Filipo Lubua
JF-Expert Member
- Nov 18, 2011
- 339
- 579
Wadau,
Lengo langu si kuendeleza mjadala wa Mwigamba, japo swala hili limenichoma moyo kwa sababu mimi ni miongoni mwa watu waliokuwa wakifurahia kazi kubwa aliyokuwa akiifanya Mwigamba, pamoja na makala murua alizokuwa akiziandika katika safu yake maarufu ya Kalamu ya Mwigamba. Lengo langu katika uzi huu si kuonyesha kuwa Mwigamba alikuwa sahihi au alifanya usaliti, wala si kuonyesha kuwa Uongozi wa Kanda ya Kaskazini umemwonea.
Ninachohitaji kukieleza hapa ni kuwa maelezo aliyoyatoa JJ Mnyika na Tumaini Makene kwa upande mmoja na maelezo aliyoyatoa Dk. Slaa kwa upande mwingine, yote yakijibu hoja ya Mwigamba kuwa katiba ya 2004 ilichakachuliwa, yanatofautiana.
Wakati Mnyika na Makene wanakiri kwamba kipengele cha ukomo wa uongozi kilikuwepo katika katiba ya 2004 ila kikaondolewa katika katiba ya 2006 (rejea maelezo ya Mnyika pamoja na press conference aliyozungumza Makene), kwa upande mwingine Dk. Slaa alikanusha kuwa kipengele cha namna hiyo hakikuwepo katika katiba yoyote. Hapa chini nanukuu maelezo ya Dk. Slaa katika majibu yake ya awali:
Swali langu ni kuwa, mbona kipengele akisemacho Dk. Slaa kuwa hakijawahi kuwepo kwenye katiba yoyote ya Chadema kimesemwa kuwa kilikuwepo katika tamko la Makene ambalo ndilo tamko rasmi la chama? Je, wakati Makene na Mnyika walipotoa matamko yao (kwa niaba ya chama) walishasoma tamko la awali alilolitoa Dk. Slaa? Kwanini Dk. Slaa alijibu hoja Maskini Mkulima (Mwigamba) bila kufanya utafiti wa kina kwanza?
My Take:
Huu ni mkanganyiko mkubwa sana na unaonyesha ukosefu wa umakini na weledi katika tamko la awali lililotolewa na Katibu Mkuu, Mh. Dk. Slaa. Hili linaonyesha kuwa alitoa tamko kwa kujihami zaidi, badala ya kuangalia mambo yalivyokuwa katika uhalisia wake. Mkanganyiko huu unaweza kuwafanya wanachama (mimi nikiwa mmoja wao) kupata wasiwasi kuwa labda ni kweli kulikuwa na hila fulani kama anavyosema Mwigamba.
Ni vyema Dk. Slaa afanyie tamko lake marekebisho ili kuondoa utata huu.
Nawasilisha na nawasihi tujadili kwa busara ili kujenga chama hiki ambacho kimebeba matumaini ya Watanzania wengi kwa sasa.
Majibu ya Dr. Slaa >
Shukrani
Mh. Dk. Slaa,
Nashukuru sana kwa majibu ya hoja yangu, japo vijana wachache wameugeuza huu uzi na kuufanya sehemu ya mipasho na kutukanana, hasa Ben Saanane na vijana kadhaa wa CCM. Binafsi nimefurahishwa na majibu yako.
Nimesikiliza kwa makini sana taarifa ya Tumaini Makene na nimesoma kwa makini, tena kwa kurudiarudia, kile alichokiandika Mh. JJ Mnyika. Nilielewa pasipo shaka kuwa hakukuwa na uchakachuaji wowote kama alivyosema Mwigamba. Nimeamini kuwa Mwigamba alikurupuka kutoa tuhuma pasi na kufanya utafiti wa kina, na yeye kama kiongozi hakupaswa afanye hili.
Ila mkanganyiko wa maelezo yako ya awali na yale ya akina Tumaini Makene ndiyo yaliyonisukuma nitoe hoja hii. Mlipoandaa tamko rasmi la chama lililotolewa jana na Makene, kama ulivyoeleza, mlifanya kwanza uchunguzi wa kina na kuchukua katiba zote za zamani na kuzipitia na ndipo mligundua kile alichokisema kuwa kipengele hicho kilikuwepo lakini hakikuingiza katika katiba mpya ya 2006. Hiki ndicho nidhanicho na wewe pia, hasa Katibu Mkuu wa chama ungekifanya awali kabla hujatoa lile tamko, na hapa ndipo ninapoona ulikosea. Kama nilivyosema kwenye hoja yangu ya msingi, sisi tunawatazama nyinyi kama madereva wa mabadiliko ambayo wengi tunayatamani. Kwa mantiki hiyo, ni vyema umakini uongezeke hasa katika kujibu tuhuma mbalimbali dhidi ya chama. Hili litasaidia sana kuondoa hisia hasi, na litasaidia kupunguza makali ya propaganda hizi ambazo kiuhalisia zina madhara yake, japo madogo, kwa chama.
Vilevile, bado nina maoni kwenu viongozi wakuu wa CHADEMA. Ikiwa kuna kufanya makosa kama haya ya kutoa tamko kabla ya kuchimba kwenye makabrasha yote ya kiofisi (kama nawe ulivyofanya), ni vyema tukaelewa kuwa Bwana Mwigamba naye si malaika, alifanya hivyo kwa kukurupuka, akiongozwa na hisia zake dhidi ya uongozi mkuu. Ikiwa Mwigamba atasimama na kuomba radhi, pamoja na kuonyesha majuto yake kwa kutoa hoja isiyofanyiwa utafiti kwanza, tena hoja iuhusuo uongozi mkuu wa chama (nasikitika bado hajafanya hivyo), tafadhalini msameheni na kumpa nafasi ya pili. Bado binafsi naamini Mwigamba ni mwanamapinduzi mwenzetu aliyepitiwa na jinamizi hili la kutokuwa makini.
Na kwa Ben Saanane,
Ni vyema ukajifunza kuwa siasa si kujibizana kwa visirani na kuzodoana. Kama Katibu Mkuu anaweza kuchukua muda wake kutoa maelezo marefu na ya kina, sembuse wewe uliye mwanachama tu? Ni vyema ukajenga mazoea ya kujibu hoja kwa hoja, au kukaa kimya kama umeona hoja haina maana kwako, kuliko kuandika maneno ya kanga ambayo naona yanaishusha hadhi yako na heshima yako na heshima ya chama chetu. Sisi sote ni Watanzania na tuna wajibu sawa wa kulijenga taifa letu. Asante sana kama umenielewa na kama hujanielewa basi sina namna nyingine ya kuelezea.
Ama mwisho niseme tu kuwa, kiukweli hoja ya Mwigamba haina mashiko tena kwa sababu imeshajibiwa, kwa hiyo si vyema ikaendelea kufunika hoja nyingine za msingi kama hija za Katiba Mpya ya Tanzania.
Nashukuru sana Dk. Slaa na nakutakia utendaji mwema. Bado tumaini la Watanzania wengi liko kwako, na sisi, ama niseme mimi, niko nyuma yako
Lengo langu si kuendeleza mjadala wa Mwigamba, japo swala hili limenichoma moyo kwa sababu mimi ni miongoni mwa watu waliokuwa wakifurahia kazi kubwa aliyokuwa akiifanya Mwigamba, pamoja na makala murua alizokuwa akiziandika katika safu yake maarufu ya Kalamu ya Mwigamba. Lengo langu katika uzi huu si kuonyesha kuwa Mwigamba alikuwa sahihi au alifanya usaliti, wala si kuonyesha kuwa Uongozi wa Kanda ya Kaskazini umemwonea.
Ninachohitaji kukieleza hapa ni kuwa maelezo aliyoyatoa JJ Mnyika na Tumaini Makene kwa upande mmoja na maelezo aliyoyatoa Dk. Slaa kwa upande mwingine, yote yakijibu hoja ya Mwigamba kuwa katiba ya 2004 ilichakachuliwa, yanatofautiana.
Wakati Mnyika na Makene wanakiri kwamba kipengele cha ukomo wa uongozi kilikuwepo katika katiba ya 2004 ila kikaondolewa katika katiba ya 2006 (rejea maelezo ya Mnyika pamoja na press conference aliyozungumza Makene), kwa upande mwingine Dk. Slaa alikanusha kuwa kipengele cha namna hiyo hakikuwepo katika katiba yoyote. Hapa chini nanukuu maelezo ya Dk. Slaa katika majibu yake ya awali:
Swali langu ni kuwa, mbona kipengele akisemacho Dk. Slaa kuwa hakijawahi kuwepo kwenye katiba yoyote ya Chadema kimesemwa kuwa kilikuwepo katika tamko la Makene ambalo ndilo tamko rasmi la chama? Je, wakati Makene na Mnyika walipotoa matamko yao (kwa niaba ya chama) walishasoma tamko la awali alilolitoa Dk. Slaa? Kwanini Dk. Slaa alijibu hoja Maskini Mkulima (Mwigamba) bila kufanya utafiti wa kina kwanza?
My Take:
Huu ni mkanganyiko mkubwa sana na unaonyesha ukosefu wa umakini na weledi katika tamko la awali lililotolewa na Katibu Mkuu, Mh. Dk. Slaa. Hili linaonyesha kuwa alitoa tamko kwa kujihami zaidi, badala ya kuangalia mambo yalivyokuwa katika uhalisia wake. Mkanganyiko huu unaweza kuwafanya wanachama (mimi nikiwa mmoja wao) kupata wasiwasi kuwa labda ni kweli kulikuwa na hila fulani kama anavyosema Mwigamba.
Ni vyema Dk. Slaa afanyie tamko lake marekebisho ili kuondoa utata huu.
Nawasilisha na nawasihi tujadili kwa busara ili kujenga chama hiki ambacho kimebeba matumaini ya Watanzania wengi kwa sasa.
Majibu ya Dr. Slaa >
Shukrani
Mh. Dk. Slaa,
Nashukuru sana kwa majibu ya hoja yangu, japo vijana wachache wameugeuza huu uzi na kuufanya sehemu ya mipasho na kutukanana, hasa Ben Saanane na vijana kadhaa wa CCM. Binafsi nimefurahishwa na majibu yako.
Nimesikiliza kwa makini sana taarifa ya Tumaini Makene na nimesoma kwa makini, tena kwa kurudiarudia, kile alichokiandika Mh. JJ Mnyika. Nilielewa pasipo shaka kuwa hakukuwa na uchakachuaji wowote kama alivyosema Mwigamba. Nimeamini kuwa Mwigamba alikurupuka kutoa tuhuma pasi na kufanya utafiti wa kina, na yeye kama kiongozi hakupaswa afanye hili.
Ila mkanganyiko wa maelezo yako ya awali na yale ya akina Tumaini Makene ndiyo yaliyonisukuma nitoe hoja hii. Mlipoandaa tamko rasmi la chama lililotolewa jana na Makene, kama ulivyoeleza, mlifanya kwanza uchunguzi wa kina na kuchukua katiba zote za zamani na kuzipitia na ndipo mligundua kile alichokisema kuwa kipengele hicho kilikuwepo lakini hakikuingiza katika katiba mpya ya 2006. Hiki ndicho nidhanicho na wewe pia, hasa Katibu Mkuu wa chama ungekifanya awali kabla hujatoa lile tamko, na hapa ndipo ninapoona ulikosea. Kama nilivyosema kwenye hoja yangu ya msingi, sisi tunawatazama nyinyi kama madereva wa mabadiliko ambayo wengi tunayatamani. Kwa mantiki hiyo, ni vyema umakini uongezeke hasa katika kujibu tuhuma mbalimbali dhidi ya chama. Hili litasaidia sana kuondoa hisia hasi, na litasaidia kupunguza makali ya propaganda hizi ambazo kiuhalisia zina madhara yake, japo madogo, kwa chama.
Vilevile, bado nina maoni kwenu viongozi wakuu wa CHADEMA. Ikiwa kuna kufanya makosa kama haya ya kutoa tamko kabla ya kuchimba kwenye makabrasha yote ya kiofisi (kama nawe ulivyofanya), ni vyema tukaelewa kuwa Bwana Mwigamba naye si malaika, alifanya hivyo kwa kukurupuka, akiongozwa na hisia zake dhidi ya uongozi mkuu. Ikiwa Mwigamba atasimama na kuomba radhi, pamoja na kuonyesha majuto yake kwa kutoa hoja isiyofanyiwa utafiti kwanza, tena hoja iuhusuo uongozi mkuu wa chama (nasikitika bado hajafanya hivyo), tafadhalini msameheni na kumpa nafasi ya pili. Bado binafsi naamini Mwigamba ni mwanamapinduzi mwenzetu aliyepitiwa na jinamizi hili la kutokuwa makini.
Na kwa Ben Saanane,
Ni vyema ukajifunza kuwa siasa si kujibizana kwa visirani na kuzodoana. Kama Katibu Mkuu anaweza kuchukua muda wake kutoa maelezo marefu na ya kina, sembuse wewe uliye mwanachama tu? Ni vyema ukajenga mazoea ya kujibu hoja kwa hoja, au kukaa kimya kama umeona hoja haina maana kwako, kuliko kuandika maneno ya kanga ambayo naona yanaishusha hadhi yako na heshima yako na heshima ya chama chetu. Sisi sote ni Watanzania na tuna wajibu sawa wa kulijenga taifa letu. Asante sana kama umenielewa na kama hujanielewa basi sina namna nyingine ya kuelezea.
Ama mwisho niseme tu kuwa, kiukweli hoja ya Mwigamba haina mashiko tena kwa sababu imeshajibiwa, kwa hiyo si vyema ikaendelea kufunika hoja nyingine za msingi kama hija za Katiba Mpya ya Tanzania.
Nashukuru sana Dk. Slaa na nakutakia utendaji mwema. Bado tumaini la Watanzania wengi liko kwako, na sisi, ama niseme mimi, niko nyuma yako
