JamiiForums
JF Official Account
- Nov 9, 2006
- 6,229
- 5,285
Rais anawasili eneo la tukio na anasalimiana na viongozi mbali mbali. Daraja hili ndo refu kuliko yote Afrika mashariki
Wimbo wa taifa unapigwa na baada ya hapo Makonda anatambulisha viongozi mbali mbali.
Meya wa Dar es Salaam anasimama ns kusalimia. Anasema baada ya uchaguzi sasa siasa zimeisha. Anawataka wananchi kulipa kodi. Anasema Magufuli hela za kuleta maendeleo hatazitoa mbinguni.
Meya wa Temeke anasema Dar ina mameya wanne na wote wamekubalina kuwaheshimu viongozi wa serikali kwani wanategemea ruzuku toka kwa serikali.
Makonda anasoma salamu za mkoa, anazungumzia stend ya Ubungo. Anawashitaki watumishi waliosaini mikataba na kusema kuna upotevu wa milioni zaidi ya 500 kila mwaka.
===================
Ufunguzi wa daraja la kigamboni jijini Dar es salaam lenye urefu wa mita 680 na daraja hilo limegharimu billion 214.6 na lina jumla ya barabara sita za vyombo vya moto na moja ya waenda kwa miguu kila upande, Mh Rais John Pombe Magufuli awasili kwa ajili ya ufunguzi. Rais ameambatana na mama Janeth Magufuli, Naibu Waziri wa Ujenzi Edwini ngonyani, Anthony Mavunde, na Wabunge.
Mkuu wa Mkoa, Paul Makonda anaanza kutoa salamu za kutambua meza kuu, Mkuu wa Makonda anasema anaoba kutumia nafasi hiyo kutoa utambulisho anaanza na Mwenyekiti wa CCM mkoa Ndugu Madabida, Wajumbe wa Kamati ya Usalama wa Mkoa na Wakuu wa Wilaya ya Ilala na Temeke. Pia anapongeza juhudi za rais katika kupunga msongamano jijini Dar es Salaam pia daraja litakuza uwekezaji kwa upande wa Kigamboni.
Anaendelea kumtambulisha Katibu wa CCM Mkoa na wabunge mbalimbali Kinondoni, Kigamboni.
Mbunge wa Kigamboni Mh Dr. Ndugulile anakaribishwa na anasema kazi ya muda mrefu imekamilika takribali watu elfu 50 walikuwa wanataabika kufika mjini leo wamepata nafuu na anamshukuru mheshimiwa Rais.
Mbunge Dr. Ndugulile anasema wametenga hekari 1000 kwa ajili ya viwanda, na Kigamboni wanawakaribisha wawekezaji kuja kuwekeza na baada ya kusema machache anamaliza.
Mkuu wa mkoa anamkaribisha meya wa jiji anasalimia kisha anamkaribisha meya wa Temeke. Meya wa Temeke anasema daraja litawaaunganisha wananchi na anaongeza, Dar es Salaam anasema mkoa jiji lina mamaeya wanne ana wamekubaliana kusisitiza nidhamu katika almashauri. Na wamekubaliana kuwaheshimu viongozi wa serikali kuu.
Mkuu wa mkoa anaelezea namna ubadhilifu wa fedha kituo cha mabasi ya mikoani Ubungo na mikataba ya parking maeneo ya jiji.
=====================
Rais anakaribiswa kwajili ya kutoa hotuba ya ufunguzi, Mh Rais anasema kabla hajazungumza chochote anaomba amkaribishe mtu aliyetoa mchango mkubwa kwenye ujenzi Dr Ramadhan Dau, naye Dr Dau anasema anamshukuru rais kwa fulsa aliyopewa kwasababu hakupangwa kuwa mmja ya wazungumzaji na anaongeza kuwa mpango ulianza mwaka 2002 Mkuranga akiwa na rais mstaafu Benjamin Mkapa. Na daraja hili litasaidia kukuza uchumi na kurahisisha usafirishaji.
Ujenzi wake ulifanywa na kampuni ya China Railway 15 Group ikishirikiana na kampuni ya China Bridge Engineering Group. Daraja hilo ndilo la kwanza la kubeba uzito wa barabara kwa kutumia nyaya Afrika Mashariki na la tatu Afrika kusini mwa Jangwa la Sahara bila kuhesabu Afrika Kusini. Linamilikiwa na serikali ya Tanzania na Hazina ya Malipo ya Uzeeni (NSSF) kwa 40% na 60% mtawalia na litachukua nafasi ya feri ya MV Magogoni.
Mheshimiwa Rais anaanza kuhutubia, Rais ananza kwa kumshukuru mwenyezi Mungu, na kuwashukuru viongozi kwa kumualika kwenye sherehe za ufunguzi. Rais anasema wakoloni kutok uingereza walitaka kujenga daraja mwaka 1933, na pia Mwalimu Nyerere pia aliwahi kuwa na ndoto kujenga daraja lakini fedha za kuwezesha mradi hazikupatikana.
Rais anaongeza "Master Plan" ya jiji la Dar es Salaam inaonyesha kituo cha mabasi ya kutoka Kusini (Mtwara na Lindi) kitajengwa Kigamboni. Mh Rais anasema wizara ilipendekeza daraja lipewe jina lake yeye alikataa na kwasababu na kwasababu ni daraja litakalotumiwa na makabila na watu wa ainza zote anapendekeza liitwe daraja la Mwalimu Nyerere.
Pia daraja hilo litakuza uchumi, utalii na ndio maana hata majirani wanalitamani. Daraja hili linabeba zaidi ya tan elfu moja na life span yake ni zaidi ya miaka mia moja. Pia ujenzi wake unagharama kubwa sana na ujenzi wake utamalizwa kwa upande wa barabara ya kilomita moja. Rais anasema itaongezwa fly over moja na Kigamboni utakuwa mji wa kisasa.
Daraja limejekwa kwa utaratibu wa PPP (Public Private Partnership) hivyo serikali imetoa asilimia 40 na 60 imetoka NSSF hivyo kuta kuwa na ulipaji wa vyombo vya usafiri kama baiskeli, guta, pikipiki, na magari. Lakini wananchi waenda kwa miguu wa hawatalipia matumizi ya daraja.
Rais anawaomba waandishi wa habari wawewazalendo na waitangaze Tanzania kwa mambo mazuri.
Anamwita Makonda aseme mkurugenzi wa jiji kafanya nini, anasema mambo mengi yanatikwa kuamriwa hapahapa. Rais Magufuli amsimamisha kazi mkurugenzi Dar Wilson Kabwe anayetuhumiwa kuingia mikataba iliyosababisha hasara ya zaidi ya Sh. 3bn.
===================
MWISHO:
Akiongea muda mfupi kabla ya kuzindua rasmi daraja linafaa kupewa jina la Mwalimu Julius Nyerere kutokana na mchango wake kwa nchi hiyo. Rais anatoka jukwaani na kuelekea eneo maalum kwa ajili ya kuzindua daraja rasmi na kisha anazindua rasmi daraja la Mwalimu Nyerere.
Daraja la Kigamboni lilianza kutumika tarehe 16 Aprili, 2016 na lina urefu wa mita 680 na barabara unganishi upande wa Kurasini na Kigamboni zenye urefu wa kilomita 2.5.
