Ombaomba hawa watafutiwe suluhisho la kudumu.

[fredy mziray]

Ndugu watanzania wenzangu, nasikitika kuwaona ombaomba wengi katika eneo la Ubungo mkoani Dar es salaam na maeneo mengine ya mikoani wakiwa katika maeneo hayo kila siku. pamoja na kuwasaidia fedha kidogo msaada huo hautoshi kuwaondoa pale walipo kutokana na hali zao za kutokuwa na uwezo wa kufanya kazi za kutumia nguvu.

Wakati serikali ya CHAMA CHA MAPINDUZI ikipitisha bajeti zenye kutumia fedha nyingi kwa kulipana posho na mishahara minono kwa watumishi wa ngazi za juu hasa wabunge na mawaziri inatakiwa pia kuwakumbuka walemavu wale wasio na msaada wowote wa kuwafanya waishi kama watanzania wegine kwa kuwaanzishia vituo maalumu ambapo watapata huduma na kutunzwa kwa gharama za serikali.

Naomba ndugu wananchi na wabunge kuweza kuishinikiza serikali ili iweze kulifanyia kazi swala hili kwani hawakupenda kukaa chini na kunyeshewa na mvua wakiomba msaada.

 

[Lokissa]

Mkuu umenena ila hela yote ndo inaishia kwenye kutengeneza kesi zisizokuwa na kichwa, hela zetu za kwenda kuwalipa watu 30m na laki 5 kila mwezi kwa kukubali kuwa shahidi wa kesi isiyokuwepo. Hela zetu zimefichwa Swiss, hela zetu za kuwabeba watu kwenye fuso kwenda kwenye mikutano. Ee Mungu tuokoe ila ccm watajuta siku ya kihama wanawatesa wenzao kwa sababu yao ya kutaka utajiri ambao watakufa na kuucha hapa duniani. Watu maarufu na matajiri waliokuwa wakiishi maisha ya kifalme hakuweza kamwe kutambua kama siku moja watawekwa udongoni na kamwe utajiri na umaarufu wao watauacha hapa duniani. Heri mtu uwe maarufu kwa kuweka mbegu ya amani, upendo na kuwajali watu wake. SIKU YA KIHAMA MTAKWENDA NA SUTI ZENU, MAGARI YENU YA KIFAHARI, NYUMBA ZENU NA MAHOTELI YENU EE MUNGU NJOO HARAKA WANA WAKO WANAANGAMIA!

 

[rugumye]

Mkuu umenena kweli, nenda maeneo ya posta, bibi titi mohamed , Nyerere road na Ally Hassan road, utawakuta watoto wengi sana wakiomba, ukiwauliza wazazi wao wako wapi wanakwambia kuwa wamekaa pembeni, ukiwaona wazazi wao wana nguvu za kufanya kazi, sijui serikali inajua kama inatengeneza vibaka na majambazi wa baadae? tunaiomba serikali ikomeshe swala la omba omba haraka, ni aibu kwa Taifa watu wenye nguvu na akili timamu kuachwa kuisho kwa ombaomba. utamaduni huu unazoeleka na akina baba na mama wenye nguvu zao kutoka Dodoma wanazidi kumiminika jijini. Kwa hili tunamkumbuka Makamba.