Ripoti ya CAG: Mkataba wa Mlimani City na Chuo Kikuu cha UDSM ni wizi mtupu | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ripoti ya CAG: Mkataba wa Mlimani City na Chuo Kikuu cha UDSM ni wizi mtupu

Discussion in 'Jukwaa la Siasa' started by Return Of Undertaker, Apr 17, 2017.

  1. Return Of Undertaker

    Return Of Undertaker JF-Expert Member

    #1
    Apr 17, 2017
    Joined: Jun 12, 2012
    Messages: 1,772
    Likes Received: 4,058
    Trophy Points: 280
    [​IMG]

    RIPOTI ya Mdhibiti na Mkaguzi Mkuu wa Hesabu za Serikali (CAG), imeanika madudu ya mkataba wa Chuo Kikuu cha Dar es Salaam (UDSM) kwenye mradi wa Mlimani City.

    Madudu hayo yanaonyesha namna chuo hicho kinavyopoteza mamilioni ambako amependekeza mkataba huo ufanyiwe marekebisho.

    Kwa mujibu wa ripoti hiyo iliyowasilishwa bungeni hivi karibuni, ujenzi wa mradi wa Mlimani City ulianza Oktoba Mosi mwaka 2004, ukikadiriwa kukamilika Septemba Mosi mwaka 2016.

    Hata hivyo, CAG ameshauri yafanyike marekebisho katika baadhi ya vifungu vya mkataba huo.

    Ripoti hiyo inaonyesha kwamba moja ya sababu ya kukiukwa maeneo ya mkataba wa wabia hao wawili ni uzembe wa menejimenti ya chuo.

    Ripoti inasema: “Tulibaini kwamba mradi mdogo wa hoteli ya nyota tatu (ambayo ina vyumba 100 kikiwemo chumba cha mikutano kinachochukua watu 1,000) na uboreshaji wa bustani ya botania, ikiwa ni sehemu ya mradi wa Mlimani City, haujakamilika kwa kipindi cha miaka 10 tangu tarehe ya makubaliano ya kumaliza mradi.

    “Mtazamo wangu ni kuwa hakuna ufuatiliaji wa karibu, usimamizi na tathmini ya mkataba huo kwa uongozi wa Chuo Kikuu cha Dar es Salaam.

    “Kwa sababu hiyo kuna uwezekano wa kushidwa kumalizia kazi iliyobaki kwa sababu ya ongezeko kubwa ya gharama ya kumalizia mradi tangu kipindi kilichopangwa kupita.

    “Menejimenti ya Chuo Kikuu inashauriwa kuuangalia upya mkataba iliouingia na Mlimani City Holding, kuharakisha umaliziaji wa miradi,” ilieleza ripoti hiyo ya CAG.

    Ripoti hiyo pia inaainisha ukiukwaji wa ulipaji wa ada ambayo mwekezaji anatakiwa kuitoa kwa Chuo Kikuu cha Dar es Salaam.

    Kwa mujibu wa kifungu cha 1.1(j) cha mkataba pamoja na kifungu 10.1 cha hati ya ukodishaji wa uwanja, Chuo Kikuu cha Dar es Salaam kinapaswa kipate asilimia 10 ya mapato ya kodi ghafi.

    “Kinyume na kufungu tajwa hapo juu, Mlimani Holding Limited (MHL), hufanya hesabu za gawio la kodi ya Chuo Kikuu kwa kuzingatia asilimia 10 ya mapato ya kodi baada ya kutoa gharama za uendeshaji badala ya kujumuisha gharama za uendeshaji.

    “Ukiukwaji huu unakifanya Chuo Kikuu cha Dar es Salaam kuwa katika hatari ya kupoteza kiasi kikubwa cha mapato kutoka katika mradi wa Mlimani City,” inasema ripoti hiyo.

    CAG anaishauri menejimenti ya chuo hicho ifanye upya hesabu za gawio lake la asilimia 10 kutokana na mkataba na kuomba kulipwa na mpangaji kiasi kilichokuwa kimekosewa.

    Pia alishauri kuwasiliana na mpangaji na kufikiria kubadilisha mkataba kuweka vifungu ambavyo vitaruhusu idara ya ukaguzi ya ndani ya chuo kuangalia mapato na gharama za uendeshaji za mradi.

    Ripoti hiyo pia imeainisha udhaifu wa ufuatiliaji na usimamizi wa mapato kutoka kwa wapangaji wadogo kwenye mradi huo.

    Inasema kifungu cha 11.2(l) cha hati ya makubaliano, mpangaji (MHL) anapaswa kutopangisha mtu yeyote ambaye hajathibitishwa na Mpangishaji (Chuu Kikuu cha Dar es Salaam), ikiwa ni njia ya kudhibiti mapato yake.

    Kinyume na makubaliano ya hayo, ukaguzi wa CAG umebaini kwamba MHL amepangisha majengo kwa wapangaji wengine bila kupata kibali cha Chuo Kikuu cha Dar es Salaam.

    “Kuna upungufu wa utekelezaji wa vipengele vya mkataba kwa upande wa Chuo Kikuu cha Dar es Salaam hivyo kusababisha Chuo kushindwa kujua kwa usahihi mapato ya kodi kutoka kwa wapangaji wote.

    “Menejimenti ya Chuo Kikuu cha Dar-es-salaam inashauriwa kutekeleza vifungu na vipengele vyote vya hati ya makubalian ya upangaji kikiwamo kifungu 11.2 (l) cha hati ya makubaliano ambacho kinakitaka Chuo Kikuu cha Dar es Salaam kuwathibitisha wapangaji wadogo wadogo,” anashauri CAG.

    Ripoti hiyo pia inaonyesha mapitio ya mkataba wa upangishaji wa ardhi kati ya Chuo Kikuu cha Dar es Salaam na Mlimani Holding Limited yamegundua kwamba mkataba haumpi mmiliki wa ardhi haki ya kukagua kazi zinazofanywa na mpangaji.

    “Katika hali hii, mpangishaji, ambaye ni Chuo Kikuu cha Dar es Salaam hawezi kujua endapo mpangaji, Mlimani Holding Limited, anakiuka mkataba katika uendeshaji au kuna baadhi ya wapangaji wa nyumba hawawekwi wazi na mpangaji huyu,” inasema ripoti.

    CAG anashauri Chuo Kikuu cha Dar es Salaam kuwasiliana na Mlimani Holding Limited kupata haki ya kukagua shughuli za miradi kwa manufaa ya pande zote mbili.

    Ripoti hiyo inasema pia kwamba mapitio ya mkataba yamegundua mkataba huo hauelezei hali halisi ya ugawanaji mali mkataba utakapoisha (miaka 50 au 85 kutokana na makubaliano ya pande mbili).

    “Hakuna makubaliano yoyote yanayoelezea mgawanyo wa mali na miondombinu itakayokuwapo wakati mkataba unaisha.

    “Kwa hali hii, kuna uwezekano wa kutokea mvutano wa sheria mwisho wa mkataba. Hali hii ikitokea, Chuo Kikuu kitakosa msaada wa sheria.

    “Uongozi wa Chuo Kikuu cha Dar es Salaam, unashauriwa kuingia katika mazungumzo na Mlimani Holding Limited kuweka vifungu vitakavyoonyesha haki ya kila upande wakati wa mkataba utakapoisha,” anaeleza CAG.

    Ripoti hiyo pia inasema Chuo Kikuu cha Dar es Salaam ( kiliingia katika makubaliano na kampuni ya Ernest and Young kufanya ukaguzi maalumu kujua kiasi cha mapato ambacho kinaidai kampuni ya Mlimani Holding Limited katika kipindi cha Mei Mosi mwaka 2006 mpaka Juni 30 mwaka 2014 na kubaini kutolipwa dola za Marekani 57,607.

    “Wakati wa ukaguzi niligundua kuwa kiasi cha Dola za Marekani 309,458 kilitakiwa kipokelewe na Chuo kutoka MHL, lakini usuluhisho wa hesabu ulionyesha MHL ililipa Dola za Marekani 213,850 kupitia uhamisho wa benki kwa njia ya eletroniki na kubakisha Dola za Marekani 57,607.

    “Kuna ufuatiliaji duni kwa upande wa menejimenti ya Chuo Kikuu cha Dar es Salaam katika kukusanya deni hilo. Menejimenti ya Chuo Kikuu cha Dar es Salaam inashauriwa kuongeza nguvu katika kufuatilia na kukusanya deni wanalolidai MHL,” inasema ripoti hiyo.
     
  2. e2n

    e2n JF-Expert Member

    #2
    Apr 17, 2017
    Joined: Dec 24, 2015
    Messages: 421
    Likes Received: 526
    Trophy Points: 180
    Safi sana CAG kazi yako njema
     
  3. Rweye

    Rweye JF-Expert Member

    #3
    Apr 17, 2017
    Joined: Mar 16, 2011
    Messages: 14,384
    Likes Received: 2,521
    Trophy Points: 280
    Siyo enzi za Magufuli!
     
  4. iparamasa

    iparamasa JF-Expert Member

    #4
    Apr 17, 2017
    Joined: Nov 14, 2013
    Messages: 13,247
    Likes Received: 13,482
    Trophy Points: 280
    Kadri muda unavyoenda mkulu atakuwa anaishiwa pumzi,CAG kammwagia matatizo,kila akisoma,yote yako darini,lakini sijasikia wizara ya ujenzi na taasisi zake,hasa ile MV mzinga wa jeshi
     
  5. andishile

    andishile JF-Expert Member

    #5
    Apr 17, 2017
    Joined: Apr 1, 2012
    Messages: 1,431
    Likes Received: 39
    Trophy Points: 145
    kazi nzuri sana CAG!ni aibu kubwa kwa chuo kikuu kilichobobea wataalam wa sheria na utawala kuingia mkataba mbovu kama huo na kutofanya ufuatiliaji wa uhakika na wa umakini.
     
  6. Ulukolokwitanga

    Ulukolokwitanga JF-Expert Member

    #6
    Apr 17, 2017
    Joined: Sep 18, 2010
    Messages: 8,270
    Likes Received: 3,330
    Trophy Points: 280
    CAG amka ndugu yangu, sio kwamba kuna uzembe bali watu wanapiga pasenti zao hapo. Kwani haujui kuwa chimbuko la ufisadi hapa nchini ni Chuo Kikuu cha Dar. Hapo ndio ufisadi ulipozaliwa jamaa wanajiibia hadi wenyewe
     
  7. Sibonike

    Sibonike JF-Expert Member

    #7
    Apr 17, 2017
    Joined: Dec 23, 2010
    Messages: 8,859
    Likes Received: 3,140
    Trophy Points: 280
    Aliyajua yote hayo kabla ya kuwa CAG maana alikuwa Mfanyakazi wa UDSM

    Sasa nafasi yake inampa uwezo wa kujua hizo kasoro kwa undani

    Kama jamaa walitoa mlungula itakula kwao
     
  8. kirikou1

    kirikou1 JF-Expert Member

    #8
    Apr 17, 2017
    Joined: Nov 8, 2016
    Messages: 1,718
    Likes Received: 1,863
    Trophy Points: 280
    Ndio pale wanasema sheria ilipozaliwa ndipo wanapigwa bila mfano,

    Nilitegemea Udsm kama taasisi komavu ya elimu ije na mikataba mujarabu zaidi ya ile ya singasinga kumbe nao bure kabisa.

    Tutabaki kuona miradi ya makerere kwa macho
     
  9. Keyboard Warrior

    Keyboard Warrior JF-Expert Member

    #9
    Apr 17, 2017
    Joined: Aug 5, 2014
    Messages: 706
    Likes Received: 1,758
    Trophy Points: 180
    Further proof kuwa elimu ya Tz ni majanga.
    Pale school of law na udbs kuna wahadhiri/wataalamu "waliobobea" lakini bado chuo kimepigwa chenga ya mwili. We have a long way to go.
     
  10. Mavipunda

    Mavipunda JF-Expert Member

    #10
    Apr 17, 2017
    Joined: Jun 27, 2012
    Messages: 4,086
    Likes Received: 2,974
    Trophy Points: 280
    Si mambo ya ajabu kwa Chama cha Majizi
     
  11. jingalao

    jingalao JF-Expert Member

    #11
    Apr 17, 2017
    Joined: Oct 12, 2011
    Messages: 13,143
    Likes Received: 5,121
    Trophy Points: 280
    Hili tuliwahi kuliongelea humu...kuhusu ujenzi wa 'magodown "badala ya uwekezaji wa kutoa ajira kwa wanachuo.
     
  12. Nyalotsi

    Nyalotsi JF-Expert Member

    #12
    Apr 17, 2017
    Joined: Jul 20, 2011
    Messages: 4,967
    Likes Received: 387
    Trophy Points: 180
    Sehemu ambayo wanasheria wanaoitwa wasomi na wachumi wasomi mikataba inakuwa na loop holes za kizembe namna hii!!!

    Ila sishangai, kuna mtu atakuja kujazwa Kwenye Hizo loop holes aendelee kuchota.
    Maana wabongo ni maarufu Sana Kwa fursa za rushwa..
     
  13. SDG

    SDG JF-Expert Member

    #13
    Apr 17, 2017
    Joined: Feb 28, 2017
    Messages: 2,769
    Likes Received: 2,943
    Trophy Points: 280
    CAG TENA
     
  14. Poise

    Poise JF-Expert Member

    #14
    Apr 17, 2017
    Joined: May 31, 2016
    Messages: 2,843
    Likes Received: 1,877
    Trophy Points: 280
    Tanzania, rushwa na ubadilifu hadi mochwari!

    Maana kila siku humu waliosoma udsm hapo Tanzania, oooh oooh chuo bora mara Africa oooh the best in Tanzania University kumbe utapeli mtupu!

    Namhurumia Sana Rais, Dr. Magufuli maana madudu kila mahala!
     
  15. BILGERT

    BILGERT JF-Expert Member

    #15
    Apr 17, 2017
    Joined: Feb 27, 2015
    Messages: 1,418
    Likes Received: 905
    Trophy Points: 280
     
  16. Poise

    Poise JF-Expert Member

    #16
    Apr 17, 2017
    Joined: May 31, 2016
    Messages: 2,843
    Likes Received: 1,877
    Trophy Points: 280
    Actually, they knew what they did. It's a corrupted system from education to family level nothing else.
     
  17. misasa

    misasa JF-Expert Member

    #17
    Apr 17, 2017
    Joined: Feb 5, 2014
    Messages: 3,536
    Likes Received: 1,464
    Trophy Points: 280
    Si mlimshangilia akiingia bungeni?
     
  18. BAK

    BAK JF-Expert Member

    #18
    Apr 17, 2017
    Joined: Feb 11, 2007
    Messages: 57,850
    Likes Received: 27,727
    Trophy Points: 280
    Eh! Hakuwemo Serikalini huyu!

     
  19. S

    Siku za ajabu JF-Expert Member

    #19
    Apr 17, 2017
    Joined: Dec 23, 2012
    Messages: 721
    Likes Received: 122
    Trophy Points: 60
    aliyasema haya utajengaje hostel nje ya eneo la chuo wkt lipo ajabu akianza kutumbua mtaanza kuongea anatumbua.
     
  20. Gut

    Gut JF-Expert Member

    #20
    Apr 17, 2017
    Joined: Jan 18, 2016
    Messages: 2,071
    Likes Received: 2,010
    Trophy Points: 280
    Siku nilipo sikia eti kile chuo wanasoma "vipanga" niliwahurumia sana vifaranga.
     
Loading...