Ivan Prosper
Senior Member
- Nov 28, 2016
- 150
- 94
Naandika mkasa huu nikiwa na huzuni nyingi. Kitu kilichonitokea mwenzenu katika kipindi cha miezi minane iliyopita, nisingependa kimtokee hata adui yangu mkubwa kuliko wote. Huenda kwa baadhi yenu, hiki chaweza kuwa kichekesho cha kuwavunja mbavu, na mkaona ni masikhara tu. Lakini Mwenyezi Mungu tu ndiye anayejua yaliyonikuta mwenzenu! Nitasimulia mkasa huu ambao ni wa kweli tena kweli kabisa.
Mimi ni Mpakistan. Ninaishi pamoja na mama na kakaangu. Baba alifariki dunia muda mrefu nyuma. Hivi sasa nina miaka 28. Nilipokuwa na umri wa miaka 26, mara nyingi, nilikuwa nikiota ndoto kuwa nafanya tendo la kujamiiana na wanawake mbalimbali. Wanawake hao walikuwa wazuri na warembo kwelikweli. Nilipozinduka usingizini, nikajihisi kuridhishwa na nguo zangu zilichafuka!
Mwanzo nilidhani ni tamaa tu ya mwili kufanya jimai. Lakini baadae nikaona si bure! Ndoto hizi za usiku zilikuwa na jambo ambalo si la kawaida! Hata hivyo, sikuzitilia maanani sana. Na pilikapilika zangu za maisha mchana zikanisahaulisha jambo hilo.
Nikazungumza na rafiki zangu kuhusu jambo hilo nao wakabaki kunitania tu. Utani wao pamoja na kunicheka kukanifanya nisite kuzungumza jambo hilo na mtu mwingine yeyote yule. Mwaka jana nilifunga ndoa na binti wa binamu yake mama. Lakini kabla ya ndoa kufanyika, nilikutana na mwanamke mmoja bafuni. Alikuwa ni mwanamke wa kawaida kihaiba na alivaa nguo nyeusi.
Alikuwa na uso wa bashasha. Miguu yake ilikuwa mikubwa sana na yote imepinda; haifanani na ya binadamu. Nikapiga yowe, “mamaaa!” Na papo hapo nikazirai. Ndugu zangu wakaja mbio-mbio kuniokoa.
Nilipopata fahamu, nikawafahamisha kilichotokea. Mama akaniambia niswali na nilete dhikri. Nikafanya hivyo na kupata nafuu. Baada ya kufunga ndoa, ndipo ilipokuja siku ngumu zaidi. Furaha ya ndoa ikanisahaulisha kila kitu. Usiku wa kwanza wa fungate, mke wangu akawa na tabia ambayo sikuitarajia kabisa.
Akawa jeuri na akanisukuma kila nilivyotaka kumkaribia. Nikafadhaishwa na jambo hilo, na nikamuhadithia mama. Mama akazungumza na mke wangu. Lakini jambo la kushangaza, mke wangu akasema kuwa yeye hakujua kabisa kama amenifanyia jambo hilo usiku. Kila nilivyotia nia ya kumuingilia mke wangu, kikatokea kitu kisichokuwa cha kawaida. Mambo yakaanza kuwa mabaya. Mimi na mke wangu tukawa tunasikia kelele kwelikweli zilizokuwa zinatokea bafuni.
Pia tukawa tunamsikia mwanamke akicheka kwa sauti kali nje ya dirisha la chumba chetu cha kulala. Zaidi ya hivyo, kila nilipotaka kumuingilia mke wangu, nikawa naona sura za kutisha mbele ya macho yangu na zaidi nikasikia mayowe (kelele za kunizomea).
Mimi na mke wangu sasa tukawa tunaogopa kiasi kwamba tulitoka nduki chumbani kwetu na kukimbilia chumbani kwa mama. Tukaenda kulala pamoja na mama chumbani kwake. Mama naye akaingiwa na woga. Mimi na mke wangu tukaanza kuswali Swala tano. Tukasoma Qur’an muda wote na kuleta dhikri. Tukajitahidi kwa kila hali lakini wapi hatukuweza kuepukana na Jini huyo.
Tulikwenda kwa watu mbalimbali ambao walitushauri tufanye mambo ya ajabu ajabu! Mathalani, walitwambia tuchome mafuta fulani usiku wa manane.
Mtu mmoja akatupatia kipande cha karatasi kilichokuwa na maandishi ya ajabu-ajabu. Mwingine akatwambia angekuja nyumbani kwetu kufanya jambo fulani ambalo lingesafisha kila kitu.
Akataka tumpe pesa nyingi (40, 000 ya Kipakistani). Kila tulichoshauriwa, hatukukubaliana nacho. Yote tuliyoambiwa yalikuwa kinyume na Uislamu na tukawa na shaka nayo. Miezi minane ikapita bila ya mimi na mke wangu kuingiliana. Kimaumbile, mimi ni mzima kabisa, na kiafya ni mzima. Sasa mke wangu amenikimbia na anataka talaka yake. Ndugu wa mke wangu na wazazi wake wananisema vibaya kwamba mimi sina nguvu za kiume (jogoo hapandi mtungi). Kijamii, inaniumiza sana. Maisha yangu ya ndoa ndio basi tena yameharibika. Maneno ambayo yanasemwa dhidi yangu, hakuna mwanaume anayeweza kuyavumilia!
Inatia uchungu kusema, lakini Shetani kafaulu kunivunjia ndoa. Hata hivyo, nilichobakia nacho ni Imani yangu. Naamini kabisa hili ni jambo la muda, linapita tu. Nataka kuoa tena lakini nahitaji tiba. Nahitaji msaada. Nitawezaje kuondokana na kadhia hiyo moja kwa moja?
Mimi ni Mpakistan. Ninaishi pamoja na mama na kakaangu. Baba alifariki dunia muda mrefu nyuma. Hivi sasa nina miaka 28. Nilipokuwa na umri wa miaka 26, mara nyingi, nilikuwa nikiota ndoto kuwa nafanya tendo la kujamiiana na wanawake mbalimbali. Wanawake hao walikuwa wazuri na warembo kwelikweli. Nilipozinduka usingizini, nikajihisi kuridhishwa na nguo zangu zilichafuka!
Mwanzo nilidhani ni tamaa tu ya mwili kufanya jimai. Lakini baadae nikaona si bure! Ndoto hizi za usiku zilikuwa na jambo ambalo si la kawaida! Hata hivyo, sikuzitilia maanani sana. Na pilikapilika zangu za maisha mchana zikanisahaulisha jambo hilo.
Nikazungumza na rafiki zangu kuhusu jambo hilo nao wakabaki kunitania tu. Utani wao pamoja na kunicheka kukanifanya nisite kuzungumza jambo hilo na mtu mwingine yeyote yule. Mwaka jana nilifunga ndoa na binti wa binamu yake mama. Lakini kabla ya ndoa kufanyika, nilikutana na mwanamke mmoja bafuni. Alikuwa ni mwanamke wa kawaida kihaiba na alivaa nguo nyeusi.
Alikuwa na uso wa bashasha. Miguu yake ilikuwa mikubwa sana na yote imepinda; haifanani na ya binadamu. Nikapiga yowe, “mamaaa!” Na papo hapo nikazirai. Ndugu zangu wakaja mbio-mbio kuniokoa.
Nilipopata fahamu, nikawafahamisha kilichotokea. Mama akaniambia niswali na nilete dhikri. Nikafanya hivyo na kupata nafuu. Baada ya kufunga ndoa, ndipo ilipokuja siku ngumu zaidi. Furaha ya ndoa ikanisahaulisha kila kitu. Usiku wa kwanza wa fungate, mke wangu akawa na tabia ambayo sikuitarajia kabisa.
Akawa jeuri na akanisukuma kila nilivyotaka kumkaribia. Nikafadhaishwa na jambo hilo, na nikamuhadithia mama. Mama akazungumza na mke wangu. Lakini jambo la kushangaza, mke wangu akasema kuwa yeye hakujua kabisa kama amenifanyia jambo hilo usiku. Kila nilivyotia nia ya kumuingilia mke wangu, kikatokea kitu kisichokuwa cha kawaida. Mambo yakaanza kuwa mabaya. Mimi na mke wangu tukawa tunasikia kelele kwelikweli zilizokuwa zinatokea bafuni.
Pia tukawa tunamsikia mwanamke akicheka kwa sauti kali nje ya dirisha la chumba chetu cha kulala. Zaidi ya hivyo, kila nilipotaka kumuingilia mke wangu, nikawa naona sura za kutisha mbele ya macho yangu na zaidi nikasikia mayowe (kelele za kunizomea).
Mimi na mke wangu sasa tukawa tunaogopa kiasi kwamba tulitoka nduki chumbani kwetu na kukimbilia chumbani kwa mama. Tukaenda kulala pamoja na mama chumbani kwake. Mama naye akaingiwa na woga. Mimi na mke wangu tukaanza kuswali Swala tano. Tukasoma Qur’an muda wote na kuleta dhikri. Tukajitahidi kwa kila hali lakini wapi hatukuweza kuepukana na Jini huyo.
Tulikwenda kwa watu mbalimbali ambao walitushauri tufanye mambo ya ajabu ajabu! Mathalani, walitwambia tuchome mafuta fulani usiku wa manane.
Mtu mmoja akatupatia kipande cha karatasi kilichokuwa na maandishi ya ajabu-ajabu. Mwingine akatwambia angekuja nyumbani kwetu kufanya jambo fulani ambalo lingesafisha kila kitu.
Akataka tumpe pesa nyingi (40, 000 ya Kipakistani). Kila tulichoshauriwa, hatukukubaliana nacho. Yote tuliyoambiwa yalikuwa kinyume na Uislamu na tukawa na shaka nayo. Miezi minane ikapita bila ya mimi na mke wangu kuingiliana. Kimaumbile, mimi ni mzima kabisa, na kiafya ni mzima. Sasa mke wangu amenikimbia na anataka talaka yake. Ndugu wa mke wangu na wazazi wake wananisema vibaya kwamba mimi sina nguvu za kiume (jogoo hapandi mtungi). Kijamii, inaniumiza sana. Maisha yangu ya ndoa ndio basi tena yameharibika. Maneno ambayo yanasemwa dhidi yangu, hakuna mwanaume anayeweza kuyavumilia!
Inatia uchungu kusema, lakini Shetani kafaulu kunivunjia ndoa. Hata hivyo, nilichobakia nacho ni Imani yangu. Naamini kabisa hili ni jambo la muda, linapita tu. Nataka kuoa tena lakini nahitaji tiba. Nahitaji msaada. Nitawezaje kuondokana na kadhia hiyo moja kwa moja?
