Kwanza kabisa nikupe Hongera kubwa kwa namna ulivyowaailisha hoja yako kwa uadilifu mkubwa, maana umejitahidi sana kuwa muungwana, maana ni nadra sana kwa humu jf kupata uzi usio na maneno ya kuudhi au kukera, Hongera kwako, kwa wazazi wako na kwa jamii yote iliyoshiriki kukulea katika maadili hayo mazuuri. Ubarikiwe sana.
Ni kweli kama watanzania tuna mengi yakumpongeza JPM kwa mabadiliko na mageuzi makubwa aliyoyanya kwa kipindi hiki kifupi sana cha miaka mitatu, sitaki niyarudie maana yanafahamika na kila mtu.
Nomba nipishane kidogo na ww kwenye kipengele cha ajira hasa wale graduates wanao uza nyanya, madereva wa bodaboda, mama ntilie na wengine wengi ambao wanafanana na hao, yaani walioamua kujiajiri wenyewe baada ya kukosa ajira. Kuwa na elimu maana yake ni kuwa unauelewa mpana wa mambo na vijimambo, kuona fursa na kuzikimbilia kabla hazija onwa na wengine....!! Lakini pia, kufanya jambo lilelile ambalo wengine hufanya,ww ukalifanya kwa njia tofauti na likakuletea tija kubwa na ukawabariki wanaokuzunguka. Ukifanya jambo kwa kiwango cha mtu kama wa std 7 wakati wewe ni graduate, hapo tunasema 'umesoma lakini haujaelimika',maana yake nini!! Waliuza Ng'ombe ,wakapeleka Ng'ombe ingine shuleni. Hakuna kitu.
Niwashauri graduates wenzangu, kuna ajira nyingi sana zenye kulipa ambazo zipo nje ya mfumo rasmi, wapo walioona fursa hii ya ajira wakakimbilia, hata izo kazi za umma wanazolilia. Tuache kulalama, tumia mda mwingi kufikiria nini ufanye cha kawaida ili kikupe pesa, unitumie muda mwingi kulialia, hakuta kusaidia hata. Kama ni Kilimo Fanya kisasa, kama ni Ufugaji, fanya kwa kufuata kanuni, kama uchinga, Ongeza ubunifu.
Mtaji wala Usiogope, ukishapata wazo la kufanya anza na ulichobarikiwa nacho huku ukiangalia talanta na vipawa ambavyo MUNGU kakujaalia. Uza PC yako au simu yako kupata au kujazia sehemu ya mradi wako, fanya kwa bidii sana kwa Upendo. Baada ya muda utaona matunda ya jasho lako na ujaaliwa, huenda ukwaajiri na wenzio kwa kiwango fulani.
Tusijidanganye eti kuna mwanasiasa atakuja kukuletea maendeleo yako binafsi, hakuna na kama anakuambia hivyo, amini na sadiki kuwa ni muongo na anakudanganya. Serikali huandaa mazingira mazuri tu ya huduma za umma ili kama unatatizo basi litatuliwe kwa urahisi. Mfano shule, huduma za maji, umeme, mawasiliano, uchukuzi, ulinzi na usalama wa raia na Mali, amani na utulivu wa nchi na diplomasia za kimataifa. Kama mwananchi ndio sasa unapaswa kutumia fursa kama hizo kuona cha kufanya ili ujiletee maendeleo yako na familia yako.
By the way, matajiri wengi ni Watu wenye elimu za kawaida, ukiona mtu katajirika huku akiwa Ofisi ya umma, ujue KAPIGA..!!. Magufuli kwa nafasi yake tayari kufanya mengi yaliyo ya muhimu.
