ABC ZA 2025
JF-Expert Member
- May 2, 2018
- 1,381
- 869
View: https://www.youtube.com/live/MtR5KcFyDDI?si=5zzGKudxe0sJLzjx
KAFULILA ANATOA MHADHARA MZUMBE, AKISISITIZA KUREJEA KWA MIJADALA YA UMMA
MOROGORO: Mkurugenzi Mtendaji wa Kituo cha Ubia kati ya Sekta ya Umma na Sekta Binafsi (PPPC), David Kafulila, leo anatoa mhadhara wa umma katika Chuo Kikuu cha Mzumbe, akisisitiza umuhimu wa kurejesha utamaduni wa mijadala ya umma kama sehemu ya kujenga sera bora na kuharakisha maendeleo ya Taifa.
Kafulila anaeleza kuwa mihadhara ya umma inayoshirikisha wasomi, wataalamu, wanafunzi na wananchi inachangia kukuza mijadala yenye hoja, kuimarisha uwajibikaji na kusaidia Serikali kufanya maamuzi yanayozingatia ushahidi na tafiti.
Anasisitiza kuwa mataifa mengi yaliyopiga hatua yanaendeleza utamaduni wa mijadala ya umma kupitia vyuo vikuu na taasisi za utafiti, hali inayochochea ubunifu, maendeleo ya kisera na ukuaji wa uchumi.
Katika mhadhara huo, Kafulila pia anafafanua nafasi ya Ubia kati ya Sekta ya Umma na Sekta Binafsi (PPP), akieleza kuwa mfumo huo unaendelea kuwa nyenzo muhimu ya kuvutia uwekezaji, kuboresha miundombinu na kuongeza ufanisi wa utoaji wa huduma za umma, hatua zinazochangia utekelezaji wa Mpango wa Nne wa Maendeleo pamoja na Dira ya Taifa ya Maendeleo 2050.
Mhadhara huo unafanyika katika Ukumbi wa Samora, Chuo Kikuu cha Mzumbe, ukiwakutanisha viongozi wa Serikali, wataalamu, wanafunzi na wananchi kujadili nafasi ya mijadala ya umma na PPP katika safari ya maendeleo ya Tanzania.
