WABHEJASANA
JF-Expert Member
- Jun 22, 2011
- 4,225
- 869
HABARI za uhakika zilizonifikia hapa Ofisini kwangu zinasema watu wanaodhaniwa kuwa ni vibaka kutoka katika machimbo ya dhahabu ya Nyangarata na Mwime wilayani Kahama mkoani Shinyanga,ambayo yamekwisha uzalishaji wake,wamemuua askari wa Usalama barabarani;Salum Mtepa mwenye cheo cha Staff Sajenti,kwa kumpiga na kitu kizito kifuani.
Tukio hilo lilitokea nyumbani kwake eneo la Majengo mjini Kahama usiku wa kuamkia jana baada ya watu hao wanaokadiriwa kuwa wanne kufika nyumbani kwake na kuvunja kibanda cha biashara kwa lengo la kuiba ndipo askari huyo alipotoka nje kwenda kupambana nao.
Ilidaiwa baada ya kutoka nje vibaka hao waliokuwa na pikipiki watatu walikimbia akabaki mmoja aliyekuwa na kifaa ambacho hutumiwa na wachimbaji wa dhahabu katika machimbo madogo madogo kwa ajili ya kuvunjia miamba ya mawe ambacho hujulikana kwa jina la Moko.
Kwa mujibu wa taarifa ya Mkuu wa Polisi wilaya ya Kahama;George Simba,askari huyo alipigwa na kifaa hicho kifuani wakati akijaribu kupambana na kibaka huyo,hali iliyopelekea kuvuja damu nyingi ndani ya kifua na kusababisha kifo chake.
Simba alisema hali ya vibaka katika mji wa Kahama ni mbaya kwani wameongezeka kutokana na machimbo ya Nyangarata kujaa maji na Mwime kuisha uzalishaji wake,hali iliyofanya vijana wengi kutoka kwenye maeneo hayo bila kuwa na fedha.
Alisema hivi sasa wimbi la vibaka hao limekuwa tishio huku akiahidi kupambana nao ikiwa ni pamoja na kuwasaka kwa nguvu zote vibaka waliohusika na kifo cha askari huyo wa usalama barabarani,ingawa hadi leo mchana hakuna mtu yeyote aliyekuwa amekamatwa juu ya kuhusika na tukio hilo.
Tukio hilo lilitokea nyumbani kwake eneo la Majengo mjini Kahama usiku wa kuamkia jana baada ya watu hao wanaokadiriwa kuwa wanne kufika nyumbani kwake na kuvunja kibanda cha biashara kwa lengo la kuiba ndipo askari huyo alipotoka nje kwenda kupambana nao.
Ilidaiwa baada ya kutoka nje vibaka hao waliokuwa na pikipiki watatu walikimbia akabaki mmoja aliyekuwa na kifaa ambacho hutumiwa na wachimbaji wa dhahabu katika machimbo madogo madogo kwa ajili ya kuvunjia miamba ya mawe ambacho hujulikana kwa jina la Moko.
Kwa mujibu wa taarifa ya Mkuu wa Polisi wilaya ya Kahama;George Simba,askari huyo alipigwa na kifaa hicho kifuani wakati akijaribu kupambana na kibaka huyo,hali iliyopelekea kuvuja damu nyingi ndani ya kifua na kusababisha kifo chake.
Simba alisema hali ya vibaka katika mji wa Kahama ni mbaya kwani wameongezeka kutokana na machimbo ya Nyangarata kujaa maji na Mwime kuisha uzalishaji wake,hali iliyofanya vijana wengi kutoka kwenye maeneo hayo bila kuwa na fedha.
Alisema hivi sasa wimbi la vibaka hao limekuwa tishio huku akiahidi kupambana nao ikiwa ni pamoja na kuwasaka kwa nguvu zote vibaka waliohusika na kifo cha askari huyo wa usalama barabarani,ingawa hadi leo mchana hakuna mtu yeyote aliyekuwa amekamatwa juu ya kuhusika na tukio hilo.
