye hagombei tena uchaguzi haruhusiwi kusaini mikataba au makubaliano ya muda mrefu ambayo yanaweza kuifunga serikali au kuhatarisha maslahi ya taifa.
• Rais atalazimika kutangaza mali na rasilimali zake anapoingia madarakani na tena kabla ya kuondoka madarakani, hatua inayolenga kuongeza uwazi na uwajibikaji.

Kwa mujibu wa Bunge la Taifa la Senegal, mageuzi haya yanalenga kuboresha taasisi za dola, kuimarisha demokrasia, na kukuza utawala bora kwa manufaa ya wananchi wa Senegal.

 

[Yoda]

Sheria nzuri sana ila tatizo zinatokana na mgogoro kati ya Spika na Rais