Fred Mpendazoe
Member
- Aug 21, 2016
- 33
- 504
JPM ATALETA MABADILIKO MAKUBWA TANZANIA WATANZANIA TUMUUNGE MKONO.
Wakati wa uongozi wa awamu ya nne kulikuwa na mijadala mingi, mikubwa na midogo kuhusu mustakabali wa nchi yetu. Kulikuwepo na mazungumzo ya muda mrefu kuhusu mwelekeo wa jumla wa taifa letu, maadili ya taifa letu, uchumi wa nchi yetu nakadhalika. Ungesikiliza mazungumzo ya watu wengi wakati huo na ukisoma magazeti yetu, ilikuwa ni dhahili kuwa nchi yetu ilikuwa imekwama. Nchi yetu ilikabiliwa na changamoto nyingi hususan kuporomoka kwa maadili na tunu za taifa, kuongezeka kwa umaskini na tofauti ya kipato baina ya wachache walionacho na wengi wasionacho. Kuibuka kwa mgawanyiko katika misingi ya makundi ya kisiasa na jamii. Kuibuka na kushamiri kwa utamaduni na siasa chafu, malalamiko kuhusu Muungano wetu na mengineyo.
Mmomonyoko wa maadili ulidhihirishwa na ongezeko kubwa la rushwa na ufisadi, uvunjaji wa haki za binadamu, tabia na hulka ya viongozi kushindana kwa kujilimbikizia mali na kutoheshimiana. Mambo haya yaliondoa uzalendo, uadilifu, ufanisi, matumaini na imani ya wananchi kwa mfumo wa uongozi, viongozi wao na Serikali yao.
Ni dhahiri, Tanzania si nchi maskini isipokuwa inabidi ijipange katika matumizi ya rasilimali zake kama maliasili kwa ajili ya maendeleo ya taifa. Wananchi wengi walionyesha wasiwasi kwamba sehemu kubwa ya rasilimali au maliasili ilikuwa inawanufaisha wawekezaji wa kigeni na washirika wao ambao wana hisa na wachache wenye mamlaka ya kiserikali katika maeneo husika. Ni dhahiri uwekezaji huu ni unyonyaji uliopingwa awali na Azimio la Arusha.
Nchi yetu pia ilikabiliwa na inakabiliwa na changamoto za ukuaji wa uchumi usiogawanyika kwa usawa kunufaisha wananchi wote (equity). Wachache wananufaika na hivyo pengo kati ya maskini na tajiri linaongezeka. Tunashuhudia pia utajiri wa maliasili uliporwa kutokana na kushamiri kwa ufisadi na rushwa, kukosekana kwa uwajibikaji wa kisiasa na kiutawala na kuwepo kwa mkanganyiko katika asasi za utawala. Uwezo wetu wa kujiletea maendeleo tunayotaka ulikuwa ni mdogo. Nchi yetu ilibaki ni tegemezi kwa wahisani na wawekezaji kutoka nje.
Kulikuwepo na wimbi la vijana kuhamia mijini kwa matumaini ya kupata maisha bora, lakini wengi wao waliishia kuwa vibaka na wengine kuwa watumiaji wa dawa za kulevya. Idadi ya wasichana wanaojiuza mitaani iliongezeka. Haki za binadamu na za jamii hazikupewi kipaumbele na uzito wa matukio ya mauaji ya albino na hatua zisizoridhisha zilizochukuliwa na serikali ni mfano ambao ulioonyesha jinsi serikali ambavyo haikuwa makini hata kusababisha wananchi kukata tamaa. Aidha, haki za wageni zililindwa na kuheshimiwa kuliko za wenyeji. Wageni walitetewa kama wavunaji halali wa maliasili, lakini wenyeji wao ni wavuvi haramu, wawindaji haramu, na wavamizi wa maeneo yenye madini.
Changamoto nyingine kubwa ilikuwa ni kuongezeka kwa migongano ya mara kwa mara kati ya Serikali, Bunge na Mahakama. Mfano halisi ni pale ambapo Bunge lilishindwa kuisimamia Serikali kikamilifu kwa wabunge wa chama tawala kushinikizwa wakubaliane nayo au waitetee, hata ambapo ilikuwa na makosa katika utekelezaji wa shughuli zake. Ni dhajiri nchi yetu ilihitji mabadiliko.
Kwa muhtasari, wakati wa Mwalimu Nyerere nchi yetu ilikuwa maskini, lakini yenye upeo, mwelekeo na uwezo wa kisiasa ambao uliwashangaza wengi. Ilichukua msimamo thabiti kujenga ujamaa na kujitegemea, kuunga mkono na kushiriki katika mapambano ya ukombozi kusini mwa Afrika na kupinga siasa za udhalimu popote ulimwenguni. Nchi yetu pia ilijiamini kwa matamko, vitendo na kisiasa. Wakati huo kulikuwa na mwamko mkubwa ndani ya wananchi juu ya kufanya kazi ili kujitegemea na kuinua hali ya maisha yao. Kuanzia zama za rais Mwinyi hadi sasa nchi yetu imeendelea kuwa maskini na imezama kwenye utegemezi badala ya kupambana kwa dhati kuinua hali ya maisha ya wananchi. Ni Tanzania yenye tabaka zinazozidiana mali na kipato. Ni Tanzania iliyogubikwa na rushwa na ufisadi mkubwa. Ni Tanzania ilikuwa na ombwe la uongozi.
Kutokana na changamoto hizi, nchi yetu ilihitaji sana uongozi imara wa chama tawala, unaoweza kutoa mwelekeo wa taifa kwa ujumla.
Watanzania wasomi, wanasiasa, wanaharakati na wengine wengi walilalamikia ombwe (vacuum) la uongozi. Hili ni tatizo kubwa. Katika kitabu cha Uongozi wetu na hatma ya Tanzania, Nyerere alisema hulka huchukia ombwe (nature abhors a vacuum). Hata siasa huchukia ombwe. Kama uongozi ni mbovu, upoupo, au upo kama haupo, au upo kwa maslahi ya fulanifulani tu, watatokea watu waujaze uwazi uliopo. Hauwezi kuachwa hivihivi. Uongozi mbovu ni kama mzoga. Una hali ya kukaribisha fisi na mainzi. Tusidhani kuwa hulka ya siasa yetu ni tofauti na hulka ya siasa za watu wengine. Watu hawatakubali kuvumilia uongozi mbovu kwani wakifanya hivyo, wanajua fika watavuna “matunda ya uongozi mbovu.”
Nchi yetu ilikuwa imefikisha miaka 19 tangu iingie katika mfumo wa vyama vingi. Ni kweli kulikuwepo na vyama vya upinzani vyenye wanachama uzalendo na wenye hamu ya kuona mafanikio kwenye taifa letu, lakini vingi katika hivyo bado mpaka wakati huo havikuweza kuonyesha uwezo wa kushika madaraka na kuwa chama tawala mbadala. Demokrasia na mwenendo wa baadhi ya vyama vya siasa na ndani ya baadhi ya vyama vyenyewe imekatisha tamaa Watanzania.
Wakati wa kampeni za uchaguzi mkuu mwaka 2015 ajenda ya kutaka mabadiliko ilikuwa ni moja ya ajenda kuu kwenye vyama vya upinzani na chama tawala. Nyerere aliwaasa watanzania na hasa alikitahadharisha chama tawala kwamba, “Watanzania wanataka mabadiliko, wasipoyaona wasipoyapata ndani ya CCM watayatafuta nje ya CCM”. Chama tawala CCM kiliichukulia suala la mabadiliko kwa umakini sana. Katibu Mkuu wa CCM alizunguka nchi nzima akiwaeleza watanzania mabadiliko yaliyohitajika. Kwa kifupi alikifufua Chama cha Mapinduzi na watanzania wakakiamini tena. Lakini pia CCM ilichukua hatua ya kuwaondoa waliotuhumiwa kwa ufisadi na kutoa rushwa kwenye kura za maoni ndani ya CCM. Harufu ya ufisadi na rushwa ndani ya CCM ikawa imepungua, kwani mtakumbuka wagombea wengi walikuwa wanapita kwenye makanisa na misikiti wakitoa rushwa. CCM ikawaondoa kwenye kugombea urais.
Wakati CCM imechukua hatua hizi, Chadema na UKAWA wakawa na mabadiliko ya kuzungusha mikono lakini ndani ya mioyo yao hawakutaka mabadiliko. UKAWA na Chadema waliokuwa na madai ya muda mrefu kwamba wanao ushahidi wa wale waliotuhumiwa ufisadi wakawakaribisha kwenye chama na kuwapa heshima ya kugombea nafasi za juu, ajenda ya udfisadi ikafa.
Tarehe 25 Oktoba watanzania wakatoa maamuzi, Mabadiliko Bado yatapatikana Ndani ya CCM na siyo Nje ya CCM.
Kutokana na mabadiliko ya uongozi yaliyotokea chini ya uongozi wa Rais John Pombe Magufuli watanzania wengi wamepata matumaini makubwai. Yale ambayo niliyapigania na kuyapigia kelele kwa wakati huo hadi kuhama CCM, kwa sasa chini ya uongozi wa Rais Magufuli yanatekelezwa. Ndiyo sababu ya msingi ya uwaomba watanzania wamuunge mkono Rais Magufuli na serikali yake.
Kwa muda mfupi wa JPM, serikali imeonyesha kuchukua hatua madhubuti kukabiliana na changamoto nyingi:
Je ni yapi yatufanye tuandamane kuipinga serikali Wakati kuna mabadiliko makubwa na dhahiri?
Je ni nini kinawaudhi, JPM kuchukua hatua dhidi ya ufisadi bandarini uliokuwa uapoteza mabilioni ya fedha ?
Je ni udikteta kupiga vita uzembe na kutumia madaraka vibaya kwa viongozi mfano kujilipa mishahara 17 mtu mmoja?
Je ni ni kinawaudhi, kuchuku htua dhidi ya watumishi hewa serikalini na kwenye hlmashauri zetu ?
Je tuandamane kupinga kuboreshwa kwa huduma kwenye hospitali zetu ?
Je tuandamane kupinga kuletwa kwa ndege kwenye ATC ?
Je tuandamane kwa ajili ya hatua zilizochukuliwa kwa watoto kupata madawati mashuleni ?
Je tuandamane kwa hatua ya serikali kuchukua hatua ya kuhakikisha wachimbaji wadogo nao wananufaika na madini, kwa kupewa mchanga ?
Chadema na UKAWA wanadai demokrasia inaminywa. Je kuna demokrasia pana ndani ya Chadema ? au CUF ? Mgombea urais wa Chadema alipatikanaje ? Hiyo ni demokrasia pana ?
Je yaliyotokea CUF ni kielelezo cha demokrasia pana?
Nchi yetu ilipitia misukosuko mikubwa na changamoto nyingi, ni mhimu Kwa watanzania na kuzuia upotoshaji na uchochezi unaofanywa na Chadema.
Wakati wa uongozi wa awamu ya nne kulikuwa na mijadala mingi, mikubwa na midogo kuhusu mustakabali wa nchi yetu. Kulikuwepo na mazungumzo ya muda mrefu kuhusu mwelekeo wa jumla wa taifa letu, maadili ya taifa letu, uchumi wa nchi yetu nakadhalika. Ungesikiliza mazungumzo ya watu wengi wakati huo na ukisoma magazeti yetu, ilikuwa ni dhahili kuwa nchi yetu ilikuwa imekwama. Nchi yetu ilikabiliwa na changamoto nyingi hususan kuporomoka kwa maadili na tunu za taifa, kuongezeka kwa umaskini na tofauti ya kipato baina ya wachache walionacho na wengi wasionacho. Kuibuka kwa mgawanyiko katika misingi ya makundi ya kisiasa na jamii. Kuibuka na kushamiri kwa utamaduni na siasa chafu, malalamiko kuhusu Muungano wetu na mengineyo.
Mmomonyoko wa maadili ulidhihirishwa na ongezeko kubwa la rushwa na ufisadi, uvunjaji wa haki za binadamu, tabia na hulka ya viongozi kushindana kwa kujilimbikizia mali na kutoheshimiana. Mambo haya yaliondoa uzalendo, uadilifu, ufanisi, matumaini na imani ya wananchi kwa mfumo wa uongozi, viongozi wao na Serikali yao.
Ni dhahiri, Tanzania si nchi maskini isipokuwa inabidi ijipange katika matumizi ya rasilimali zake kama maliasili kwa ajili ya maendeleo ya taifa. Wananchi wengi walionyesha wasiwasi kwamba sehemu kubwa ya rasilimali au maliasili ilikuwa inawanufaisha wawekezaji wa kigeni na washirika wao ambao wana hisa na wachache wenye mamlaka ya kiserikali katika maeneo husika. Ni dhahiri uwekezaji huu ni unyonyaji uliopingwa awali na Azimio la Arusha.
Nchi yetu pia ilikabiliwa na inakabiliwa na changamoto za ukuaji wa uchumi usiogawanyika kwa usawa kunufaisha wananchi wote (equity). Wachache wananufaika na hivyo pengo kati ya maskini na tajiri linaongezeka. Tunashuhudia pia utajiri wa maliasili uliporwa kutokana na kushamiri kwa ufisadi na rushwa, kukosekana kwa uwajibikaji wa kisiasa na kiutawala na kuwepo kwa mkanganyiko katika asasi za utawala. Uwezo wetu wa kujiletea maendeleo tunayotaka ulikuwa ni mdogo. Nchi yetu ilibaki ni tegemezi kwa wahisani na wawekezaji kutoka nje.
Kulikuwepo na wimbi la vijana kuhamia mijini kwa matumaini ya kupata maisha bora, lakini wengi wao waliishia kuwa vibaka na wengine kuwa watumiaji wa dawa za kulevya. Idadi ya wasichana wanaojiuza mitaani iliongezeka. Haki za binadamu na za jamii hazikupewi kipaumbele na uzito wa matukio ya mauaji ya albino na hatua zisizoridhisha zilizochukuliwa na serikali ni mfano ambao ulioonyesha jinsi serikali ambavyo haikuwa makini hata kusababisha wananchi kukata tamaa. Aidha, haki za wageni zililindwa na kuheshimiwa kuliko za wenyeji. Wageni walitetewa kama wavunaji halali wa maliasili, lakini wenyeji wao ni wavuvi haramu, wawindaji haramu, na wavamizi wa maeneo yenye madini.
Changamoto nyingine kubwa ilikuwa ni kuongezeka kwa migongano ya mara kwa mara kati ya Serikali, Bunge na Mahakama. Mfano halisi ni pale ambapo Bunge lilishindwa kuisimamia Serikali kikamilifu kwa wabunge wa chama tawala kushinikizwa wakubaliane nayo au waitetee, hata ambapo ilikuwa na makosa katika utekelezaji wa shughuli zake. Ni dhajiri nchi yetu ilihitji mabadiliko.
Kwa muhtasari, wakati wa Mwalimu Nyerere nchi yetu ilikuwa maskini, lakini yenye upeo, mwelekeo na uwezo wa kisiasa ambao uliwashangaza wengi. Ilichukua msimamo thabiti kujenga ujamaa na kujitegemea, kuunga mkono na kushiriki katika mapambano ya ukombozi kusini mwa Afrika na kupinga siasa za udhalimu popote ulimwenguni. Nchi yetu pia ilijiamini kwa matamko, vitendo na kisiasa. Wakati huo kulikuwa na mwamko mkubwa ndani ya wananchi juu ya kufanya kazi ili kujitegemea na kuinua hali ya maisha yao. Kuanzia zama za rais Mwinyi hadi sasa nchi yetu imeendelea kuwa maskini na imezama kwenye utegemezi badala ya kupambana kwa dhati kuinua hali ya maisha ya wananchi. Ni Tanzania yenye tabaka zinazozidiana mali na kipato. Ni Tanzania iliyogubikwa na rushwa na ufisadi mkubwa. Ni Tanzania ilikuwa na ombwe la uongozi.
Kutokana na changamoto hizi, nchi yetu ilihitaji sana uongozi imara wa chama tawala, unaoweza kutoa mwelekeo wa taifa kwa ujumla.
Watanzania wasomi, wanasiasa, wanaharakati na wengine wengi walilalamikia ombwe (vacuum) la uongozi. Hili ni tatizo kubwa. Katika kitabu cha Uongozi wetu na hatma ya Tanzania, Nyerere alisema hulka huchukia ombwe (nature abhors a vacuum). Hata siasa huchukia ombwe. Kama uongozi ni mbovu, upoupo, au upo kama haupo, au upo kwa maslahi ya fulanifulani tu, watatokea watu waujaze uwazi uliopo. Hauwezi kuachwa hivihivi. Uongozi mbovu ni kama mzoga. Una hali ya kukaribisha fisi na mainzi. Tusidhani kuwa hulka ya siasa yetu ni tofauti na hulka ya siasa za watu wengine. Watu hawatakubali kuvumilia uongozi mbovu kwani wakifanya hivyo, wanajua fika watavuna “matunda ya uongozi mbovu.”
Nchi yetu ilikuwa imefikisha miaka 19 tangu iingie katika mfumo wa vyama vingi. Ni kweli kulikuwepo na vyama vya upinzani vyenye wanachama uzalendo na wenye hamu ya kuona mafanikio kwenye taifa letu, lakini vingi katika hivyo bado mpaka wakati huo havikuweza kuonyesha uwezo wa kushika madaraka na kuwa chama tawala mbadala. Demokrasia na mwenendo wa baadhi ya vyama vya siasa na ndani ya baadhi ya vyama vyenyewe imekatisha tamaa Watanzania.
Wakati wa kampeni za uchaguzi mkuu mwaka 2015 ajenda ya kutaka mabadiliko ilikuwa ni moja ya ajenda kuu kwenye vyama vya upinzani na chama tawala. Nyerere aliwaasa watanzania na hasa alikitahadharisha chama tawala kwamba, “Watanzania wanataka mabadiliko, wasipoyaona wasipoyapata ndani ya CCM watayatafuta nje ya CCM”. Chama tawala CCM kiliichukulia suala la mabadiliko kwa umakini sana. Katibu Mkuu wa CCM alizunguka nchi nzima akiwaeleza watanzania mabadiliko yaliyohitajika. Kwa kifupi alikifufua Chama cha Mapinduzi na watanzania wakakiamini tena. Lakini pia CCM ilichukua hatua ya kuwaondoa waliotuhumiwa kwa ufisadi na kutoa rushwa kwenye kura za maoni ndani ya CCM. Harufu ya ufisadi na rushwa ndani ya CCM ikawa imepungua, kwani mtakumbuka wagombea wengi walikuwa wanapita kwenye makanisa na misikiti wakitoa rushwa. CCM ikawaondoa kwenye kugombea urais.
Wakati CCM imechukua hatua hizi, Chadema na UKAWA wakawa na mabadiliko ya kuzungusha mikono lakini ndani ya mioyo yao hawakutaka mabadiliko. UKAWA na Chadema waliokuwa na madai ya muda mrefu kwamba wanao ushahidi wa wale waliotuhumiwa ufisadi wakawakaribisha kwenye chama na kuwapa heshima ya kugombea nafasi za juu, ajenda ya udfisadi ikafa.
Tarehe 25 Oktoba watanzania wakatoa maamuzi, Mabadiliko Bado yatapatikana Ndani ya CCM na siyo Nje ya CCM.
Kutokana na mabadiliko ya uongozi yaliyotokea chini ya uongozi wa Rais John Pombe Magufuli watanzania wengi wamepata matumaini makubwai. Yale ambayo niliyapigania na kuyapigia kelele kwa wakati huo hadi kuhama CCM, kwa sasa chini ya uongozi wa Rais Magufuli yanatekelezwa. Ndiyo sababu ya msingi ya uwaomba watanzania wamuunge mkono Rais Magufuli na serikali yake.
Kwa muda mfupi wa JPM, serikali imeonyesha kuchukua hatua madhubuti kukabiliana na changamoto nyingi:
Je ni yapi yatufanye tuandamane kuipinga serikali Wakati kuna mabadiliko makubwa na dhahiri?
Je ni nini kinawaudhi, JPM kuchukua hatua dhidi ya ufisadi bandarini uliokuwa uapoteza mabilioni ya fedha ?
Je ni udikteta kupiga vita uzembe na kutumia madaraka vibaya kwa viongozi mfano kujilipa mishahara 17 mtu mmoja?
Je ni ni kinawaudhi, kuchuku htua dhidi ya watumishi hewa serikalini na kwenye hlmashauri zetu ?
Je tuandamane kupinga kuboreshwa kwa huduma kwenye hospitali zetu ?
Je tuandamane kupinga kuletwa kwa ndege kwenye ATC ?
Je tuandamane kwa ajili ya hatua zilizochukuliwa kwa watoto kupata madawati mashuleni ?
Je tuandamane kwa hatua ya serikali kuchukua hatua ya kuhakikisha wachimbaji wadogo nao wananufaika na madini, kwa kupewa mchanga ?
Chadema na UKAWA wanadai demokrasia inaminywa. Je kuna demokrasia pana ndani ya Chadema ? au CUF ? Mgombea urais wa Chadema alipatikanaje ? Hiyo ni demokrasia pana ?
Je yaliyotokea CUF ni kielelezo cha demokrasia pana?
Nchi yetu ilipitia misukosuko mikubwa na changamoto nyingi, ni mhimu Kwa watanzania na kuzuia upotoshaji na uchochezi unaofanywa na Chadema.
