Mbatia: Ichukieni CCM kwa vitendo

[Waridi]

Chanzo: Tanzania Daima Mbatia: Ichukieni CCM kwa vitendo na Mwandishi wetu, Tandahimba

MWENYEKITI wa chama cha NCCR-Mageuzi, James Mbatia, amezidi kuwasha moto mkoani Mtwara, baada ya kuwataka wananchi wa mkoa huo kuichukia kwa vitendo CCM. Alisema kuwa hata kama CCM bado wana nia ya kuendelea kutawala nchi, katika kipindi hiki wananchi hawana sababu ya kuendelea kukiunga mkono kwa kuwa kimekuwa chanzo cha kudorora kwa uchumi wao. Mbatia aliyasema hayo mjini Tandahimba mkoani Mtwara juzi wakati akihutubia mkutano wa hadhara katika moja ya mikutano yake ya kukijenga chama mkoani hapa. “CCM siyo chama cha kucheka nacho, lazima muonyeshe chuki za waziwazi, lazima sasa muwaambie CCM basi kwa sababu kimeshindwa kutimiza wajibu wake. Nawaambieni ukiona kitu kinakuudhi kama CCM, kemea, kama ukishindwa kukemea basi chukia, onyesheni kwa dhati kwamba mnaichukia. Unaweza kuwadanganya watu wachache kwa wakati wote lakini kamwe huwezi kuwadanganya watu wote kwa wakati wote,” alisema Mbatia. Kwa mujibu wa Mbatia, siku ya mwisho Mungu atawahukumu wanadamu kutokana na matendo yao waliyotenda duniani na kwamba hivyo hivyo atawahukumu Watanzania kwa kuendelea kuiunga mkono CCM wakati haina sifa ya kuendelea kuwa madarakani. “Kuanzia sasa CCM ijue kwamba tuko tayari kuishtaki kwa Mungu kutokana na matendo yake na kama hatatusikia, basi tuko tayari kwa mapambano hadi tutakapopata haki zetu,” alisema. Katika hatua nyingine, aliitaka serikali itamke wazi kuwa imeshindwa kuwatafutia soko la korosho wakulima wa Mtwara kwa kuwa haiwezekani kila mwaka wakulima hao wanapata hasara wakati zao hilo ndilo wanalolitegemea. Naye Katibu Mwenezi wa chama hicho ambaye pia ni Mbunge wa Kasulu Mjini, Moses Machali, aliwashangaa wakazi wa Tandahimba kuwa maskini wakati hawana sababu ya kuwa katika hali hiyo.

 

[MotoYaMbongo]

Ameanza kuwageuka bwana zake.

 

[Power G]

Mbatia simwamini hata siku moja. Kauli zake, mawazo yake na matendo yake huwa tofauti kabisaaa

 

[LazaroSMtindi]

Mwongo mkubwa huyo. Likija suala la ufisadi, atasema kila mtu ni fisadi ili kumfurahisha Manywele na RA. Useless politician! LONG LIVE KAFULILA!!

 

[Waridi]

Mbatia simwamini hata siku moja. Kauli zake, mawazo yake na matendo yake huwa tofauti kabisaaa

Anza kutathmini matendo yake kufuatia kauli hii

 

[Waridi]

Mwongo mkubwa huyo. Likija suala la ufisadi, atasema kila mtu ni fisadi ili kumfurahisha Manywele na RA. Useless politician! LONG LIVE KAFULILA!!

Naona umetumia uhodari wako wote kujadili hoja alizozitoa. Heko!