Rais Magufuli na Museveni wakubaliana kutosaini mkataba wa EPA

[comrade igwe]

Rais wa Jamhuri ya Muungano wa Tanzania Dkt. John Pombe Magufuli na Rais wa Jamhuri ya Uganda Yoweri Museveni kwa pamoja wamekubaliana kutosaini mkataba wa mahusiano ya kiuchumi na kibiashara kati ya nchi za Jumuiya ya Afrika Mashariki na Ulaya (EPA).

Makubaliano hayo yamefanyika jana Ikulu, Jijini Dar es Salaam ambapo Rais Yoweri Museveni yuko nchini Tanzania kwa ziara ya kikazi ya siku mbili kuanzia tarehe 25 – 26 Februari, 2017.

Akiongea na waandishi wa habari Rais Magufuli amesema kuwa mkataba wa EPA hauna faida bali ni aina nyingine ya ukoloni ambao unataka kurejeshwa kwa nchi za Afrika.

“Nimeongea na Rais Yoweri Museveni amekubali kutosaini mkataba wa EPA, nitawaagiza wataalamu waliosaidia kutupa maelezo juu ya madhara ya mkataba huo kwenda pia Uganda kuwapa maelezo ambao waliyatoa kwa Tanzania,” alifafanua Dkt. Magufuli.

Kwa upande wake, Rais Yoweri Museveni amesema kuwa ameongea na Rais Magufuli na wamekubaliana kutosaini mkataba huo na kuongeza kuwa suala la EPA ni lazima lijadiliwe na nchi zote za Afrika Mashariki ili kuwepo na msimamo wa pamoja kwa nchi zote za Jumuiya ya Afrika Mashariki.

Aidha Rais Museni amempongeza Rais Magufuli kwa kulifufua Shirika la Ndege Tanzania (ATCL) kwa kununua ndege mpya Sita, hivyo amekaribisha shirika hilo kutoa huduma za usafiri wa anga nchini Uganda kutokana na nchi hiyo kuwa na uhitaji wa huduma hiyo.

Vilevile amempongeza Rais Magufuli kwa ujenzi wa Reli ya Kiwango cha Kimataifa (Standard Gauge Railway) kutoka Dar es Salaa mpaka Mwanza na Isaka mpaka Rwanda ambapo itapelekea ujenzi wa bandari kavu katika mkoa wa Mwanza hivyo wafanyabiashara wa Uganda kunufaika na bandari hiyo ambayo itakuwa karibu zaidi kuliko ilivyo kwa Dar es Salaam.

Wakati huohuo Mawaziri wa Nje kutoka Tanzania na Uganda Balozi Dkt. Augustine Mahiga na Oryem Henry Okello wamesaini makubaliano ya uhusiano katika mambo ya Diplomasia baina ya nchi hizo mbili.

Museveni yupo nchini kwa ziara ya kikazi ya siku mbili ambapo atatembelea baadhi ya maeneo kadhaa ikiwemo kiwanda cha Juice cha mfanyabiashara Mtanzania Said Bakhressa ambaye pia amewekeza nchini Uganda.

 

[Askari Muoga]

Kumbe uwaga anawatumia Wataalamu

 

[Mr Hero]

M7 rais wa kudumu wa Uganda, kuna mtu anamtamani sana M7 kuwa kama yeye

 

[Mbao za Mawe]

Hivi wakikutana huwa wanaulizana huko kwako unatimiza vipi matakwa ya wananchi wako ?

M5:Vipi Uganda mbona Besigye analalama kwanini usimwache afanye siasa M7.

M7: Best hebu ajiri watu huu mwaka wa pili kuna vijana mtaani.

M5: Nasikia huna mpango wa kuachia madaraka hivi karibuni huoni kama unazidi kudumaza taifa maana muda mrefu kweli umeongoza pasipo mafanikio?

M7:Vipi mikakati yao kuhakikisha Katiba unaisoma na kuitendea kazi?

M5:Twende kula best tukirudi unipe habari za ile vita tuliyowatandika .

 

[Bavaria]

Kenya akasaini peke yake..

 

[comrade igwe]

M7 rais wa kudumu wa Uganda, kuna mtu anamtamani sana M7 kuwa kama yeye

Nani huyo??

 

[Titicomb]

Kumbe uwaga anawatumia Wataalamu

Kwani wewe ulikuwa unaamini porojo za mitandaoni na wanasiasa hasi kwamba Mh.JPM hafuati ushauri wa wataalamu?

 

[ras jeff kapita]

Kumbe uwaga anawatumia Wataalamu

Mtaumbuka na midomo yenu michafu....umejistukia sasa

 

[Cenetor]

Rais wa Jamhuri ya Muungano wa Tanzania Dkt. John Pombe Magufuli na Rais wa Jamhuri ya Uganda Yoweri Museveni kwa pamoja wamekubaliana kutosaini mkataba wa mahusiano ya kiuchumi na kibiashara kati ya nchi za Jumuiya ya Afrika Mashariki na Ulaya (EPA).

Makubaliano hayo yamefanyika jana Ikulu, Jijini Dar es Salaam ambapo Rais Yoweri Museveni yuko nchini Tanzania kwa ziara ya kikazi ya siku mbili kuanzia tarehe 25 – 26 Februari, 2017.

Akiongea na waandishi wa habari Rais Magufuli amesema kuwa mkataba wa EPA hauna faida bali ni aina nyingine ya ukoloni ambao unataka kurejeshwa kwa nchi za Afrika.

“Nimeongea na Rais Yoweri Museveni amekubali kutosaini mkataba wa EPA, nitawaagiza wataalamu waliosaidia kutupa maelezo juu ya madhara ya mkataba huo kwenda pia Uganda kuwapa maelezo ambao waliyatoa kwa Tanzania,” alifafanua Dkt. Magufuli.

Kwa upande wake, Rais Yoweri Museveni amesema kuwa ameongea na Rais Magufuli na wamekubaliana kutosaini mkataba huo na kuongeza kuwa suala la EPA ni lazima lijadiliwe na nchi zote za Afrika Mashariki ili kuwepo na msimamo wa pamoja kwa nchi zote za Jumuiya ya Afrika Mashariki.

Aidha Rais Museni amempongeza Rais Magufuli kwa kulifufua Shirika la Ndege Tanzania (ATCL) kwa kununua ndege mpya Sita, hivyo amekaribisha shirika hilo kutoa huduma za usafiri wa anga nchini Uganda kutokana na nchi hiyo kuwa na uhitaji wa huduma hiyo.

Vilevile amempongeza Rais Magufuli kwa ujenzi wa Reli ya Kiwango cha Kimataifa (Standard Gauge Railway) kutoka Dar es Salaa mpaka Mwanza na Isaka mpaka Rwanda ambapo itapelekea ujenzi wa bandari kavu katika mkoa wa Mwanza hivyo wafanyabiashara wa Uganda kunufaika na bandari hiyo ambayo itakuwa karibu zaidi kuliko ilivyo kwa Dar es Salaam.

Wakati huohuo Mawaziri wa Nje kutoka Tanzania na Uganda Balozi Dkt. Augustine Mahiga na Oryem Henry Okello wamesaini makubaliano ya uhusiano katika mambo ya Diplomasia baina ya nchi hizo mbili.

Museveni yupo nchini kwa ziara ya kikazi ya siku mbili ambapo atatembelea baadhi ya maeneo kadhaa ikiwemo kiwanda cha Juice cha mfanyabiashara Mtanzania Said Bakhressa ambaye pia amewekeza nchini Uganda.

Viongozi wenye misimamo na nia njema kwa mataifa yao ndio watakaoweza kuzilinda nchi zao against neo-colonialism

 

[Askari Muoga]

Kwani wewe ulikuwa unaamini porojo za mitandaoni na wanasiasa hasi kwamba Mh.JPM hafuati ushauri wa wataalamu?

mimi nilijua yeye ndio kila kitu asikilizi mtu

 

[igp]

Kumbe uwaga anawatumia Wataalamu

ulidhani wanatumia waimba taarabu?

 

[Patriot]

ulidhani wanatumia waimba taarabu?

Wale watu maarufu, kioo cha jamii wanaoumbuana sasa! EEeeh! Nchi ilishakosa mwelekeo hadi tukaapa kupambana na malaria kwa kutumia wasanii. Tukawaahidi studio ya mziki na kuamini Maisha yamekuwa bora.