Mwenge wa Uhuru wawasili Singida, kufungua miradi 45 ya Bil 20.1

figganigga

JF-Expert Member
Oct 17, 2010
25,507
55,029
23467f5e0a6a63766ff68ab8963c7b69.jpg

Mbio za mwenge wa uhuru mwaka huu mkoani Singida zilizoanza jana Juni, 27 na zinatarajiwa kufungua, kuzindua, kuweka mawe ya msingi katika miradi 45 mbalimbali ya maendeleo ya wananchi, yenye thamani ya zaidi ya shilingi bilioni 20.1.

Mwenge huo ulioanza mbio zake katika wilaya ya Manyoni mkoani Singida ukitokea mkoani Dodoma, utafungua miradi 14, utazindua nane, mawe ya msingi 13 na utatembela kumi.

Akizungumza kwenye hafla ya makabidhiano ya mwenge huo yaliyofanyika jana kijiji cha Sanza, mkuu wa mkoa wa Singida, Dk. Rehema Nchimbi, alisema kati za fedha hizo, zaidi ya shilingi 6.2 bilioni ni nguvu kazi ya wananchi, halmashauri shilingi bilioni moja, serikali kuu bilioni 13.2 na wahisani shilingi bilioni moja.

Alitaja baadhi ya miradi hiyo ni ya kutoka sekta ya ufugaji, mazingira, maji, afya, elimu, barabara, utawala bora, kilimo, ushirika, biashara, ardhi na programu za mapambano dhidi ya madawa ya kulevya.

Aidha, makabidhianao hayo, yalitumika pia kuzindua dawati la sekta binafsi ambalo litakuwa chini ya uratibu wa maafisa maendeleo ya jamii.

“Dawati litatambua kwa takwimu, mahali, aina ya shughuli na hali ya uzalishaji ili kuhakikisha ushiriki mtambuka unaowajibika ipasavyo ikiwemo kutoa taarifa ya soko la mazao mbalimbali. Lengo ni kurahisisha uwekezaji mkoani kwetu,” alisema Dk. Nchimbi.

Kwa upande wake kiongozi wa mbio za mwenge mwaka huu, Amour Hamad Amour, amesema kuwa amefurahishwa na wilaya ya Manyoni, kuwa mstari wa mbele katika kuhakikisha dhana ya Tanzania ya viwanda imeanza kutekelezwa kwa vitendo.

Alisema mradi wa ushonaji nguo na wa ufugaji nyuki kibiashara una viashiria vya wazi kuwa halmashauri ya Manyoni, itakuwa ya viwanda vidogo, ya kati na hata vikubwa kwa siku za mbeleni.

“Nitumie fursa hii kuwaomba maafisa wa maendeleo ya jamii, wahakikishe vikundi vya wanawake na vijana, wanapatiwa mikopo kutoka asilimia tano ya mapato ya ndani ya halmashauiri ili viweze kupata nguvu ya kuanzisha viwanda vidongo. Msiishie hapo, wapeni na mafunzo mbalimbali ya ufugaji nyuki, kuku na mifugo kibiashara,” alisema Amour na kuongeza.

“Na hawa akina mama waliojiunga kwenye kikundi cha ushonaji, wapewe mafunzo ya kuboresha shughuli zao ziweze kwenda na wakati”.

Mbio za mwenge wa uhuru asubuhi hii leo Juni, 28 zinatarajiwa kuendelea katika halmashauri ya Itigi na kesho Juni 29 utakimbizwa wilaya ya Singida.

Na Nathaniel Limu, Manyoni
 
Kila mwaka Mwenge na wahusika wake huzindua miradi, lakini cha ajabu hatuendelei!!
Mradi gani ulizinduliwa na Mwenge ukaendelea???
Mwenge na Tz yetu.
 
HAKIKA SISI WANAINCHI WA SINGIDA TUNAMSHUKURU SANA RAIS WETU MPENDWA NDUGU JOHN POMBE MAKUFULI KWA KUIKUMBUKA SINGIDA.
HUKO NYUMA MKOA WETU HAUKUPEWA KIPAO MBELE KATIKA MIRADI MIKUBWA YA KITAIFA PAMOJA NA KUWA UKO KATIKA YA MIKOA YOTE YA INCHI HII.
BILA RAIS MAKUFULI, STAND KUU NA BORA YA MABASI KULIKO ZOTE AFRIKA MASHARIKI ISINGEJENGWA KWA HARAKA. SASA IMEKAMILIKA NA ITAFUNGULIWA. NG. LIMU RUSHA STAND HII KWENYE MTANDAO.
BILA RAIS MAKUFULI, MRADI HUU UNGEJENGWA OVYO OVYO TU.
PAMOJA NA MRADI HUU, ZIMEJENGWA BARABARA ZA MJINI ZA KISASA KABISA AMBAZO SIJAWAHI KUZIONA KATIKA MIJI MIKUBWA.
NDUGU N. LIMU, MWANDISHI MAARUFU NA MWADILIFU, KUMBUSHA UWEKEZAJI MUHIMU KATIKA MKOA WETU ILI HADHI YA MKOA WA SINGIDA IENDELEE KUPANDA.
1. UJENZI WA CHUO KIKUU HATA KIMOJA TU
2. VIWANDA VYA KUKAMUA ALIZETI
3. UWANJA WA NDEGE WA KIMATAIFA
 
Back
Top Bottom