PreGE2025 Mwenyekiti ACT Wazalendo: Mazingira ya uandikishaji wapiga kura wapya Zanzibar yamegubikwa na matumizi makubwa ya vyombo vya dola

[Papaa Mobimba]

Mwenyekiti wa Chama cha ACT-Wazalendo Taifa, Othman Masoud Othman, ameeleza kuwa mchakato wa uandikishaji wapigakura wapya visiwani Zanzibar unakabiliwa na changamoto kubwa, hasa kutokana na matumizi ya nguvu na ushawishi wa vyombo vya dola. Kwa mujibu wake, hali hiyo inaashiria kwamba watawala hawana dhamira ya dhati ya kuhakikisha haki, licha ya maneno yao ya mara kwa mara yanayohamasisha amani.

Akizungumza katika mkutano wa viongozi wa chama uliofanyika katika Ukumbi wa Jimbo la Konde, wilaya ya Micheweni, Othman – ambaye pia ni Makamu wa Kwanza wa Rais Zanzibar – alisema mwenendo wa sasa unaonyesha wazi kuwa mazingira ya kuelekea Uchaguzi Mkuu wa Oktoba 2025 yanatengenezwa kwa njia isiyo ya haki, kwa lengo la kuwakandamiza wananchi kupitia matumizi ya vyombo vya dola.

Licha ya hali hiyo, alisema wanachama na viongozi wa ACT-Wazalendo wameendelea kuonyesha mshikamano na kujitolea kwa ajili ya kusimamia haki. Aliwasisitiza waendelee kushikamana na kutokata tamaa.

“Tuna kila sababu ya kujivunia umoja wetu. Hakuna jambo gumu kama kudai haki, lakini tupo karibu kufikia malengo ya kuona Zanzibar yenye mamlaka kamili,” alisema.

Aliwataka wanachama kudumisha nidhamu na mshikamano, hasa wakati huu wa maandalizi ya uchaguzi, akisisitiza kuwa ushindi unapatikana kupitia umoja na utii kwa kanuni na taratibu za chama. Aidha, alitoa onyo kwa wanachama na viongozi kutokubali kurubuniwa na maneno matamu kutoka kwa baadhi ya viongozi wa serikali, akibainisha kuwa:

“Wanaonekana wapole lakini ‘wanaua watu huku wakiwa na tasbihi mkononi.’”

Othman alisisitiza kuwa huu si wakati wa kuwa watazamaji, bali ni muda wa kuchukua hatua katika kudai haki, hasa kwa wale waliokosa fursa ya kuandikishwa kuwa wapigakura.

Katika mazungumzo hayo, alifichua kuwa viongozi wa upinzani walijaribu njia ya mazungumzo na Rais wa Jamhuri ya Muungano wa Tanzania, Dk. Samia Suluhu Hassan, kwa lengo la kujenga mazingira ya amani ya kweli. Hata hivyo, alisema juhudi hizo hazikupokelewa kwa nia njema.

“Wasidhani hata Polisi wanapenda machafuko. Hata wao wamechoka. Wazanzibari nao wamechoshwa na dhuluma hizi,” alisema kwa kusisitiza, akifananisha hali ya sasa na historia ya ubaguzi wa rangi Afrika Kusini, akionya kuwa mwisho wa ukandamizaji huwa hauna heri.

Kwa upande wake, Naibu Katibu Mkuu wa ACT-Wazalendo Zanzibar, Omar Ali Shehe, alisema kuwa hujuma zinazofanywa na baadhi ya vyombo vya dola zimesababisha zaidi ya watu 770 kushindwa kujiandikisha. Hata hivyo, alibainisha kuwa chama kina mikakati madhubuti kuhakikisha ushindi mkubwa katika uchaguzi ujao licha ya vikwazo hivyo.

 

[MwajabuOmary]

ccm mitano tena

 

[HOLY BLINDFOLD]

"Machungu Yanayochoma Ni Yale Matamtamm"

 

[Adverse Effect]

Othman Masoud anatambua fika abracadabra zitakazofanywa na CCM katika uchaguzi mkuu ujayo. Huo ni mwanzo tu huko mbele hakuna rangi ambayo ACT wazalendo watakosa kuiona.

 

[Mindyou]

Mwenyekiti wa Chama cha ACT-Wazalendo Taifa, Othman Masoud Othman, amesema kuwa mazingira ya uandikishaji wapigakura wapya Zanzibar yamegubikwa na matumizi makubwa ya vyombo vya dola, jambo linalodhihirisha kuwa watawala hawako tayari kutenda haki licha ya kuhubiri amani.

Akizungumza na viongozi wa chama mkoani Micheweni katika Ukumbi wa Jimbo la Konde, Othman ambaye pia ni Makamu wa Kwanza wa Rais Zanzibar, amesema hatua hizo zinaonesha dhahiri kuwa watawala wanaandaa mazingira yasiyo ya haki kuelekea Uchaguzi Mkuu wa Oktoba 2025, kwa kutumia vyombo vya dola kuwadhulumu wananchi.

Amesema licha ya changamoto hizo, wanachama na viongozi wa ACT-Wazalendo wameendelea kushirikiana kusimamia haki, na kuwahimiza kuendelea kudumu katika umoja na kutokata tamaa.

“Tuna kila sababu ya kujivunia umoja wetu. Hakuna jambo gumu kama kudai haki, lakini tupo karibu kufikia malengo ya kuona Zanzibar yenye mamlaka kamili,” amesema.

Amehimiza nidhamu na mshikamano miongoni mwa wanachama, hasa katika kipindi hiki cha kuelekea uchaguzi, akisisitiza kuwa ushindi unahitaji umoja na utii kwa taratibu za chama.

Pia amewataka viongozi na wanachama wasikubali kudanganywa na maneno ya upole kutoka kwa baadhi ya viongozi wenye mamlaka, akisema wengi wao “wanaua watu huku wakiwa na tasbihi mkononi.”

Amesema huu si wakati wa kusubiri, bali ni muda wa kuanza harakati za kupigania haki, hasa kwa wananchi waliokosa nafasi ya kujiandikisha kuwa wapigakura.

Aidha, Othman amefichua juhudi mbalimbali zilizofanywa na viongozi wa upinzani, ikiwemo mazungumzo na Rais wa Jamhuri ya Muungano wa Tanzania, Dk. Samia Suluhu Hassan, kwa lengo la kujenga msingi wa amani ya kweli, lakini anasema juhudi hizo hazikujibiwa kwa nia njema.

“Wasidhani hata Polisi wanapenda machafuko. Hata wao wamechoka. Wazanzibari nao wamechoshwa na dhuluma hizi,” alisisitiza Othman, akitoa mfano wa historia ya ubaguzi nchini Afrika Kusini, akisema mwisho wa ukandamizaji huwa si mzuri.

Awali, Naibu Katibu Mkuu wa ACT-Wazalendo Zanzibar, Omar Ali Shehe, amesema hila za watawala kupitia vyombo vya dola zimewanyima takribani watu 770 haki ya kujiandikisha Zanzibar, lakini licha ya changamoto hizo chama kimejipanga kuhakikisha ushindi mkubwa katika uchaguzi ujao.

Source: Nipashe

 

[Quod Nocet Saepe Docet]

Mwenyekiti wa Chama cha ACT-Wazalendo Taifa, Othman Masoud Othman, amesema kuwa mazingira ya uandikishaji wapigakura wapya Zanzibar yamegubikwa na matumizi makubwa ya vyombo vya dola, jambo linalodhihirisha kuwa watawala hawako tayari kutenda haki licha ya kuhubiri amani.

Akizungumza na viongozi wa chama mkoani Micheweni katika Ukumbi wa Jimbo la Konde, Othman ambaye pia ni Makamu wa Kwanza wa Rais Zanzibar, amesema hatua hizo zinaonesha dhahiri kuwa watawala wanaandaa mazingira yasiyo ya haki kuelekea Uchaguzi Mkuu wa Oktoba 2025, kwa kutumia vyombo vya dola kuwadhulumu wananchi.

Amesema licha ya changamoto hizo, wanachama na viongozi wa ACT-Wazalendo wameendelea kushirikiana kusimamia haki, na kuwahimiza kuendelea kudumu katika umoja na kutokata tamaa.

“Tuna kila sababu ya kujivunia umoja wetu. Hakuna jambo gumu kama kudai haki, lakini tupo karibu kufikia malengo ya kuona Zanzibar yenye mamlaka kamili,” amesema.

Amehimiza nidhamu na mshikamano miongoni mwa wanachama, hasa katika kipindi hiki cha kuelekea uchaguzi, akisisitiza kuwa ushindi unahitaji umoja na utii kwa taratibu za chama.

Pia amewataka viongozi na wanachama wasikubali kudanganywa na maneno ya upole kutoka kwa baadhi ya viongozi wenye mamlaka, akisema wengi wao “wanaua watu huku wakiwa na tasbihi mkononi.”

Amesema huu si wakati wa kusubiri, bali ni muda wa kuanza harakati za kupigania haki, hasa kwa wananchi waliokosa nafasi ya kujiandikisha kuwa wapigakura.

Aidha, Othman amefichua juhudi mbalimbali zilizofanywa na viongozi wa upinzani, ikiwemo mazungumzo na Rais wa Jamhuri ya Muungano wa Tanzania, Dk. Samia Suluhu Hassan, kwa lengo la kujenga msingi wa amani ya kweli, lakini anasema juhudi hizo hazikujibiwa kwa nia njema.

“Wasidhani hata Polisi wanapenda machafuko. Hata wao wamechoka. Wazanzibari nao wamechoshwa na dhuluma hizi,” alisisitiza Othman, akitoa mfano wa historia ya ubaguzi nchini Afrika Kusini, akisema mwisho wa ukandamizaji huwa si mzuri.

Awali, Naibu Katibu Mkuu wa ACT-Wazalendo Zanzibar, Omar Ali Shehe, amesema hila za watawala kupitia vyombo vya dola zimewanyima takribani watu 770 haki ya kujiandikisha Zanzibar, lakini licha ya changamoto hizo chama kimejipanga kuhakikisha ushindi mkubwa katika uchaguzi ujao.

View attachment 3297608​

Source: Nipashe

Aungane na Tundu Lisu katika Operesheni ya No Reforms No Election!