Afisa Mtendaji Mkuu wa Mixx by Yas Bi. Angelica Pesha akizungumza wakati wa hafla ya ushirikiano wa kimkakati kati ya Mixx by Yas na DSE ambapo pia walizindua mini App ya DSE 'Hisa Kiganjani' inayopatikana kwenye super App ya Mixx by Yas. Kushoto ni Afisa Mtendaji Mkuu wa DSE Bw. Peter Nalitolela.
Katika hatua ya kihistoria ya kuongeza upatikanaji wa huduma za kifedha na kuwawezesha Watanzania katika safari yao ya kifedha, Mixx by Yas kwa kushirikiana na Soko la Hisa la Dar es Salaam (DSE), wamezindua rasmi DSE Hisa Kiganjani - Mini App, inayopatikana ndani ya Mixx Super App.
DSE Hisa Kiganjani - Mini App, inayopatikana kupitia Mixx Super App, imeondoa urasimu unaotajwa mara kwa mara katika uwekezaji wa soko la hisa. Kwa taarifa za wakati halisi za mitindo ya hisa za ndani na nje ya nchi, mchakato rahisi wa usajili, na usalama wa miamala, programu hii inaleta masoko ya mitaji karibu zaidi na wananchi kwa mbofyo mmoja tu.
“Hii si tu kipengele cha kidijitali – ni mapinduzi ya kweli katika uwekezaji nchini. Tunawawezesha Watanzania kuwa sehemu ya ukuaji wa uchumi wao kwa kuwapa uwezo wa kufikia soko la hisa moja kwa moja kutoka kwenye simu zao. Tunaamini kuwa ujumuishaji wa kifedha wa kweli ni kuondoa vizingiti na kujenga fursa kwa kila mtu. DSE Hisa Kiganjani - Mini App, inayopatikana kwa mara ya kwanza ndani ya Mixx Super App kwa lugha ya Kiswahili na Kiingereza, ni ushahidi wa dhamira yetu ya kutoa suluhisho la kwanza sokoni ambalo ni rahisi, salama, na jumuishi.” - Bi. Angelica Pesha, Afisa Mtendaji Mkuu wa Mixx by Yas
Kwa upande wake, Bw. Peter Nalitolela, Mkurugenzi Mtendaji wa Soko la Hisa la Dar es Salaam (DSE), aliunga mkono kauli hiyo kwa kueleza kuwa ushirikiano huu ni hatua kubwa katika dira ya DSE ya kujenga mfumo jumuishi wa kifedha:
“Dira yetu DSE ni kupanua ushiriki na upatikanaji wa masoko ya mitaji. Kupitia DSE Hisa Kiganjani - Mini App ndani ya Mixx Super App, tunawawezesha Watanzania wote – bila kujali hadhi au eneo walipo – kushiriki moja kwa moja katika safari ya ukuaji wa uchumi wa taifa. Ni salama, rahisi kutumia, na imeundwa kwa kuangalia mahitaji ya sasa na yajayo.
