Watoto hawa waliokotwa wakirandaranda na kuomba chakula maeneo ya Chang'ombe. Inasemekana walikuwa wakiishi Arushwa, mama yao anaitwa Rehema Sanga, aliugua ugonjwa wa akili akawatelekeza hajulikani aliko, baba yao aliitwa Dean Edward Irwin, ni raia wa Marekani aliyekuwa akiishi na Rehema huko Arusha, alifariki mwaka 2011. Kwa vyovyote vile watoto hawa wazuri wana ndugu, kwa yeyote anayefahamu ndugu wa upande wa mama au wa baba awasiliane na Nyumba ya yatima HONORATA-Chang'ombe +255 759-401-818. Pia kama unaweza kuwatembelea kuwatia moyo na kuwasaidia kwa namna yoyote ile tafadhali wasiliana na namba hiyo.
View attachment 229422
ANGALIZO: Mijadala ya ajabu na kejeli hazitakiwa kwenye uzi huu, watoto hawa wanahitaji moyo zaidi kuliko lawama kwa wazazi.
Ninashauri, wewe mwenye kituo, jaribu kuwasiliana na ubalozi wa marekani. watoto hao kama mama yao alikuwa akiitwa Rehema sanga, ni wa kabila la wakinga wa iringa kule kwenye umasikini alikotoa mkanda Betty mkwasa hadi akapata ukuu wa wilaya. inawezekana alikuwa anaishi mjini sio kule lakini kwa ninavyowajua wakinga watoto hao wanaweza wasipate matunzo mazuri kwa ndugu wa kawaida.
wasiliana na ubalozi wa marekani, hao watoto ni wamarekani kwasababu baba yao ni mmarekani, na kama ukiwasiliana nao hata kama wataishi hapa hapa tz lakini ubalozi wa marekani watakuwa wanajua kuwa kulikuwa na raia wao aliyefariki aliyeacha damu yake hapa hivyo wanaweza kuwajibika kwa namna moja au nyingine hata wakiwakana kuwa si raia lakini damu nzito kuliko maji watawasaidia tu.
pili, ubalozi wa marekani unao uwezo wa kutafuta ndugu wa hao watoto walioko marekani, hata kama itaenda polepole lakini Mungu ana njia nyingi, ndugu wa huyo baba yao aliyefariki 2011 wakiwatafuta kwa njia mbalimbali huko marekani wanaweza kupatikana, na wakipatikana hao watoto wanayo haki kuwafahamu ndugu zao wa huko marekani na pengine wanaweza hata kuchukuliwa kwenda marekani. hata kwenye sheria za tz watoto wanayo haki kujua ndugu zao, hivyo peleka ubalozi usaidia kutafuta ndugu zao wa kimarekani, na apohapo tangazo hili la kwenye jamii forums litasaidia ndugu wa kibongo pia wanaweza kupatikana.
vilevile tungasaidia kutangaza kwenye magazeti, ninyi wenye magazeti front page zenu siku zote zisiwe zinajaa ccm na chadema tu, wekeni front page hawa watoto tz nzima itambue kuwa wanatafuta ndugu, lazima watawapata tu na ni watoto wazuri jamani na umri huo hawatakiwi kurandaranda wanatakiwa kwenda shule.
kwasababu wako mikononi mwao, hakikisha yule atakayekuja kujitambulisha kuwa ni ndugu yao na kuwachukua, mnakabidhiana kwa maandishi na mbele ya vyombo vya sheria, kwasababu kuna watu wanaiba watoto, watoto ni dili. kuna mtoto mmoja aliibwa anapoenda shule ana miaka 8 pale kibaha wakampumbaza wakaishi naye kama msukule mwaka mzima kabla ya kukamatwa, hivyo mtu anaweza kuja na kusema tu mimi ndugu yao kumbe anataka kuwafanyia mambo yake.
otherwise, nakupongeza kwa msaada ulioutoa kwa hao watoto, Mungu akubariki.
