Matokeo ya matokeo form iv 2012 kufutwa ccm imejichanganya

[ISMAIL MKIMBIZI]

Tarehe 15 April 2013 nilileta taarifa hapa janvini kwa kichwa cha habari waliofeli kidato cha IV 2012 kujiunga kidato cha V. Kwa walio wachache walinielewa kwa urahisi na wengine walihitaji ufafanuzi wangu ili kuelewa zaidi. Leo nitakumbushia kauli ya chanzo changu cha habari isemayo kuna wanasiasa wenye nguvu nchi hii wakiamua jambo lifanyike linafanyika.

Sina shaka wanasiasa hao ni wa CCM ambao kwa kiasi kikubwa matokeo haya yalipelekea moja kwa moja kuonesha ni jinsi gani Serikali yao imeshindwa kufikia lengo la Maisha bora kwa kila mtanzania ambapo elimu bora imekosekana kwa wanafunzi kufeli sana hivyo dhana nzima ya maisha bora kuwa vaisi vesa.

Pamoja na sababu nyingi sana za kutaka kuleta visingizio kibao kubwa ni kutowajibika vizuri kwa serikali na zaidi ya hilo tendo la serikali ya CCM kuingia katika migogoro na moja ya wadau wa Elimu nchini (Walimu) ambao haki zote walizokuwa wanadai kuonekana ni upuuzi kiongozi wa hilo akiwa Rais Kikwete.

Kwa ufafanuzi ni kwamba mwalimu ameendelea kuwa na hali mbaya kiuchumi, ambapo hawezi kuendelea kufanya vizutri kazi yake katika hali kama hiyo. Kwa hiyo dhiki hiyo ambapo huku kwetu Kigoma baadhi yao imewapelekea kuwa waganga wa kienyeji wengine walilazimika kutafuta mbinu mbadala kujipatia riziki na hivyo kutofundisha ipasavyo.

Hoja hapo ni kwamba mwalimu ana hali ngumu, anadai kuboreshewa maslahi unamkejeli wewe kama kiongozi wa juu kabisa Top Most Body unategemea nini? Hali yake ingekuwa nzuri angeliweza kuzingatia mbinu na zana za kujifunzia na kufundishia hata kama mwanafunzi angekuwa mtukutu kama SUAREZ au MARIO BALOTELI wangewatyuni wakanyooka na kufundishika na kufaulu vizuri.

Hali kadhalika sababu ya ukosefu wa vitabu au vifaa vinginevyo vya kufundishia hali ya mwalimu ingekuwa nzuri angevitafuta mwenyewe kwani mitandao iko kibao siku hizi kupitia INTERNET unaweza kudaunilodi material kibao na mwanafunzi akaelewa fresh tu. Sasa wenye mbinu zao mmewaudhi wamefundisha kiyatimayatima njaa kali na kusahihisha mitihani kihalisia na kutoa matokeao ya ukweli sasa CCM inasema NECTA ndiye mchawi?!

Hii ni mbinu ya kutaka kuinusuru CCM katika uchaguzi ujao baada ya kuona kila mtu ishu hii imemgusa mpaka wanachama wake kitu ambacho iliingiza hofu kubwa CCM sasa mnaamua kuwalazimisha NECTA wayachakachue matokeo na hiyo ndiyo mmeona ni mbinu mbadala ya kupata huruma ya wananchi mmechemka waliofeli wamefeli kwelikweli sababu yenu.

Hii haikubaliki, wananchi tunajua tatizo ni serikali na CCM mmejichanganya hatutolia na NECTA wala walimu tutalia na ninyi na kumuomba mwenyezi Mungu awahukumu kwa ufisadi wenu na kutufikisha watanzania hapa tulipo ili 2015 msiione IKULU. Kama mnabisha acheni kuwaomba radhi walimu hafu muendelee kutozingatia utawala bora muone mwaka ujao 2014 kufeli sana kutakuwa pale pale.

Wasalaam.

 

[Twigwe]

Serikali lazima itulie na iangalie maamuzi yake yatakuwa na athari gani baadaye na siyo kufikiria sifa za leo tu, itafute ni kwanini tumefikia hatua hii?
Asante

 

[dudus]

MLENGWA WA MLIPUKO ALIKUWA BALOZI WA VATICAN?

(Naona mods wana watu wao wenye haki ya kuanzisha threads, sisi wengine haturuhusiwi)
Ndugu WanaJamvi;

Kwa muda sasa kumekuwa na hoja mbali mbali juu ya uhalali wa uwepo wa Ubalozi wa Vatican hapa Tanzania. Katika hili kuna, kuna pande kuu mbili zinazokinzana - wanaopinga na wanaounga mkono kama ifuatavyo:-

(1) Wanaopinga: wanajenga hoja kwamba kwa kuwa Vatican ni nchi ya kidini (Kikatoliki) na kwa kuwa, kwa mujibu wa Katiba, Tanzania haina dini hivyo sio sahihi kwa "nchi" hiyo kuwa na ubalozi wake hapa nchini. Wengine wanaenda mbali zaidi kiasi kwamba hawataki kukubali Vatican ni nchi. Hata hivyo "wanalegeza" masharti kwamba kama Vatican ina ubalozi wake hapa basi ni halali kwa Tanzania kama nchi kuwa mwanachama wa taasisi za kidini kama OIC. La kushangaza hapa ni kwamba kwao uhalali wa Ubalozi wa Vatican utakuwepo endapo Tanzania itakuwa mwanachama wa hizo taasisi za kidini vinginevyo sio halali.

(2) Wanaounga mkono:hawa wanajenga hoja kwamba; kwanza Vatican ni nchi huru, yenye mamlaka kamili, na inayojitegemea kwa mujibu wa tafsiri sahihi ya neno "nchi" lilivyo na linavyotambulika kimataifa. Na wanaenda mbali zaidi kwamba sio tu kwamba Vatican ni nchi bali inatambulika hivyo rasmi na UN. Hivyo, kwa hoja hii, ni sahihi kabisa Vatican na Tanzania kuwa na mabalozi wanowakilisha nchi zao.

MLIPUKO WA LEO:

Kati ya viongozi wakuu wa Kanisa waliokuwepo kwenye shughuli ya leo kule Olasiti, Arusha, ni Balozi wa Vatican nchini Tanzania ambaye pia ana hadhi ya Askofu Mkuu. Hivyo zimeanza kuzagaa habari pengine kutokana na ukinzani wa baadhi ya makundi kutotaka Vatican kuwa na ubalozi wake hapa nchini, kuna uwezekano pia mlengwa mkuu alikuwa Balozi husika. Mimi sijui, ila kama GT tudadavue na hili.

LAWAMA:

Lawama pia zimeanza kuelekezwa kwa serikali kwa kutochukua hatua madhubuti na kwa wakati pindi zinapotokea chochoko kama hizi katika jamii. Kwa mfano, hili la upotoshoji wa uhalali wa Ubalozi wa Vatican hapa nchini propaganda zake zimeenezwa kwa muda mrefu sana kwa njia mbalimbali kama mihadhara, ibada, na hata kwenye media mbalimbali. Badala ya serikali kutolea ufafanuzi wa uhalali wa huo ubalozi, imekuwa kimya bila kujali athari za baadaye za propaganda hizi chafu pengine kwa falsafa ya "ni upepo tu utapita". Je, ni kweli serikali inastahili lawama katika hili?

HITIMISHO:

Je, kama serikali ikitekeleza madai YOTE ya haya makundi, kuna uwezekano wa chokochoko hizi kukoma na hivyo nchi yetu kuwa ya amani na utulivu kama ilivyoachwa na waasisi wetu? Lakini je, walengwa wa haya matukio ni wakatoliki peke yao? Au ni pamoja na makundi mengine? Haya matukio yana uhusiano wowote na siasa za nchi yetu? Mimi sijui, nalileta kwenu wakuu.