Leo nawatukana!

[Dotto C. Rangimoto]

Sianzi na ashakumu, leo ninawatukana,
Mwaufanya uwazimu, na mambo yaso maana,
Huu si ubinadamu, pia sio uungwana,
Ben wetu yuko wapi?

Ben hakuwa mzimu, vipi asionekane?
Kama karuka sehemu, uhamiaji wanene,
Na kama ni marehemu, mwili wake tuuone,
Ben wetu yuko wapi?

Bavicha machakaramu, Katambi una laana,
Siku saba zishatimu, Desemba mwaka wa jana,
Nyumbu twataka fahamu, komeni kulaliana,
Ben wetu yuko wapi?

UTG zenu salamu, mlipo muitikie
Sina pesa hali ngumu, fulana siniuzie,
Lengo si kuwalaumu, ila nanyi mtwambie,
Ben wetu yuko wapi?

Serikali naheshimu, ila kwa hili hapana,
Mloona kwenye simu, sasa yawekwe bayana,
Tunataka kufahamu, naye walopigiana,
Ben wetu yuko wapi?

Mboe ni mtu muhimu, ana kubwa sana dhima,
Ela naye kala ndimu, hataki hata kusema,
Kiasi ni mtuhumu, ameufanya unyama,
Ben wetu yuko wapi?

Nimtaje Jeyi Pi Emu, tuliyempa dhamana,
Mjuwe namuheshimu, ela namna hakuna,
Nahisi anayo damu, ya huyu wetu kijana,
Ben wetu yuko wapi?

Kalamu naomba koma, miye sina roho mbili,
Siniletee nakama, nikenda fichwa mahali,
Kisha niwe madhuluma, athama ni hili swali,
Ben wetu yuko wapi?

Shairi langi lingine.

Ana mazonge mfalme

31 January 2017 Jumanne.

Dotto Rangimoto Chamchua(Njano5)
Call/whats app 0622845394 Morogoro.

 

[Allen Kilewella]

Kuna kiza cha mazonge, kama kina cha bahari,
chanzo chake kuna genge,lenye roho za hatari,
halitaki ulipinge,wote wamejaa shari,
tuungane tulipinge.

 

[twatwatwa]

ngoja waje

 

[ndayilagije]

Kaenda saa9,jitahidi kumpata kesho.

 

[Dotto C. Rangimoto]

Kuna kiza cha mazonge, kama kina cha bahari,
chanzo chake kuna genge,lenye roho za hatari,
halitaki ulipinge,wote wamejaa shari,
tuungane tulipinge.

Kiza ndani ya kilinge, na chawaka kibatari,
Una ndwele ule mwenge, ndio unoleta shari,
Haya shime tuyapange, tuiondoshe hatari,
Mnyama apigwe singe, ziishe zake jeuri.

Njano5
Morogoro

 

[m2020]

Mbowe hana uchungu na ben saanane we nani?

 

[m2020]

Wote mnaomuulizia saa 8 ma SAMAKI mine ya feri.

 

[Fortilo]

Ben kajifichamo, mwanahalisi laeleza
Uwazi jambo jema,tuliza povu puzia,
Kama unatak saa utazipata ufipa......

 

[Msengapavi]

Dah, wasanii wengu humu ndani! Serikali inajua alipo anayetafutwa!

 

[Allen Kilewella]

Kiza ndani ya kilinge, na chawaka kibatari,
Una ndwele ule mwenge, ndio unoleta shari,
Haya shime tuyapange, tuiondoshe hatari,
Mnyama apigwe singe, ziishe zake jeuri.

Njano5
Morogoro

Kundi lao makafiri,lina imamu kijicho,
aya zao ni sifuri,mungu wao kochokocho,
damu kwao ni figiri,wanaona pochopocho,
Hawana soni usoni.

 

[sheiza]

Mbowe hataki kujua, lowasa anasaka urais,
Keshawaona majuha, kwenu sasa ni najisi,
Saanane alipo anajua, wameamua kumuasi.

 

[Dotto C. Rangimoto]

Allen ndugu nakiri, tena pasina kificho,
Hao watu ni hatari, hutoa kucha na macho,
Wafanyapo uguberi, moyoni hawana kicho,
Ela sisi kwa hiyari, ndio tumewapa ficho,
ishirini ishirini, tusirudie makosa.

 

[Dotto C. Rangimoto]

Kundi lao makafiri,lina imamu kijicho,
aya zao ni sifuri,mungu wao kochokocho,
damu kwao ni figiri,wanaona pochopocho,
Hawana soni usoni.

Allen ndugu nakiri, tena pasina kificho,
Hao watu ni hatari, hutoa kucha na macho,
Wafanyapo uguberi, moyoni hawana kicho,
Ela sisi kwa hiyari, ndio tumewapa ficho,
ishirini ishirini, tusirudie makosa.

Njano5
Morogoro

 

[Mzee wa Torano]

Salamu ummpatie huyo Dada ktk picha zimfikie,kino na upanga salamu twamtumia,

 

[Dotto C. Rangimoto]

Mbowe hataki kujua, lowasa anasaka urais,
Keshawaona majuha, kwenu sasa ni najisi,
Saanane alipo anajua, wameamua kumuasi.

Sheiza unazingua, watujazia nafasi,
Mada yetu waijua, ambayo si urais,
Lowassa ulo mwinua, pia sio yake kesi.
Makalio yainua, nenda kwa M upesi,
Mwambie nataka jua, Ben wetu yuko wapi???

 

[ikipendaroho]

Beni huyu Saa nane, kenda karibu na kumi
Bora sana tusinene, mukatuona wahuni
La moyoni tuliseme, isiwe yu aridhini
Siri wanayo wanene, yazungumzwa vikaoni

Beni siyo alibino, kama angekuwa dili
Ni mweusi kama wino, na hanao mwingi mwili
Iweje leo hayumo, humu ndani kwa ipi siri
Wametaka yake meno, tuwaulize majangiri!

Beni ni kitendawili, ajuwae ategue
Kajificha cha tumbili, ndio nionavyo mie
Hatunae tena kimwili, ajuwae atwambie
Haisemwi hii siri, hata na bosi wake Mbowe

Sitaki kusema sana, nitakwe kuomba radhi
Leo sote tumeona, nisije poteza hadhi
Ikiwa hatujamuona, kazongwa na nyingi kazi
Ni nyingi zimembana, tokea hayo majuzi

Beni urudi nyumbani, usikawie mwanetu
Watutia kisirani, sote tafrani mtu
Tusikii hatuoni, tumefika kwa Wahutu
Kama uko kwa jirani, urudi nyumbani kwetu

 

[nsharighe]

Tanzania si Alaska, kwanini twamsaka?

Yatupasa meno kung'ata, kumpata huyu kaka..

Siasa tuweke kando , tutuoane tongotongo

Ben kaenda jando au kajificha ng'ambo???

 

[Allen Kilewella]

Kuna jambo lanichoma, kama ncha ya sindano,
muda unavyoyoyoma, nayaona mashindano,
kila kundi lalalama, umezuka mnyukano,
Hakuna anayejua.

 

[sheiza]

Sheiza unazingua, watujazia nafasi,
Mada yetu waijua, ambayo si urais,
Lowassa ulo mwinua, pia sio yake kesi.
Makalio yainua, nenda kwa M upesi,
Mwambie nataka jua, Ben wetu yuko wapi???

Mwenyekiti katangaza, ukurasa amefunga,
Acha domo kusambaza, wabaya watamzonga,
Mbowe keshawamaliza, chake chama kinasonga.

 

[ISIS]

.