Hao mabinti unaowaona wapo hivyo hawakushushwa kutoka mawinguni bali ni zao la jamii yetu....taswira unayoipata kutoka kwa hao mabinti ndio inaakisi picha halisi ya jamii yetu ya leo inayoamini katika falsafa ya kila mtu na lwake na mtoto wa mwenzio ni mkubwa mwenzio.....hili sio jambo la kunyoosheana vidole bali ni jambo la kujiuliza wewe mwenyewe je unatimizaje wajibu wako ukiwa kama mwanajamii katika kuwalinda mabinti zetu ??.......hizo mimba hawajipi wenyewe bali wanapewa na watu ambao tunaishi nao humo mitaani na ni wanajamii wenzetu....kila siku tunashuhudia wakina baba kwa vijana wakiwarubuni mabinti zetu tena wengi wao ingali wanasoma lakini hakuna anayejali kwa kila mtu na lwake...hakuna anayejali kwa kuwa sio mtu anayemhusu kwa hiyo haoni sababu ya kuchukua hatua...huko ndipo ilipofikia jamii yetu....lakini cha kushangaza sasa hao hao wanaoshuhudia mabaya wanayotendewa mabinti huko vichochoroni huku wakiwafumbia macho kana kwamba hawayaoni ndio wanakuwa wa kwanza kushangaa na kuanza kulalamika kuwa siku hizi mabinti wameharibika....ninacho taka kuwaambia wanajamii wenzangu ni kwamba jukumu la kuwalea katika hali heshima mabinti zetu ili waje kuwa zao bora katika jamii yetu ni letu sote na kila mmoja kwa nafasi yake....ya wazazi yanaishia nyumbani kwa kuwa hawawezi kutembea nao wakati wote na kutuachia wanajamii wengine....sio jambo lenye kupendeza masikioni kwa mzazi yeyote yule mwanae kuvuma kwa sifa mbaya...kama vile ambavyo hupendi kumuona mtu yako anakuwa mfano mbaya katika jamii ndivyo hivyo kwa mzazi mwenzako hapendi kuona hivyo.......kuna marika ambayo mabinti zetu huwa wanapitia ambapo inakuwa ni rahisi kwao kurubuniwa lakini cha msingi ni kwamba haya mambo yote huwa yanafanyika mbele ya macho yetu kwa hiyo ni wajibu wetu kuyazuia........MTOTO WA MWENZIO NI MWANAO.......
