Mzee wa Upako: CCM wanamuogopa Lowassa

[Salary Slip]

Asema uchaguzi umekwisha.

Awashangaa CCM kumpiga vijembe.

Asema wanamuogopa na ni tishio kwa CCM

Chanzo: TanzaniaDaima

Maelezo zaidi kutoka mtandao wa Udaku special:

Mchungaji wa Kanisa la Maombezi (GRC) la Ubungo jijini Dar es Salaam, Anthony Lusekelo maarufu ‘Mzee wa Upako’ amesema kitendo cha viongozi wa CCM kulitaja zaidi jina la Edward Lowassa katika Mkutano Mkuu Maalumu wa chama hicho ni ishara kuwa Waziri Mkuu huyo wa zamani ni tishio.

“Nani! Lowassa…. jina lake kutajwa sana katika vikao vya CCM. Hiyo inaashiria kuwa ni mtu tishio. Ndiyo ni tishio,” alisema Lusekelo jana katika mkutano wake na waandishi wa habari jijini Dar es Salaam.

Lusekelo ambaye hivi karibuni, Rais John Magufuli alishiriki ibada katika kanisa lake, alimzungumzia Lowassa baada ya kuulizwa swali juu ya mtazamo wake kuhusu Mkutano Maalumu wa CCM ambao jina la mgombea huyo wa urais kupitia Chadema na Ukawa lilitajwa na makada wengi wa chama hicho tawala.

Alisema hilo lilidhihirika hata katika mchakato wa CCM kupata mgombea wake wa urais, kutokana na Lowassa kuungwa mkono kwa kiasi kikubwa.

Alisema kitendo cha Waziri Mkuu huyo wa zamani kuzua mjadala katika Mkutano Mkuu wa chama hicho tawala sambamba na wimbi la makada wanaohama vyama vyao, si mambo yanayopaswa kuwa mjadala kwa sababu uchaguzi ulishapita.

Huku akisema: “Sizungumzi haya kwa ajili ya kujipendekeza, sihitaji ukuu wa wilaya,” Lusekelo aliwataka viongozi kukataa kuendeleza uhasama wa kisiasa na chuki kwa maelezo kuwa mwaka huu uwe maalumu kuzika tofauti hizo, kufanya kazi kulijenga Taifa na kuhubiri amani na umoja.

Katika mkutano huo, Lusekelo alipongeza kuimarika kwa vyama vya upinzani akaponda mvutano ulioibuka bungeni akisema kukosa uzoefu kwa Naibu Spika, Dk Tulia Ackson kulichangia huku akiunga mkono kauli ya Rais kuzuia shughuli za siasa na kubainisha jinsi Rasimu ya Katiba ya Tume ya Jaji Joseph Warioba, ilivyopendekeza kupunguzwa kwa madaraka ya Rais.

Jumamosi iliyopita, katika Mkutano Mkuu wa CCM mjini Dodoma, uliomalizika kwa Rais Magufuli kuchaguliwa kuwa mwenyekiti, mzimu wa Lowassa ulitawala kutokana na kila aliyepewa nafasi ya kuzungumza ama kumtaja kwa jina au kwa mafumbo.

Mwenyekiti wa CCM aliyemaliza muda wake, Jakaya Kikwete ndiye aliyeanza kuzungumzia hali ya mchakato wa chama hicho kupata mgombea wake wa urais, kuwa ulikuwa mgumu na majaribu makubwa na kwamba wazee walifanya kazi kunusuru hali hiyo.

Katika mchakato huo, CCM ilikata jina la Lowassa katika hatua za awali, jambo lililosababisha kiongozi huyo kuhama na kundi la wanaCCM na kujiunga na Chadema ambayo ilimteua kuwa mgombea wake wa urais.

Hata hivyo, katika mkutano wake wa jana, Lusekelo alisema katika mchakato wa chama hicho tawala kupata mgombea wake wa urais kulikuwa na watu wenye majina makubwa, akiwamo Lowassa na aliyekuwa Waziri wa Mambo ya Nje, Bernard Membe.

“Niliwaambia CCM, Membe huwezi kumpuuza, Lowassa naye huwezi kumpuuza maana wanataka madaraka na kwa vyovyote lazima mtapata mtikisiko. Nikawaomba waahirishe suala la kupata Katiba Mpya maana wasingelimaliza na muda ulikuwa mfupi,” alisema na kuongeza: “Kama mwaka huu hautatumika kutibu majeraha yaliyotokea huko nyuma, tutaharibikiwa sana.”

Alisema mchakato wowote wa uchaguzi na kura ya maoni ndani ya vyama huacha mpasuko na watu hutumia dini na ukabila kubaguana, hivyo lazima baada ya uchaguzi mambo hayo yamalizwe.

“Tunapaswa kukumbuka kuwa wote ni Watanzania tusahau uchaguzi. Sasa ni wakati wa kuijenga nchi. Amani inatengenezwa, na Mungu huwapa hekima maana kujenga ni kazi na kubomoa ni rahisi, huu ni mwaka wa uponyaji na kurejesha Taifa pamoja,” alisema Lusekelo.

Alisema kuanza kubagua watu kwa sababu walitoka CCM kwenda Chadema au kutoka Chadema kwenda chama tawala si jambo sahihi huku akitolea mfano mataifa yaliyovurugika kwa kuendekeza siasa za chuki na uhasama.

Yaliyotokea bungeni
Akizungumza yaliyotokea bungeni na kusababisha wabunge wa Ukawa kususia vikao vya Bunge vilivyoongozwa na Dk Tulia, Lusekelo alisema Mtanzania anayejua historia ya nchi yake hawezi kufumbia macho suala hilo.

“Binafsi nawalaumu waliotoka (wabunge wa upinzani) na waliobaki (wabunge wa CCM). Kushindana si kuzuri. Mbatia (James Mbunge wa Vunjo na Mwenyekiti wa NCCR-Mageuzi) na wenzake wanapaswa kujua kuwa naibu spika ni mchanga katika siasa waende naye taratibu maana kapewa ubunge tu na kuwa naibu spika,” alisema.

Huku akiponda uamuzi wa Serikali kufuta urushwaji wa matangazo ya moja kwa moja ya Bunge alisema: “Nashangaa wazee kama Salim (Ahmed Salim – Waziri Mkuu mstaafu), Pinda (Mizengo – Waziri Mkuu mstaafu) na Warioba. Sijui walishindwa nini kukaa na wabunge hawa ili kumaliza tofauti zao.”

Alisema si jambo jema kuongoza nchi kwa mabavu na kusisitiza kuwa hata uhuru ulipatikana kwa mazungumzo.

Mchungaji huyo aliusifu utawala wa Rais Magufuli kuwa una kasi kubwa na kwamba licha ya wananchi kulia ukata, watacheka baada ya mwaka mmoja huku akiwananga wanaomponda Kikwete kuwa hawajui mazuri aliyoyafanya.

Awapongeza wapinzani
Akizungumzia nguvu ya vyama vya upinzani, Lusekelo alisema ushindani wa kisiasa umekuwa mkubwa kutokana na kuimarika kwa upinzani: “Chadema ya sasa si ile ya miaka ya 1990. Wanaongoza miji mikubwa na ukiona chama kina wabunge 40 usikipuuze. Hata nguvu ya mfalme ni watu.”

Mikutano ya siasa
Kuhusu kauli ya Rais kusitisha shughuli za siasa hadi mwaka 2020, alisema jambo hilo linaweza kuonekana baya lakini lina unafuu mkubwa, kwamba Kenya wamelifanya na kufanikiwa kumaliza tofauti za kisiasa.

“Hivi watu 10,000 wakiandamana na kusema Magufuli aliiba kura itakuwaje? Tuna askari wa kuwazuia! Nadhani wanasiasa wafanye kazi ya utawala katika vyama vyao. Tutulie kwanza tutibu majeraha. Hakuna jambo baya kama kuwaongoza watu wenye njaa maana hawana la kupoteza,” alisema.

Hata hivyo, Lusekelo alisema Rasimu ya Katiba ilipendekeza Rais kupunguziwa madaraka na huenda madaraka makubwa aliyonayo Rais yakawa sababu ya nchi kuendelea kuwa na amani.

“Kenya kuzuia maandamano ni ngumu sana lakini hapa kwetu hadi Zitto (Kabwe-Kiongozi wa ACT-Wazalendo) alizuiwa kufanya mkutano wa ndani. Kwetu rais ana madaraka makubwa sana,” alisema huku akiwataka polisi kutekeleza wajibu wao vyema, wakikumbuka kuwa nao ni binadamu.

Chanzo:Mtandao wa Udaku special

Nashukuru viongozi wa dini wameanza kusema ukweli na kuwatolea uvivu CCM na hii ni aibu kubwa kwao.

Nashukuru pia habari hii imeripotiwa na magazeti mengi tu(imepewa uzito wa kutosha na magazeti mengi).

 

[Lambardi]

Asaema uchaguzi umekwisha.

Awashangaa CCM kumpiga vijembe.

Ameingia kwenye historia ya dunia.....kutaka kuvunja kabisa chama sababu alikuwa maarufu kuliko chama!! Hawatamsahau maishani mwao!!

 

[kiloriti]

Ccm wakisikia jina la lowassa kitu kinagonga,pamoja na kuahidiwa l'ami bado amewapaka

 

[sifongo]

Kweliiiiiiii.........haiwezekani mkutano mkuu kama ule badala ya kujadili kiichowapleka wao wanakomaa shingo na Edo.........nasisitiza wanamuogopa.

 

[Abuu Kauthar]

Ameingia kwenye historia ya dunia.....kutaka kuvunja kabisa chama cha mang'ombe sababu alikuwa maarufu kuliko chama!! Hawatamsahau maishani mwao!!

Unakuwa maarufu kuliko chama alafu unakatwa kirahisi. By then kama alikuwa maarufu kuliko chama alivyohama kwa nini hakushinda urais na umaarufu wake?

 

[CHAPTER5]

Ni kweli wanamuogopa tumeshuhudia wenywe aidha kwenye mitandao ya kijamii ama kwenye mikutano ya ccm ni lazima walitaje jina la lowassa ili malengo yao yaweze kukamilika.

 

[mizarb]

Ni haki yake ya msingi kikatiba kutoa maoni yake.
Kilichonisikitisha pia katika mkutano ule mkuu ni kukosekana kwa hoja za msingi badala yake ulitumika mda mwingi kufanya personal attacks kwa walioondoka chamani.

 

[MsemajiUkweli]

Kama CCM wangekuwa wanamuogopa Lowassa unadhani wangetumia kalamu ya Bic kulikata jina lake?

Jaribuni basi hata kutumia common sense au ndio yale yale kuwa common sense is not common!

Ni sawa na kufahamu haya ni mavi lakini baada ya kumuona fulani anakula basi na wewe unaanza kula badala ya kujiuliza kwanza kwa nini anakula mavi.

 

[chipaka.com]

Lowassa yule Lowassa Katika historia ya Tanzania ccm hawatamsahau, Lowassa Jembe

 

[SAGAI GALGANO]

CCM wanamgwaya sana huyu mwamba wa kaskazini

 

[SAI-ELECTRICIAN]

Ndo faida yakujiimarisha kabla

 

[Kirikou Wa Kwanza]

Neno siasa linamaana nyingi ikiwemo 'vijembe', hata Lowassa huwa anawapiga 'vijembe' CCM. Sasa ukisema kina fulani wanamuogopa Lowassa utakuwa labda huijui siasa...Wa Tanzania sisi hata vitu vidogo vinatushinda kuchambua, madhara yake ni kuwa tunatumia akili nyingi kujadili mambo ya kipuzi!

 

[TKNL]

Mianya ya ufisadi na wizi serkalini imefungwa kwa hiyo sasa hivi kina Mzee wa Upako hawapati sadaka nyingi Kama zamani.

 

[Lupyeee]

Mafisiemu wanamgwaya sana huyu mwamba wa kaskazini

Mjinga ndio hutulizwa kwa sifa za kijinga.

Unatumia hela zako zote kuhonga then wanakukata then wanakusifia then kwa unajiona una akili sana!!

 

[kiloriti]

Unakuwa maarufu kuliko chama alafu unakatwa kirahisi. By then kama alikuwa maarufu kuliko chama alivyohama kwa nini hakushinda urais na umaarufu wake? Unyumbu ni shiiida

we ndo mwendo kasi kabsa,ashinde Mara mbili?hata mwanao mchanga anatambuwa kilichofanyika peleka akili yako huko

 

[Kimbunga]

Asaema uchaguzi umekwisha.

Awashangaa CCM kumpiga vijembe.

Asema wanamuogopa na ni tishio kwa CCM

Chanzo:TanzaniaDaima

Nashukuru viongozi wa dini wameanza kusema ukweli na kuwatolea uvivu CCM na hii ni aibu kubwa kwao.

Nashukuru pia habari hii imeripotiwa na magazeti mengi tu(imepewa uzito wa kutosha na magazeti mengi).

Ni tishio kwa CCM, kwa hiyo atagombea tena 2020 au ni zamu ya Sumaye?

 

[Job K]

Unakuwa maarufu kuliko chama alafu unakatwa kirahisi. By then kama alikuwa maarufu kuliko chama alivyohama kwa nini hakushinda urais na umaarufu wake? Unyumbu ni shiiida

Wewe nyamaza! Baba zako wenyewe wanajua kabisa hawajashinda ule uchaguzi ndo maana ya kuzuia mikutano! Ombeni sana malaika mkuu Gabrielle asiruhusu tume huru!!!

 

[Kajolijo]

Ni kweli wanamuogopa tumeshuhudia wenywe aidha kwenye mitandao ya kijamii ama kwenye mikutano ya ccm ni lazima walitaje jina la lowassa ili malengo yao yaweze kukamilika.

Wakati wa kampeni na sasahivi Sumaye kila akisimama lazima aweweseke juu ya maguful na CCM, ata mbowe mwenyewe lazima aitaje sana CCM na magufuli, Je hii ni ishara kuwa wanamwogopa Maguful na CCM kama hoja ndio hiyo kua kumuongelea wamemuogopa? Maana aslimia 99 huwa n kuiongelea CCM au viongoz wa CCM licha ya mazuri inayotenda serikali hii...

 

[kiloriti]

Neno siasa linamaana nyingi ikiwemo 'vijembe', hata Lowassa huwa anawapiga 'vijembe' CCM. Sasa ukisema kina fulani wanamuogopa Lowassa utakuwa labda huijui siasa...Wa Tanzania sisi hata vitu vidogo vinatushinda kuchambua, madhara yake ni kuwa tunatumia akili nyingi kujadili mambo ya kipuzi!

kuweka kumbukumbu sawa hakuna mahali lowassa huwa anapiga vijembe,wote humu ni mashahidi lowassa Mara nyingi amekuwa kimya ni matusi mangapi ametukanwa akiwa kwenye kampeni umewahi kuona hata amejibu?

 

[CHAPTER5]

Wakati wa kampeni na sasahivi Sumaye kila akisimama lazima aweweseke juu ya maguful na CCM, ata mbowe mwenyewe lazima aitaje sana CCM na magufuli, Je hii ni ishara kuwa wanamwogopa Maguful na CCM kama hoja ndio hiyo kua kumuongelea wamemuogopa? Maana aslimia 99 huwa n kuiongelea CCM au viongoz wa CCM licha ya mazuri inayotenda serikali hii... Kumbe ukiwa nyumbu ata kufikiri vzr huwezi.

Lete ushahidi juu ya uteteziwako ili tuthibitishe kuwa ukosahihi.