kilimasera
JF-Expert Member
- Dec 2, 2009
- 3,068
- 277
WANAUME wa kisiwa cha Goziba wilayani Muleba mkoani Kagera ambao hawajatahiriwa wametakiwa kujiandaa kushiriki uzinduzi wa tohara kwa wanaume Januari 22.
Taarifa iliyotolewa jana na Ubalozi wa Marekani nchini, ilisema uzinduzi huo ni wa aina yake na utafanywa katika maeneo ya vijijini na watu wanaotarajiwa kuhudumiwa ni zaidi ya 3,500 katika miezi kadhaa ijayo.
Tohara hiyo na huduma mbalimbali zinazohusu virusi vya Ukimwi zitatolewa bure visiwani humo ambako mahema yatasimikwa kutoka Serikali ya Marekani.
Kampeni hiyo inakwenda pamoja na kanuni za msingi, kwamba tohara kwa wanaume ni sehemu ya kinga dhidi ya maambukizi ya Ukimwi na ilishathibitishwa katika maeneo ambako kuna maambukizi makubwa ya ugonjwa huo na idadi ya waliotahiriwa iko chini.
Visiwa hivyo vilivyoko ndani ya Ziwa Victoria, vinatambulika kwa kuwa na kiwango cha juu cha vitendo vya ngono kutokana na asili ya biashara ifanyikayo hapo ya uvuvi wa samaki ambayo inamlazimu mvuvi kusafiri huku na huko.
Hali hiyo inaendana na kiwango cha juu cha maambukizi ya Ukimwi kwa asilimia 20 huku idadi ya wasiotahiriwa ikiwa ni asilimia 30.
Mpango wa tohara kwa wanaume kwa ajili ya kuzuia maambukizi ya virusi vya Ukimwi unafadhiliwa na Mpango wa Dharura wa Rais kwa ajili ya Kupambana na Ukimwi (Pepfar) kupitia Vituo vya Marekani vya Kudhibiti na Kuzuia Magonjwa (CDC) na kupitia pia Mipango ya Tiba, Huduma kwa Wagonjwa wa Ukimwi ya Kituo cha Kimataifa cha Chuo Kikuu cha Columbia (ICAP).
Mpango huo unaendeshwa kwa ushirikiano wa Wizara ya Afya na Ustawi wa Jamii katika Hospitali ya Mkoa ya Kagera na Hospitali Teule ya Wilaya ya Rubya.
Mwaka jana, wanaume 1,158 walitahiriwa kisiwani Bumbile na zaidi ya 3,000 katika hospitali hizo mbili wakiwakilisha asilimia 50 ya lengo la ICAP Tanzania kwa mwaka 2010-2011.
Marekani itaendelea kufanya kazi kwa karibu na Tanzania katika kuimarisha afya ya Taifa na kukidhi matarajio ya Rais Jakaya Kikwete ya Tanzania Bila Ukimwi, Inawezekana.
Taarifa iliyotolewa jana na Ubalozi wa Marekani nchini, ilisema uzinduzi huo ni wa aina yake na utafanywa katika maeneo ya vijijini na watu wanaotarajiwa kuhudumiwa ni zaidi ya 3,500 katika miezi kadhaa ijayo.
Tohara hiyo na huduma mbalimbali zinazohusu virusi vya Ukimwi zitatolewa bure visiwani humo ambako mahema yatasimikwa kutoka Serikali ya Marekani.
Kampeni hiyo inakwenda pamoja na kanuni za msingi, kwamba tohara kwa wanaume ni sehemu ya kinga dhidi ya maambukizi ya Ukimwi na ilishathibitishwa katika maeneo ambako kuna maambukizi makubwa ya ugonjwa huo na idadi ya waliotahiriwa iko chini.
Visiwa hivyo vilivyoko ndani ya Ziwa Victoria, vinatambulika kwa kuwa na kiwango cha juu cha vitendo vya ngono kutokana na asili ya biashara ifanyikayo hapo ya uvuvi wa samaki ambayo inamlazimu mvuvi kusafiri huku na huko.
Hali hiyo inaendana na kiwango cha juu cha maambukizi ya Ukimwi kwa asilimia 20 huku idadi ya wasiotahiriwa ikiwa ni asilimia 30.
Mpango wa tohara kwa wanaume kwa ajili ya kuzuia maambukizi ya virusi vya Ukimwi unafadhiliwa na Mpango wa Dharura wa Rais kwa ajili ya Kupambana na Ukimwi (Pepfar) kupitia Vituo vya Marekani vya Kudhibiti na Kuzuia Magonjwa (CDC) na kupitia pia Mipango ya Tiba, Huduma kwa Wagonjwa wa Ukimwi ya Kituo cha Kimataifa cha Chuo Kikuu cha Columbia (ICAP).
Mpango huo unaendeshwa kwa ushirikiano wa Wizara ya Afya na Ustawi wa Jamii katika Hospitali ya Mkoa ya Kagera na Hospitali Teule ya Wilaya ya Rubya.
Mwaka jana, wanaume 1,158 walitahiriwa kisiwani Bumbile na zaidi ya 3,000 katika hospitali hizo mbili wakiwakilisha asilimia 50 ya lengo la ICAP Tanzania kwa mwaka 2010-2011.
Marekani itaendelea kufanya kazi kwa karibu na Tanzania katika kuimarisha afya ya Taifa na kukidhi matarajio ya Rais Jakaya Kikwete ya Tanzania Bila Ukimwi, Inawezekana.
