kilimasera
JF-Expert Member
- Dec 2, 2009
- 3,068
- 277
SERIKALI imetoa Sh. milioni moja kwa mwanafunzi aliyepigwa risasi na polisi wakati wa vurugu za wanafunzi za kufunga barabara eneo la Mbezi kwa Yusuf Dar es Salaam wakishinikiza kuwekwa matuta na alama za wavuka kwa miguu.
Msaada huo umetolewa jana na Waziri Mambo ya Ndani, Shamsi Vuai Nahodha alipomtembelea mwanafunzi huyo ambaye amelazwa katika kitengo cha watu mahututi katika Hospitali ya Taifa Muhimbili.
Kwa mujibu wa taarifa ya Wizara ya Mambo ya Ndani, mwanafunzi huyo ni wa Shule ya Sekondari Mbezi.
Taarifa hiyo imeeleza kuwa, Nahodha aliwapongeza madaktari hao na kuahidi kwamba Serikali itakuwa tayari kuchangia gharama za matibabu ya mwanafunzi huyo kama itahitajika.
Kwa mujibu wa taarifa hiyo, kabla ya Waziri Nahodha kumtembelea mwanafunzi huyo, alitembelea katika Shule ya Sekondari Mbezi na kuzungumza na walimu na wanafunzi pamoja na kutoa pole kwa wote walioumia katika vurugu hizo.
Taarifa ilifafanua kuwa, akiwa shuleni hapo, Nahodha aliwataka wanafunzi kuepuka kujiingiza katika vitendo vya kuvunja sheria kama walivyofanya kwa kufunga barabara ili kuepusha kukabiliana na vyombo vya dola.
Waziri Nahodha alisema, kumezuka tatizo la baadhi ya wananchi kujichukulia sheria mkononi na kusababisha vyombo vya dola kuingilia kati jambo ambalo ni hatari na kuwataka wananchi kuepuka tabia hiyo.
Hata hivyo, aliwaahidi wanafunzi hao kuwa, Serikali itaweka alama za kuvuka barabara pamoja na kuwasiliana na wataalam kuona uwezekano wa kuweka matuta ingawaje kwa kuanzia itaweka askari wa usalama barabarani ili kulinda usalama wa wanaovuka barabara katika eneo hilo.
Vilevile ilielezwa kuwa, Serikali haitasita kuwafutia leseni madereva wote ambao watakiuka sheria za usalama barabarani na kusababisha maafa kwa raia na mali zao.
Msaada huo umetolewa jana na Waziri Mambo ya Ndani, Shamsi Vuai Nahodha alipomtembelea mwanafunzi huyo ambaye amelazwa katika kitengo cha watu mahututi katika Hospitali ya Taifa Muhimbili.
Kwa mujibu wa taarifa ya Wizara ya Mambo ya Ndani, mwanafunzi huyo ni wa Shule ya Sekondari Mbezi.
Taarifa hiyo imeeleza kuwa, Nahodha aliwapongeza madaktari hao na kuahidi kwamba Serikali itakuwa tayari kuchangia gharama za matibabu ya mwanafunzi huyo kama itahitajika.
Kwa mujibu wa taarifa hiyo, kabla ya Waziri Nahodha kumtembelea mwanafunzi huyo, alitembelea katika Shule ya Sekondari Mbezi na kuzungumza na walimu na wanafunzi pamoja na kutoa pole kwa wote walioumia katika vurugu hizo.
Taarifa ilifafanua kuwa, akiwa shuleni hapo, Nahodha aliwataka wanafunzi kuepuka kujiingiza katika vitendo vya kuvunja sheria kama walivyofanya kwa kufunga barabara ili kuepusha kukabiliana na vyombo vya dola.
Waziri Nahodha alisema, kumezuka tatizo la baadhi ya wananchi kujichukulia sheria mkononi na kusababisha vyombo vya dola kuingilia kati jambo ambalo ni hatari na kuwataka wananchi kuepuka tabia hiyo.
Hata hivyo, aliwaahidi wanafunzi hao kuwa, Serikali itaweka alama za kuvuka barabara pamoja na kuwasiliana na wataalam kuona uwezekano wa kuweka matuta ingawaje kwa kuanzia itaweka askari wa usalama barabarani ili kulinda usalama wa wanaovuka barabara katika eneo hilo.
Vilevile ilielezwa kuwa, Serikali haitasita kuwafutia leseni madereva wote ambao watakiuka sheria za usalama barabarani na kusababisha maafa kwa raia na mali zao.