Putin: Nchi za Magharibi zina unafiki mkubwa

[Yericko Nyerere]

Rais Vladimir Putin wa Russia leo ameidhinisha ombi la eneo la Crimea kujitenga na Ukraine na kuwa sehemu ya Russia huku akizituhumu nchi za Magharibi kuwa zina unafiki mkubwa katika sera za kimataifa.

Katika hotuba yake iliyojaa hisia za utaifa alioitoa katika kikao cha pamoja cha mabunge mawili ya Russia mjini Moscow katika eneo la Kremlin, Putin amezikosia vikali nchi za Magharibi na kusema zina unafiki mkubwa kwani ziliidhinisha Kosovo kujitenga na Serbia lakini sasa zinataka kuwanyima watu wa Crimea haki sawa na hiyo. Huku akishangiliwa na hadhirina, Putin amesema, 'leo hauwezi ukakitaja kitu ni cheusi na kesho ukasisitiza kuwa ni cheupe.' Rais wa Russia amesema nchi za Magharibi zimevuka 'mstari mwekundu' kuhusu Ukraine. Amesema viongozi wapya waliokuja madarakani Ukraine, baada ya kupinduliwa muitifaki wa Russia, ni wanazi mambo leo wenye chuki kubwa dhidi ya Russia. Putin ameelezea wasiwasi wake kuhusu muungano wa kijeshi wa NATO unaoongozwa na Marekani kuenea hadi mipaka ya Russia. Punde baada ya hotuba yake, Rais Putin amepuuza vitisho vya vikwazo vya nchi za Magharibi na kutia saini mkataba wa kuifanya Crimea kuwa sehemu ya Shirikisho la Russia. Weledi wa mambo wanasema kadhia ya Crimea imeandaa uwanja wa kuzuka vita visivyo vya moja kwa moja kati ya kambi ya Wamagharibi inayoongozwa na Marekani kwa upande mmoja , na Russia kwa upande wa pili.

 

[VITA VYA KAGERA]

Jembe linalinda maslai ya Taifa lake. Ndio inavyotakiwa namna hiyo, SIO KUCHEKA CHEKA NA MAFALA.

 

[IDUNDA]

Jembe linalinda maslai ya Taifa lake. Ndio inavyotakiwa namna hiyo, SIO KUCHEKA CHEKA NA MAFALA.

Russia wanalisha wamagaribi kwa gas. kama urusi akiamua kuwabania mataifa ya magaribi gas au mataifa ya magaribi wakiweka vikwazo vitakavyofanya gas isiuzwe ulaya basi wamagaribi wataamua kutafuta mbadala wa kupata gas (ambayo imesambaa kila nyumba za ulaya), hapo sasa watakuja tz, mozambique, quatar na mataifa mengine. na sisi hapo si ndio tutapata soko? gas yetu itapata soko. vita vya panzi......

 

[msafwa93]

Russia wanalisha wamagaribi kwa gas. kama urusi akiamua kuwabania mataifa ya magaribi gas au mataifa ya magaribi wakiweka vikwazo vitakavyofanya gas isiuzwe ulaya basi wamagaribi wataamua kutafuta mbadala wa kupata gas (ambayo imesambaa kila nyumba za ulaya), hapo sasa watakuja tz, mozambique, quatar na mataifa mengine. na sisi hapo si ndio tutapata soko? gas yetu itapata soko. vita vya panzi......

Akili ndogo hizoo..
Hvi unadhan ulaya wanapenda hayo manynyaso ya russia.!
Wanatamani sana hata kuja tz kufuata gas lakin unajua gharama ya kutoa gesi tz kupeleka ulaya..

 

[Idimi]

Russia wanalisha wamagaribi kwa gas. kama urusi akiamua kuwabania mataifa ya magaribi gas au mataifa ya magaribi wakiweka vikwazo vitakavyofanya gas isiuzwe ulaya basi wamagaribi wataamua kutafuta mbadala wa kupata gas (ambayo imesambaa kila nyumba za ulaya), hapo sasa watakuja tz, mozambique, quatar na mataifa mengine. na sisi hapo si ndio tutapata soko? gas yetu itapata soko. vita vya panzi......

Hilo suala la gesi sio rahisi namna hiyo. Miundombinu ya usafirishaji wa gesi kutoka Urusi kwenda nchi nyingine za Ulaya ambayo tayari imeshajengwa, ni ghali sana, kiasi kwamba kujenga mingine ili kusafirisha gesi kutoka nchi nyingine nje ya Urusi ili kumkomoa Mrusi ni wazo ambalo haliwezi kuwaingia akilini wahafidhina wa Ulaya Magharibi. Sio wote waliokubaliana na wazo la Mmarekani la kuibana Urusi kiuchumi.

 

[JustDoItNow]

Big up PUTIN! Komaa mpaka mwisho. Tushachoka, kila kitu marekani akisema tunafuata. Kumbe kuna mbabe wake. Hao NATO ni mbwa wa marekani. Viuchumi vyake vimeshuka kishenzi.

 

[Kobello]

Rais Vladimir Putin wa Russia leo ameidhinisha ombi la eneo la Crimea kujitenga na Ukraine na kuwa sehemu ya Russia huku akizituhumu nchi za Magharibi kuwa zina unafiki mkubwa katika sera za kimataifa.

Katika hotuba yake iliyojaa hisia za utaifa alioitoa katika kikao cha pamoja cha mabunge mawili ya Russia mjini Moscow katika eneo la Kremlin,

Mkuu Nyerere, maandishi manene na mekundu yanahusika,

Chanzo cha habari hii?

Hilo ni eneo au ni jina la state house (kama ilivyo ikulu)

Hii hotuba ilitolewa lini? ... ninavyojua Crimea imekuwa annexed almost two weeks now.