Mwanakili90
JF-Expert Member
- Nov 24, 2010
- 1,568
- 246
Mfanyabiashara mkubwa wa vinywaji kwa jumla pia na rejareja mjini Dodoma ndugu Wense almaarufu Mselia amejipiga risasi kwa kile kinachoaminiwa ni ghadhabu ya shehena yake ya viroba iliyokamatwa na serikali hivyo kumpelekea kuchukua hatua hiyo.
Bwana ametoa,Bwana ametwaa jina la Bwana lihimidiwe.
Jeshi la polisi mkoa wa Dodoma limekamata shehena ya pombe kali za viroba zilizopigwa marufuku zenye thamani ya zaidi ya shilingi bilioni 1 kwa wakala mkuu wa uagizaji na usambazaji wa pombe hizo Dodoma Mselia Enterprises huku mmiliki wake Festo Mselia akijiua baada ya zoezi hilo kwa kujipiga risasi kichwani kwa kile kinachodaiwa ni msongo wa mawazo kutokana na mkopo aliochukua benki kwa ajili ya kuendesha biashara hiyo.
Msako huo wa pombe hizo zilizopigwa marufuku umeongozwa na kamanda wa polisi mkoa wa Dodoma Lazaro Mambosasa ambaye aliongozana na maofisa wengine wa jeshi hilo na kukuta zaidi ya katoni 1400 za viroba katika moja ya stoo za mfanyabiashara huyo na kufanya nae mahojiano na kisha kumtaka aendelee na shughuli zake na kisha kamanda huyo akaamuru shehena hiyo isiuzwe wala kutumika akisubiri maelekezo.
Kufuatia msako huo wa polisi ambao awali ulitanguliwa na maofisa wa mamlaka ya chakula na dawa nchini TFDA inadaiwa kuwa mfanyabishara huyo aliamua kujiua kwa kupiga risasi kichwani ambapo kabla ya umauti kumkuta kamera ya ITV ilinasa mazungumzo yake na maofisa wa TFDA akidai kuwa amesitisha uuzaji akisubiri maelekezo kutoka kwenye mamlaka husika kuhusu nini cha kufanya juu ya pombe hizo.
Kufuatia tukio hilo baadhi ya wakazi wa mkoa wa Dodoma wamekuwa na maoni tofauti kuhusu operation ya kuondoa pombe hizo ambapo wanasema licha ya kufanyika kwa nia ya kunusuru taifa na janga la ulevi lakini wangetoa muda kwa wafanyabishara kumaliza bidhaa zao kwani awali ilikuwa ikiendeshwa kihaliali ikiwemo kulipiwa kodi na tozo mbalimbali.
Katika tukio jingine jeshi hilo limefanikiwa kuwakamata wahamiaji haramu wanne raia wa Ethiopia na watanzania idadi kama hiyo ambao wanadaiwa kuhusika na kuwa safirisha wahamiaji hao ambapo wote kwa pamoja wanatarajiwa kupandishwa mahakamani.
Chanzo: ITV
=====
Mapya yaibuka kifo bilionea wa viroba
WAKATI mwili wa bilionea na mfanyabiashara maarufu wa vinywaji Festo Mselia (58), ukitarajiwa kuzikwa kesho katika kijiji cha Umbwe Unana mkoani Kilimanjaro, mambo mapya yameibuka kuhusiana na kifo chake kinachodaiwa kutokana na kujipiga risasi.
KAMANDA WA POLISI MKOANI DODOMA, LAZARO MAMBOSASA.
Mambo mapya yaliyoibuka yakihusishwa na chanzo cha kifo hicho ni pamoja na usumbufu alioupata polisi, kutuma ujumbe wa kumuaga mkewe na kumpigia simu mdogo wake mara tisa bila kupokewa muda mfupi kabla ya umauti kumfika.
Akizungumza na Nipashe jana, mdogo wa marehemu huyo, Anthony Mselia alisema mwili wa marehemu baada ya kufanyiwa uchunguzi, umekutwa na matundu matatu ya risasi kwenye maeneo ya chini ya kidevu.
"Mazingira yanaonyeshwa kwamba 'brother' (kaka) hajauliwa na mtu, yaani sielewi ni kitu gani kilichomsibu," alisema.
"Lakini kulikuwa na taharuki kuhusu suala la pombe kali aina za viroba, lakini hakuna kitu alichowahi kuniambia zaidi ya kulalamikia suala hilo.
"Tangu siku ya kwanza alipokamatwa Machi 3, mwaka huu, alinipigia simu na kuniambia kwamba serikali haioni namna yeyote ya kuongeza muda na hii ilitokana na kwamba alikuwa na mzigo mkubwa wa bidhaa hiyo katika stoo zake zaidi ya tatu tofauti wenye thamani ya zaidi ya Sh. bilioni moja na viroba ndio vilivyokuwa na mzunguko mkubwa wa biashara na ndivyo vilikuwa vimekamata fedha."
Akisimulia zaidi, mdogo huyo wa marehemu alisema kaka yake aliwapeleka polisi zaidi ya stoo tatu.
Alisema kuwa kabla kaka yake hajafikia uamuzi huo Machi 7, yeye alifika nyumbani kwake na kumuaga kuwa anasafiri kwenda Moshi.
"Nilimsalimia na kumuaga kwa safari na akaniruhusu kuondoka na hakuonekana kuwa na mawazo wala kitu chochote alikuwa 'happy' (na furaha) tu. Nakumbuka aliniambia kwamba mdogo wangu ukienda uwahi kurudi kutoka Moshi kwa kuwa mimi naishi hapa hapa Dodoma," alisema.
Aliendelea kueleza kuwa anaamini kaka yake hajafikia uamuzi huo kutokana na kuwa na madeni aliyokuwa nayo ambayo alidai alikuwa ameshayalipa kwa kiasi kikubwa.
"Kwa mfanyabiashara mkubwa kama Mselia ambaye ana mzunguko mkubwa wa biashara, lazima kutakuwa na watu wanaoleta mizigo lakini siyo kesi ya yeye kufikia hatua hiyo, mimi mpaka sasa hivi akili na aliponipigia simu na kulalamika kilichompelekea kufanya uamuzi ni suala la viroba."
Alieleza kuwa awali polisi, maofisa wa Mamlaka ya Mapato (TRA) na Mamlaka ya Chakula na Dawa (TFDA) walifika dukani kwa kaka yake kumhoji na kumkagua na kwamba marehemu alitoa ushirikiano na kuwapeleka kwenye stoo zake na kuwaonyesha mzigo wote ambao alizuiwa kuuuza.
Alisema kuwa maofisa hao baada ya kumaliza kukagua, waliweka stika lakini alikuwa bado analalamika kwanini mzigo wenye thamani kubwa ya fedha ufungiwe ndani, jambo ambalo lilikuwa linampa wakati mgumu.
Alisema mzigo huo licha ya kuzuiwa kuuzwa, bado umo kwenye stoo zake.
SIMU MARA TISA
Mdogo huyo wa marehemu aliendelea kusimulia kuwa baada ya kuagana na kaka yake, hakuwasiliana naye lakini baada ya kufika Moshi na kutaka kumjulisha kwamba amefika salama, alibaini kuwa kaka yake alikuwa amempigia simu mara tisa bila kumpokea.
"Muda mfupi baadaye nilipigiwa simu na polisi kwa namba zilizoishia 71 akiuliza kwamba 'wewe unamfahamu Mselia?',
nikamwambia ni kaka yangu, akaniambia mimi ni askari, kaka yako amejipiga risasi, nikamuuliza amejipiga au imemfyatukia bahati mbaya?
"Akasema amejipiga mwenyewe, tafuta watu waende ‘General Hospital’ (Hospitali ya Rufaa ya Mkoa) kwa ajili ya kumpa msaada."
Alibainisha kuwa baada ya taarifa hiyo, alimpigia mke wa marehemu na baadaye wakawapigia marafiki wa karibu wa familia na wakaungana naye, lakini muda mfupi baadaye akapigiwa simu kuwa kaka yake amefariki.
Alidai kuwa marehemu alikuwa anamshirikisha matatizo yote ya kibiashara.
KWAHERI
Mdogo huyo wa marehemu pia alidai kuwa kaka yake alitumia ujumbe mfupi wa maandishi kwa mkewe uliosomeka "kwaheri" muda mfupi kabla ya tukio la risasi, lakini mke wake hakuutilia maanani akidhani alikosea kuutuma kwake badala yake alikuwa anamuaga mtu mwingine.
"Lakini baadaye, baada ya kupata taarifa kuwa amejipiga risasi, aligundua kuwa kumbe alikuwa anamuaga," alisema Mselia.
"Kinachoonekana ni 'harrasment' ya polisi kwa sababu polisi walifika mara ya kwanza, ya pili na ya tatu, Mselia wa watu maskini hapendi kusumbuliwa."
KAULI YA POLISI
Akizungumza na Nipashe kwa simu jana, Kamanda wa Polisi Mkoa wa Dodoma, Lazaro Mambosasa, alidai maganda ya risasi yaliyokutwa pembeni ya mwa mwili wa marehemu yalitumiwa na marehemu wakati akijaribu kujiua.
“Maganda yale ya risasi aliyatumia kujipiga mwenyewe, unajua alipokuwa akijipiga nadhani hakujilenga vizuri na hii ni kutokana na kupaniki, alijipiga kwenye shigo ikatokea mdomoni, hakufa na yeye alitaka afe sasa kutokana na kujipiga kule alijipiga risasi tano," alidai Kamanda Mambosasa.
Mfanyabiashara huyo alijiua juzi shambani kwake Msalato Manispaa ya Dodoma baada ya kuhojiwa na polisi kuhusu shehena ya viroba aliyokuwa nayo yenye thamani ya zaidi ya Sh. bilioni moja.
Chanzo: Nipashe
Bwana ametoa,Bwana ametwaa jina la Bwana lihimidiwe.
Jeshi la polisi mkoa wa Dodoma limekamata shehena ya pombe kali za viroba zilizopigwa marufuku zenye thamani ya zaidi ya shilingi bilioni 1 kwa wakala mkuu wa uagizaji na usambazaji wa pombe hizo Dodoma Mselia Enterprises huku mmiliki wake Festo Mselia akijiua baada ya zoezi hilo kwa kujipiga risasi kichwani kwa kile kinachodaiwa ni msongo wa mawazo kutokana na mkopo aliochukua benki kwa ajili ya kuendesha biashara hiyo.
Msako huo wa pombe hizo zilizopigwa marufuku umeongozwa na kamanda wa polisi mkoa wa Dodoma Lazaro Mambosasa ambaye aliongozana na maofisa wengine wa jeshi hilo na kukuta zaidi ya katoni 1400 za viroba katika moja ya stoo za mfanyabiashara huyo na kufanya nae mahojiano na kisha kumtaka aendelee na shughuli zake na kisha kamanda huyo akaamuru shehena hiyo isiuzwe wala kutumika akisubiri maelekezo.
Kufuatia msako huo wa polisi ambao awali ulitanguliwa na maofisa wa mamlaka ya chakula na dawa nchini TFDA inadaiwa kuwa mfanyabishara huyo aliamua kujiua kwa kupiga risasi kichwani ambapo kabla ya umauti kumkuta kamera ya ITV ilinasa mazungumzo yake na maofisa wa TFDA akidai kuwa amesitisha uuzaji akisubiri maelekezo kutoka kwenye mamlaka husika kuhusu nini cha kufanya juu ya pombe hizo.
Kufuatia tukio hilo baadhi ya wakazi wa mkoa wa Dodoma wamekuwa na maoni tofauti kuhusu operation ya kuondoa pombe hizo ambapo wanasema licha ya kufanyika kwa nia ya kunusuru taifa na janga la ulevi lakini wangetoa muda kwa wafanyabishara kumaliza bidhaa zao kwani awali ilikuwa ikiendeshwa kihaliali ikiwemo kulipiwa kodi na tozo mbalimbali.
Katika tukio jingine jeshi hilo limefanikiwa kuwakamata wahamiaji haramu wanne raia wa Ethiopia na watanzania idadi kama hiyo ambao wanadaiwa kuhusika na kuwa safirisha wahamiaji hao ambapo wote kwa pamoja wanatarajiwa kupandishwa mahakamani.
Chanzo: ITV
=====
Mapya yaibuka kifo bilionea wa viroba
WAKATI mwili wa bilionea na mfanyabiashara maarufu wa vinywaji Festo Mselia (58), ukitarajiwa kuzikwa kesho katika kijiji cha Umbwe Unana mkoani Kilimanjaro, mambo mapya yameibuka kuhusiana na kifo chake kinachodaiwa kutokana na kujipiga risasi.
KAMANDA WA POLISI MKOANI DODOMA, LAZARO MAMBOSASA.
Mambo mapya yaliyoibuka yakihusishwa na chanzo cha kifo hicho ni pamoja na usumbufu alioupata polisi, kutuma ujumbe wa kumuaga mkewe na kumpigia simu mdogo wake mara tisa bila kupokewa muda mfupi kabla ya umauti kumfika.
Akizungumza na Nipashe jana, mdogo wa marehemu huyo, Anthony Mselia alisema mwili wa marehemu baada ya kufanyiwa uchunguzi, umekutwa na matundu matatu ya risasi kwenye maeneo ya chini ya kidevu.
"Mazingira yanaonyeshwa kwamba 'brother' (kaka) hajauliwa na mtu, yaani sielewi ni kitu gani kilichomsibu," alisema.
"Lakini kulikuwa na taharuki kuhusu suala la pombe kali aina za viroba, lakini hakuna kitu alichowahi kuniambia zaidi ya kulalamikia suala hilo.
"Tangu siku ya kwanza alipokamatwa Machi 3, mwaka huu, alinipigia simu na kuniambia kwamba serikali haioni namna yeyote ya kuongeza muda na hii ilitokana na kwamba alikuwa na mzigo mkubwa wa bidhaa hiyo katika stoo zake zaidi ya tatu tofauti wenye thamani ya zaidi ya Sh. bilioni moja na viroba ndio vilivyokuwa na mzunguko mkubwa wa biashara na ndivyo vilikuwa vimekamata fedha."
Akisimulia zaidi, mdogo huyo wa marehemu alisema kaka yake aliwapeleka polisi zaidi ya stoo tatu.
Alisema kuwa kabla kaka yake hajafikia uamuzi huo Machi 7, yeye alifika nyumbani kwake na kumuaga kuwa anasafiri kwenda Moshi.
"Nilimsalimia na kumuaga kwa safari na akaniruhusu kuondoka na hakuonekana kuwa na mawazo wala kitu chochote alikuwa 'happy' (na furaha) tu. Nakumbuka aliniambia kwamba mdogo wangu ukienda uwahi kurudi kutoka Moshi kwa kuwa mimi naishi hapa hapa Dodoma," alisema.
Aliendelea kueleza kuwa anaamini kaka yake hajafikia uamuzi huo kutokana na kuwa na madeni aliyokuwa nayo ambayo alidai alikuwa ameshayalipa kwa kiasi kikubwa.
"Kwa mfanyabiashara mkubwa kama Mselia ambaye ana mzunguko mkubwa wa biashara, lazima kutakuwa na watu wanaoleta mizigo lakini siyo kesi ya yeye kufikia hatua hiyo, mimi mpaka sasa hivi akili na aliponipigia simu na kulalamika kilichompelekea kufanya uamuzi ni suala la viroba."
Alieleza kuwa awali polisi, maofisa wa Mamlaka ya Mapato (TRA) na Mamlaka ya Chakula na Dawa (TFDA) walifika dukani kwa kaka yake kumhoji na kumkagua na kwamba marehemu alitoa ushirikiano na kuwapeleka kwenye stoo zake na kuwaonyesha mzigo wote ambao alizuiwa kuuuza.
Alisema kuwa maofisa hao baada ya kumaliza kukagua, waliweka stika lakini alikuwa bado analalamika kwanini mzigo wenye thamani kubwa ya fedha ufungiwe ndani, jambo ambalo lilikuwa linampa wakati mgumu.
Alisema mzigo huo licha ya kuzuiwa kuuzwa, bado umo kwenye stoo zake.
SIMU MARA TISA
Mdogo huyo wa marehemu aliendelea kusimulia kuwa baada ya kuagana na kaka yake, hakuwasiliana naye lakini baada ya kufika Moshi na kutaka kumjulisha kwamba amefika salama, alibaini kuwa kaka yake alikuwa amempigia simu mara tisa bila kumpokea.
"Muda mfupi baadaye nilipigiwa simu na polisi kwa namba zilizoishia 71 akiuliza kwamba 'wewe unamfahamu Mselia?',
nikamwambia ni kaka yangu, akaniambia mimi ni askari, kaka yako amejipiga risasi, nikamuuliza amejipiga au imemfyatukia bahati mbaya?
"Akasema amejipiga mwenyewe, tafuta watu waende ‘General Hospital’ (Hospitali ya Rufaa ya Mkoa) kwa ajili ya kumpa msaada."
Alibainisha kuwa baada ya taarifa hiyo, alimpigia mke wa marehemu na baadaye wakawapigia marafiki wa karibu wa familia na wakaungana naye, lakini muda mfupi baadaye akapigiwa simu kuwa kaka yake amefariki.
Alidai kuwa marehemu alikuwa anamshirikisha matatizo yote ya kibiashara.
KWAHERI
Mdogo huyo wa marehemu pia alidai kuwa kaka yake alitumia ujumbe mfupi wa maandishi kwa mkewe uliosomeka "kwaheri" muda mfupi kabla ya tukio la risasi, lakini mke wake hakuutilia maanani akidhani alikosea kuutuma kwake badala yake alikuwa anamuaga mtu mwingine.
"Lakini baadaye, baada ya kupata taarifa kuwa amejipiga risasi, aligundua kuwa kumbe alikuwa anamuaga," alisema Mselia.
"Kinachoonekana ni 'harrasment' ya polisi kwa sababu polisi walifika mara ya kwanza, ya pili na ya tatu, Mselia wa watu maskini hapendi kusumbuliwa."
KAULI YA POLISI
Akizungumza na Nipashe kwa simu jana, Kamanda wa Polisi Mkoa wa Dodoma, Lazaro Mambosasa, alidai maganda ya risasi yaliyokutwa pembeni ya mwa mwili wa marehemu yalitumiwa na marehemu wakati akijaribu kujiua.
“Maganda yale ya risasi aliyatumia kujipiga mwenyewe, unajua alipokuwa akijipiga nadhani hakujilenga vizuri na hii ni kutokana na kupaniki, alijipiga kwenye shigo ikatokea mdomoni, hakufa na yeye alitaka afe sasa kutokana na kujipiga kule alijipiga risasi tano," alidai Kamanda Mambosasa.
Mfanyabiashara huyo alijiua juzi shambani kwake Msalato Manispaa ya Dodoma baada ya kuhojiwa na polisi kuhusu shehena ya viroba aliyokuwa nayo yenye thamani ya zaidi ya Sh. bilioni moja.
Chanzo: Nipashe
