Mungu kama Mfanyabiashara au Mwekezaji Mahiri

Mungu kama Mfanyabiashara au Mwekezaji Mahiri

Keynez said:
Msituharibie uzi usije ukafungwa kwa sababu zenu. Kama hauamini si ukae kimya upite tu? Mbona hauendi kanisani na kupiga kelele zenu hizo?
Click to expand...
Najua huwezi kunielewa kwakua hao wajanja waliandika kwaajili ya kuzishika akili za watu kama wewe. Nasema tena na nitazidi kusema kuwa hakuna upumbavu wowote unaoitwa mungu na haujawahi kuwepo na hautakuwepo
 
kanali mstaafu said:
Huyo Mungu mnayemsema yupo?
Click to expand...
Ulishawahi kujiuliza kwanini upepo unajulikana upo ilihali hujawahi kuuona?
Ukiona miti inaanguka, nyumba zinaezuliwa etc unajua ni upepo umepita.
Halikadhalika kwa MUNGU.
Mungu yupo kwa hakika kutokana na kazi zake, Nikiona mtu kama wewe najua yuko mwanzilishi wa binadamu na huyo ndiye MUNGU.
 
KATATA said:
Ulishawahi kujiuliza kwanini upepo unajulikana upo ilihali hujawahi kuuona?
Ukiona miti inaanguka, nyumba zinaezuliwa etc unajua ni upepo umepita.
Halikadhalika kwa MUNGU.
Mungu yupo kwa hakika kutokana na kazi zake, Nikiona mtu kama wewe najua yuko mwanzilishi wa binadamu na huyo ndiye MUNGU.
Click to expand...
Upepo upo na tunaweza kuupima. Madhara yake yana uhusiano wa moja kwa moja na hiki kitu kinachoitwa upepo na kani husika tunayoiona baada ya kupima. Je Mungu yupo??
 
Son of Gamba said:
Nimekusoma mkuu, lakini mimi ninachopinga ni maelezo yake kuwa eti MUNGU huwa anawekeza kwa vijana wadogo tu. Hapo ndipo ninapopingana naye. Ukweli ni kwamba MUNGU anaweza kuwekeza kwa mtu yeyote yule kama apendavyo YEYE, iwe ni mtoto mdogo au mzee.
Click to expand...


Ni kweli Mkuu usemacho ni sahihi kabisa. Mungu huwekeza katika kitu chochote si watu pekee hata viumbe wengine. Ulichopaswa ni kumrekebisha na si kumpinga. Nadhani unaelewa tofauti baina ya kurekebisha na kupinga.
 
kanali mstaafu said:
Upepo upo na tunaweza kuupima. Madhara yake yana uhusiano wa moja kwa moja na hiki kitu kinachoitwa upepo na kani husika tunayoiona baada ya kupima. Je Mungu yupo??
Click to expand...
Ukiona gari unajua kuna aliyelitengeneza. Unahisi vitu unavyoviona ambavyo havijatokana na mikono ya mwanadamu vimetengenezwa na nani mkuu?
 
UPDATE:

6. Utafiti - Kupitia utafiti wa Mungu, dunia tunayoijua leo ikaumbwa.

Ukisoma Biblia katika kitabu cha Mwanzo mstari wa kwanza kabisa, kinaonyesha Mungu tayari alishaziumba mbingu na nchi. Unaweza kusema alipoona ukiwa, utupu na giza vimetanda akaona kuna maboresho yanaweza kufanyika na ndiyo kazi aliyoifanya kwa siku sita.

Ukiangalia kila baada ya siku moja, neno linaishia na 'Mungu akaona ya kuwa ni vyema'. Mimi kwa maoni yangu naona kama kwa lugha ya kibiashara, Mungu alikuwa anaenda akiboresha kupitia tafiti. Ndiyo maana hata alipomfanya Adam baadae akaona siyo vyema awe peke yake, ndiyo akampatia Hawa (Biblia kusema haikuwa vema inaonyesha Mungu alikuwa kila akimaliza siku anafanya 'upembuzi yakinifu' au 'assessment'). Baada ya siku sita kuisha akaangalia alipofikia akaona 'bidhaa iko vizuri na iko tayari kuingia sokoni'.

Katika biashara, makampuni mengi duniani, hasa makubwa yanawekeza sana kwenye tafiti. Haya makampuni yana vitengo vya R&D (Research and Development) na wanavipa hela nyingi sana. Hata nchi mbalimbali, mfano Israel ambao ni moja ya nchi zinazoongoza kwa uvumbuzi wa teknologia mpya inajua sana umuhimu wa tafiti. Kupitia tafiti ndiyo bidhaa mpya zinagunduliwa au zile za zamani zinaboreshwa.

Lakini hili halihitaji kubaki tu kwa makampuni makubwa kama Apple au Google. Hata wewe katika biashara yako ndogo usiache kufanya utafiti. Je kuna jambo moja zaidi unaweza kulifanya kuleta wateja wapya? Halafu jaribu hilo jambo uangalie. Ukiona wameongezeka au wale wa zamani wanalipa zaidi, sema ni vyema, iweke kwenye biashara halafu nenda kwenye utafiti unayofuata. Ni hadi hapo utakapoona una 'perfect product' ndiyo upumzike.

7. Fungu la kumi na kubakisha faida iliyobaki kwenye biashara.

Kuna tatizo linatusumbua wengi wafanyabiashara ndogondogo au wale wanaoanza. Nalo ni kujua kiasi gani ule na kiasi gani kibaki kwenye biashara. Wengi hatujiwekei mshahara maalumu, muda wowote unatoa unachotaka, wewe si ndiyo bosi bwana!

Mungu anajua hilo ni kosa kubwa. Aliwaambia Waisrael fungu la kumi ni lake. Yeye wala hataki zaidi wala hataki kuwa anakuja na kujichukulia kama vile chuma ulete! Anajua akitaka zaidi au akichukua bila mpangilio ingawa vyote ni vyake utaumia na biashara itakufa na kesho utashindwa kupeleka hilo fungu la kumi.

Niliwahi kumsikia mfanyabiashara mmoja mkubwa anaitwa Steve Masiyiwa, anayemiliki Kwese TV akisema, hata kama biashara yako ni ndogo, jiwekee mshahara na uwe na nidhamu ya fedha ya biashara. Hata kisheria, biashara ni 'nafsi' inayojitegemea.
 
KATATA said:
Ukiona gari unajua kuna aliyelitengeneza. Unahisi vitu unavyoviona ambavyo havijatokana na mikono ya mwanadamu vimetengenezwa na nani mkuu?
Click to expand...
Sijui aliyevitengeneza. Kwani alivitengeneza nani?? Na huyo aliyevitengeneza alitengenezwa na nani??
 
Nimefurahi sana kwa kusoma hiki ulichokiandika ila sijui kwanini, niseme tu nakushukuru sana na siku zote uandike hivi. Nimeipenda sana ya Mussa aliyowezeshwa kupitia alichonacho tayari, hakuhitaji mkopo wa benki
 
UPDATE:

8. Mungu anaona ushindani wa shetani ni mzuri kwa ajili ya utukufu wake

Wote tunajua Mungu hashindwi kitu na angetaka angemuangamiza shetani toka zamani. Lakini ameamua kumuacha ili tuweze kumjua yeye na ukuu wake.

Katika biadhara ni hivyo hivyo. Hautakiwi kuogopa wala kuchukia wapinzani wako. Ukicheza karata zako vizuri ukaonyesha umahiri wako watu watakuja kwako tu. Ndiyo maana wenye uelewa wanaenda kufungua biashara sehemu ambapo wengine wanafanya biashara hizo hizo. Hii kitu zamani na mimi nilikuwa sielewi na nilikuwa naona si jambo zuri ila baada ya kufunuliwa nimeona ni vizuri kwa biashara yako. Wanachokosea au kusahau wengi ni kutokwenda hatua moja zaidi kutofautisha biashara yako ili watu wakija eneo lile waone utofauti. Hilo wengi hawafanyi.

Upinzani unachangamsha soko. Ndiyo maana ukileta kitu kipya kabisa ambacho watu hawajawahi kukitumia, unaweza kupata tabu sana kufanya biashara hata kama hiyo bidhaa au huduma ni wazo zuri na ina manufaa makubwa kwa jamii. Utatumia nguvu nyingi kuelimisha wakati kama ungekuwa na upinzani ni kama mnagawana gharama.

Hii concept ya ushindani inatumika sana na nchi zilizoendelea. Ndiyo maana 'monopoly' ni kinyume cha sheria kwenye nchi nyingi. Na ndiyo maana concept ya 'contrast' inatumia sana kwenye muziki, filamu, photography na hata siasa.

Miaka fulani iliyopita kuna dada alikuwa anaendesha magazine moja hapa Dar es Salaam (jina limehifadhiwa). Kuna siku tulikaa tunaongea nikamshauri aanzishe lingine au mengine ili kuchangamsha soko kwa sababu mambo ya magazine hayakuwa na soko sana Bongo na nadhani mpaka sasa hivi ni hivyo hivyo. Hakunisikiliza. Sijui lile gazeti liko wapi siku hizi!

Simba siyo Simba bila Yanga! Chanya siyo chanya bila hasi. Wachina wana kitu wanaita yin na yang.

Unahitaji wapinzani wako ili ufanikishe malengo yako!
 
UPDATE:

9. Mungu anatumia rasilimali za wapinzani wake kufundisha wafanyakazi wake.

Hii kitu ndiyo utajua Mungu kweli ni level nyingine kabisa. Mungu ana mtindo wa kutumia rasilimali za wapinzani wake kupanua soko lake. Cha kuchekesha wapinzani wake hawajashtuka mpaka leo lakini Mungu amefanya hivi tena tena na tena na mpaka leo bado anatumia mbinu hii. Kweli Mungu ni 'savvy investor'.

Hii ina faida kubwa tatu.

Kwanza, inamuwezesha Mungu kutotumia rasilimali zake mwenyewe. Mungu ndiyo tafsiri hasa ya mfanyabiashara makini. Wapinzani wake watawekeza kweli kuchukua kile kilicho cha Mungu lakini mwishoni Mungu anarudisha kile kilicho chake tena kikiwa na uzoefu na uelewa zaidi, kwa maana nyingine kikiwa bora zaidi.

Mfano mzuri ni Ayubu. Shetani eti anaenda kwa Mungu na waziwazi anamwambia Mungu amuachie mmoja wa wafanyakazi wake akamtumikie yeye. Hivi shetani anamuonaje Mungu? Mungu akijua nini anaenda kufaidika anamuachia Ayubu achukuliwe. Utaona wakati Ayubu anapitia kipindi kigumu alikuwa hajapitia mambo kama yale kwa hiyo kupitia yale amemuelewa si tu Mungu, bosi wake wa zamani lakini kamuelewa pia shetani, bosi wake mpya. Embu waza ni uzoefu kiasi gani Ayubu alioupata Mungu alipomrudia. Ndiyo maana alienda kupata mali na utajiri zaidi ya aliokuwa nao mwanzo.

Mfano mwingine ni Yesu. Ni rasilimali kiasi gani zilitumika kumsulubu na kumtesa Yesu. Mwisho wa siku Yesu aliweza kumuelewa Mungu Baba yake lakini pia alimuelewa vizuri zaidi adui wa Mungu kwa sababu shetani huyo kwa ujinga wake aliruhusu adui yake apate access ya mafile ya siri sana ya biashara yake ambayo ni KIFO. Embu waza wewe mshindani wako anakupa access ya siri zake zote, mbinu zake, nk. Ndiyo maana baada ya hapo jina la Yesu linashinda kila siku mbele ya shetani.

Pili, kwenye biashara kuna kitu wanaita 'Competitive Intelligence'. Hii ni kufanya utafiti wa kuhusu wapinzani wako, wanafanya nini, mbinu zao za biashara ni zipi, nk. Embu angalia Mungu alivyomtumia Sauli. Siku nyingi Sauli alitumika kuwaua wafuasi wa Yesu. Mungu ni Master Competitive Intelligence Analyst.

Chukua muda kujifunza mbinu wanazotumia wapinzani wako. Hata ukiweza, penyeza mtoto wa mjomba afanye kazi huko ndani kwa muda ikiwezekana apande vyeo kabisa. Akija kutoka huko, mshindano wako atapigwa na butwaa na hataweza kukushika tena. Nchi nyingi zinapopambana na ugaidi na madawa ya kulevya wanatumia mbinu hizi sana. Kuna hata vyama vya siasa wanatumia hii mbinu sana! Hayo tuyaache, nimeona tu nigusie jinsi gani mbinu hii ni pana na yenye ufanisi mkubwa.

Tatu, mfanyakazi wako akifanya kazi kwa mpinzani wako anakuwa na nafasi ya kuiona biashara yako kutokea nje kwa hiyo ataielewa zaidi pale atakaporudi kwako. Wakati Ayubu anapata mapigo yale ya shetani aliweza kumtafakari Mungu na kumjua zaidi kuliko mwanzo. Yale majadiliano na mabishano aliyokuwa anafanya na ndugu zake yalimjenga sana kiuelewa na kumjua Mungu kuliko hapo kabla.

Nadhani kitabu cha Ayubu kuna mafunzo fulani wengi hawajayaelewa. Napanga siku kukichambua kwa uelewa wangu.
 
UPDATE:

10. Mungu anachukia wafanyakazi wakaidi au wakorofi. Hao hana msalia mtume nao!

Mungu ana uvumilivu sana na ni mwenye huruma. Nimeongelea hapo juu jinsi anavyotoa motisha kwa wafanyakazi wake wanaositasita na wasiojiamini. Ila linapokuja kwa mfanyakazi ambaye kwa makusudi anaenda kinyume cha maagizo yake kama vile kutaka kushindana naye, aisee namuonea huruma mtu huyo!

Ukisoma Isaya 45:9, Mungu anasema 'Ole wake ashindanaye na Muumba wake! kigae kimoja katika vigae vya dunia! Je! udongo umwambie yeye aufinyangaye, Unafanya nini...' Adam alipomkosea Mungu na tena kwa ujeuri kabisa anabishana naye badala ya kuomba msamaha, Mungu alimpa adhabu kali sana. Sidhani kama katika Biblia kuna sehemu nyingine Mungu amempa mfanyakazi wake adhabu kama aliyopewa Adam. Yaani ukitaka kujua ni jinsi gani Mungu alikuwa na hasira na Adam, alimfukuza Adam kabla hata hajatafuta mfanyakazi mwingine wa kufanya kazi aliyoiacha, aliona ni bora bustani ifungwe tu na alileta mlinzi kuhakikisha Adam hakanyagi tena!

Kwenye biashara jaribu kuwa na huruma na staha na wafanyakazi wako mfano. Ila ukiwa na mfanyakazi mkaidi anayedharau au kukebehi maagizo yako, huyo fyekea mbali na usimchekee wala kumuonea aibu. Kama mfanyakazi ameonyesha bila shaka ni mtiifu kwako na ameshafanya kazi yako kwa muda mrefu bila matatizo, ikitokea mmetofautiana kwa jambo fulani, huyo msikilize, anaweza kuwa na jambo jema la kukwambia. Unaona jinsi Mungu alivyoshauriana na Musa pale Mungu alipotaka kuwamaliza wana wa Israel aanze upya. Mungu alimuheshimu sana Musa. Hata wakati wa Sodoma na Gomora, Mungu alishauriana na Abraham ingawa kwa hili la Sodoma Mungu hakuukubali ushauri wa Abraham. Lakini Abraham alitoa ushauri kwa heshima bila kebehi wala dharau.
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register