Rais Magufuli: "Serikali yangu haigawi fedha"

[mr mkiki]

“Wapo watu wamejaa wivu mioyoni mwao, wengine atasimama mbona hela hazipo, wale walizoea hela za rushwa, walizoea hela za utapeli, kwa sasa wanafikiri fedha hizo zitapatikana kama zamani, kwa sasa hela za utapeli za kudhulumu wananchi hazitapatikana , na nataka niwaambie na nitangaze kwa dhati kabisa, serikali yangu haigawi hela”, alisema Rais Magufuli.

Rais Magufuli aliendelea kwa kuwasisitiza wananchi kufanya kazi kihalali, na wale wataoendelea kufanya ufisadi watakiona cha mtemakuni.

“Usipofanya kazi hata hizo ulizonazo zitapotea, kwa hiyo mafisadi wakae wakijua hilo, zile fedha walizokuwa wamezoea kuzipata kwa kufisadi wananchi masikini hawatazipata tena, na wakifanya ufisadi kwa sasa hivi wajiandae kutumbuliwa na kwenda gerezani, wakaone shida ya kule, kwa sababu hatuwezi tukaruhusu Watanzania kuishi maisha ya shida, wakati wapo watu wengine walikuwa wanaishi kwa jasho la masikini”, alisema Rais Magufuli.

NOTE:
Ukipambana na ufisadi, utaagusa mfumo wa sheria, na ikibidi kubadili au kurekebisha katiba.

Sheria zitakapokuwa imara, na mifumo ya kitaasisi itakapokuwa imara, kisha vyombo husika vikapewa nguvu ya kushughurikia ufisadi, tunaweza kupunguza ufisadi au angalau kupunguza madhara yake.

Lakini ukipambana mafisadi, kwa sheria zinazompa mtu mmoja maamuzi ya mwisho, mtu huyo (rais) ataishia kuwadhibiti anaoona anawamudu na/au anaowachukia, na kuwaacha asiowamudu na/au anaowapenda.

Kwakuwa hatuna sheria, bali tuna mtu, kwa hiyo tuendelee kuchekelea fisadi huyu akishughurikiwa wakati fisadi yule aliyemtuma/aliyeshirikiana naye akiendelea kupeta.

Kuna tofauti kati ya kupambana na ufisadi na kupambana na mafisadi.

Sent using Jamii Forums mobile app

 

[Wong Fei]

ha ha ha
Hao masikini wanaishi km Mungu ndiyo nani au Bashite?
Wanyonge gani anayewazungumzia au wanyongwa? Hizo kauli za kejeli km serikali haijaleta tetemeko, sitagawa chakula, bora ufe na njaa, sitaongeza increment km unaona mshahara hautoshi ukalime n.k hiz kauli alikuwa anaambiwa Manji au Bakhresa?
Huyu si alifuta ajira, kununua kivuko kibovu, kuuza nyumba za serikali na hajaongeza increment mpaka sasa.
Mungu anasingiziwa kila jambo, Mungu kaingiaje hapo?
Angekuwa anajali wanyonge hata ajira asingefuta.
Nani kamuomba pesa? Yy alipo anategemea pesa kutoka kwa wananchi.
Kabla ya mtu kuwa kiongoz apimwe kwanza akili kuna wakati tunaweza kuweka vi..chaaa
''heri kijana masikini mwenye hekima kuliko mfalme mzee mpumbavu''

 

[mr yamoto]

Well said bro. Siongezi neno hapo.

Sent using Jamii Forums mobile app

 

[mr yamoto]

ha ha ha
Hao masikini wanaishi km Mungu ndiyo nani au Bashite?
Wanyonge gani anayewazungumzia au wanyongwa?
Huyu si alifuta ajira, kununua kivuko kibovu, kuuza nyumba za serikali na hajaongeza increment mpaka sasa.
Mungu anasingiziwa kila jambo, Mungu kaingiaje hapo?
Angekuwa anajali wanyonge hata ajira asingefuta.
Nani kamuomba pesa? Yy alipo anategemea pesa kutoka kwa wananchi.
Kabla ya mtu kuwa kiongoz apimwe kwanza akili kuna wakati tunaweza kuweka vi..chaa

Maneno mubarasha kutoka kwa Gregoire's lakini werevu watatambua.

Sent using Jamii Forums mobile app

 

[Moisemusajiografii]

Utani na Mungu si jambo la hekima!

 

[Mnasihi]

Kunyamazia jambo ni aina ya busara na hekima kwani werevu watadhani kuwa unatafakari jinsi ya kufanya!
Ni bora anyamaze kuliko kuongea huku kunakozidisha hasira! Eti maskini! Walitengenezwa na nani kama siyo mfumo anaoutumikia? Halikadhalika mafisadi nao wametokana na mfumo aliokulia na kuutumikia hadi leo. Yawezekanaje sahani yako uishike mkononi ili hali miguu yako michafu umeiweka kwenye sahani ya mwenzako?
Aache maneno aje na katiba mpya tena ile ya Warioba huenda tukakufahamu vizuri!

 

[Granta]

Huyu jamaa mbona anaongea sana

Lexus Mayai

 

[Mwanamayu]

Kwani wote waliokuwa au wanaoendelea kuishi kwa raha ni wezi? Yaani kakalia kiti ili wenye maisha bora wawe na maisha mabovu ili wenye maisha mabaya wawe na maisha bora badala ya kufanya wote wawe na maisha bora.

Ofisi ya Takwimu ya Taifa inaonesha kuna karibu asilimia 28 ya watanzania ni masikini. Kwa maana hiyo asilimia 72 wapo vizuri. Sasa ina maana mpango wa mkuu wa nchi ni kuwafanya hawa 28% wawe na maisha mazuri halafu 72% wawe masikini kweli?

Kama huu ndio mpango wake wa kuwafanya walio na maisha mazuri yawe mabaya, unapingana na Sustainable Development Goals mojawapo ni umasikini kufutwa kabisa kufikia 2030.