KUB, Mbowe auchambua utawala wa CCM chini ya Magufuli: Umejaa uvunjifu wa Katiba, Sheria

[Tumaini Makene]

HOTUBA YA KIONGOZI WA UPINZANI BUNGENI (KUB) MHESHIMIWA FREEMAN AIKAELI MBOWE (MB) AKIWASILISHA BUNGENI MAONI YA KAMBI RASMI YA UPINZANI BUNGENI KUHUSU MAKADIRIO YA MAPATO NA MATUMIZI YA FEDHA KATIKA OFISI YA WAZIRI MKUU KWA MWAKA WA FEDHA 2016/17.

Inatolewa chini ya Kanuni ya 99(9) ya Kanuni za Kudumu za Bunge,
Toleo la Januari, 2016
_________________________________


1. SHERIA YA UTEKELEZAJI WA MAJUKUMU YA MAWAZIRI (MINISTERS – DISCHARGE OF MINISTERIAL FUNCTIONS – ACT, 1980.

Mheshimiwa Spika, kifungu cha 5(1) kinaweka masharti kwa Rais kutengeneza mwongozo wa muundo na utekelezaji wa majukumu ya Serikali yake.

Inasomeka ifuatavyo: Nanukuu “the President shall from time to time by notice published in the Gazette, specify the departments, business and other matters and responsibility for which he has retained for himself or he has assigned under his direction to any minister and may in that notice specify the effective date of the assumption of that responsibility…….” mwisho wa kunukuu.

Mheshimiwa Spika, mpaka sasa Serikali inafanya kazi bila kuwa na mwongozo wa utendaji wake na kazi kwa wizara mbalimbali. Hii ina maana kwamba Serikali inafanya kazi kwa kauli za Rais na Mawaziri bila kufuata mwongozo wowote wenye msingi na uhalali wa kisheria.

Mheshimiwa Spika, mpaka sasa mwongozo wa utendaji wa Serikali kwa kila Wizara (Instrument) unaotumika ni ule uliochapishwa kwenye gazeti la Serikali namba 494A la tarehe 17/12/2010. Kwa mujibu wa Instrument hiyo, majukumu ya Ofisi ya Waziri Mkuu ni:
 Coordination of Government Business
 Leader of Government Business in the National Assembly
 Link between Political Parties and Government.
 National Festivals and Celebration of Management of Civic Contingencies (relief).
 Facilitation and Implementation of Plans for the Development of Dodoma as Capital of Tanzania.
 Coordination and Supervision of Transfer of the Government to Dodoma.
 Government Press Services.
 Investment, Economic Empowerment, Public-Private-Partnership (PPP), Poverty alleviation Policies and their Implementation.
 Facilitation of the Development of Informal Sector.
 Performance Improvement and Development of Human Resources under this Office
 Extra – Ministerial Department, Parastatal Organisations, Agencies, Programmes and Projects under this Office.

REGIONAL ADMINISTRATION AND LOCAL GOVERNMENT:
 Decentralization by Devolution (D by D), Rural Development, Urban Development Policies and their Implementation.
 Regional Administration.
 Primary and Secondary Education Administration
 Dar Rapid Transit – DART.
 Performance Improvement and Development of Human Resources under this Office.
 Extra-Ministerial Departments, Parastatal Organisations, Agencies, Programmes and Projects under this Office.

Mheshimiwa Spika, kitendo cha Serikali hii kuendesha kazi zake kwa Mwongozo wa 2010 ina maanisha kwamba majukumu ya Ofisi ya Waziri Mkuu bado ni yale yale yaliyochapishwa mwaka 2010, kwa sababu gazeti hilo la Serikali halijafutwa.

2. UVUNJWAJI WA KATIBA NA SHERIA ZA NCHI KUHUSIANA NA BAJETI UNAOFANYWA NA SERIKALI

Mheshimiwa Spika, hili ni Bunge la Bajeti ambalo kwa mujibu wa ibara ya 63(3)(b) ya Katiba ya Jamhuri ya Muungano wa Tanzania, limepewa mamlaka ya kujadili utekelezaji wa kila Wizara wakati wa Mkutano wa Bunge wa kila mwaaka wa Bajeti kwa madhumuni ya kujadili na kuidhinisha Bajeti ya Serikali.

Mheshimiwa Spika, Ikiwa fedha zilizoidhinishwa na Bunge hazikutosha kutekeleza majukumu ya Serikali , kifungu cha 41(1) cha Sheria ya Bajeti ya Mwaka 2015 kinaelekeza kwamba: “ Serikali itawasilisha Bungeni kwa idhini, bajeti ya nyongeza ya fedha zilizotumika ambazo zimezidi kiwango kilichoidhinishwa na Bunge au kwa madhumuni ya kugharamia mahitaji ambayo hayakupangwa”.

Mheshimiwa Spika utaratibu huu unatiliwa nguvu na Sheria ya Fedha za Umma wa mwaka 2001( Public Finacne Act, 2001)ambapo kifungu cha 18 (3) na (4) kinaitaka Serikali kuleta Bungeni bajeti ya nyongeza ( mini-budget) kwa ajili ya kupata idhini ya Bunge ikiwa fedha zilizoidhinishwa awali hazikutosha.

Mheshimiwa Spika, utaratibu huo wa kisheria umekuwa ukivunjwa na Serikali kwa kufanya matumizi ya fedha ambazo hazikuidhinishwa na Bunge jambo ambalo linaua dhana ya madaraka ya Bunge ya kuisimamia na kuishauri Serikali.

Mheshimiwa Spika, ili kuthibitisha jambo hilo, kwa mfano bajeti ya maendeleo iliyokuwa imeidhinishwa na Bunge kwa Wizara ya Ujenzi, Uchukuzi na Mawasiliano kwa mwaka wa fedha 2015/16 ilikuwa ni shilingi bilioni 883.8 ambapo kati ya fedha hizo, fedha za ndani zilikuwa ni shilingi bilioni 191.6

Mheshimiwa Spika, Jambo la kushangaza ni kwamba hadi kufikia mwezi Machi 2016 Wizara ilikuwa imeshapokea kutoka hazina shilingi bilioni 607.4 ikiwa ni fedha za ndani.

Mheshimiwa Spika, ukitazama takwimu hizo utaona kuwa kuna ongezeko la fedha zilizotolewa na hazina hadi kufikia mwezi Machi 2016 ukilinganisha na fedha zilizoidhinishwa na Bunge. Tangu kuidhinishwa kwa bajeti ya Wizara ya Ujenzi, hakuna bajeti ya nyongeza iliyoletwa Bungeni na Serikali kwa ajili ya kupata idhini kutokana na matakwa ya Sheria ya Bajeti ya 2015 au sheria ya Fedha ya 2015.

Mheshimiwa Spika, kitendo cha Serikali kuamua kufanya re-allocation ya bajeti bila kupata idhini ya Bunge ni dharau kwa bunge lakini mbaya zaidi ni uvunjaji wa Katiba na Sheria.

3. UHURU NA MADARAKA YA MHIMILI WA BUNGE

Mheshimiwa Spika, Ibara ya 63 (2) ya Katiba ya Jamhuri ya Muungano wa Tanzania inalitaja Bunge kuwa ndicho chombo kikuu katika Jamhuri ya Muungano ambacho kitakuwa na madaraka, kwa niaba ya wananchi, kuisimamia na kuishauri Serikali ya Jamhuri ya Muungano na vyombo vyake vyote katika utekelezaji wa majukumu yake. Katika hali isiyo ya kawaida, kifungu hiki cha Katiba kimevunjwa na badala yake Serikali imelipoka bunge madaraka yake na Bunge kwa maana ya uongozi wake wanaonekana kushiriki na kukubali kupokwa huku kwa madaraka na uhuru wake.

Mheshimiwa Spika, Bunge ni chombo cha uwakilishi wa wananchi, na wananchi wana haki ya kujua Bunge lao linavyofanya kazi ili wawe na uwezo wa kuwawajibisha wawakilishi wao iwapo hawafanyi kazi inavyostahili.

Katika hali isiyo ya kawaida, Serikali na uongozi wa Bunge, imewapoka wananchi haki yao ya kupata habari za Bunge kwa kuzuia mijadala Bungeni kurushwa moja kwa moja na televisheni ya Taifa na vyombo vingine vya habari vya kujitegemea.
Mheshimiwa Spika, Jambo hili pia ni uvunjwaji wa ibara ya 18 ya Katiba ya Jamhuri ya Muungano wa Tanzania, ambayo inasema kwamba kila mtu anao uhuru wa kuwa na maoni na kueleza fikra zake; anayo haki ya kutafuta, kupokea na kutoa habari bila ya kujali mipaka ya nchi; anao uhuru wa kufanya mawasiliano na haki ya kutoingiliwa katika mawasiliano yake na anayo haki ya kupewa taarifa wakati wowote kuhusu matukio mbalimbali muhimu kwa maisha na shughuli za wananchi na pia kuhusu masuala muhimu kwa jamii.

Mheshimiwa Spika, katika Mazingira kama hayo, Kambi Rasmi ya Upinzani Bungeni haiko tayari kuendelea kushiriki uvunjaji wa Katiba Sheria na haki za msingi za wananchi.

Mheshimiwa Spika, Kambi rasmi ya Upinzani haitakuwa tayari kuwasilisha hotuba yake katika mazingira haya na inaushauri uongozi wa Bunge kupata ufumbuzi wa haraka wa kadhia hii ili kurejesha heshima ya Bunge na haki za msingi za wananchi. Hivyo basi Kambi bado inatafakari kwa kina na makini hatua za kufuata.

Mheshimiwa Spika, naomba kuwasilisha.

Freeman Aikaeli Mbowe (Mb)

KIONGOZI WA UPINZANI BUNGENI NA
MSEMAJI MKUU WA KAMBI RASMI YA UPINZANI BUNGENI
KATIKA OFISI YA WAZIRI MKUU
22 Aprili, 2016.

 

[Barbarosa]

Kwa hiyo tukusaidaje sasa? Sisi tumeshamkubali Raisi wetu Magufuli kama alivyo na ndiyo muhimu klk yote mengine yote ni blah blah tu!

Raisi Magu wewe tumbua tu sisi tuko nyuma yako!

 

[Mwanagenzi]

Upinzani umewasilisha vizuri hoja yao..ila wangeendelea kuwasilisha kuliko kususa kuwasilisha!

 

[kbosho]

Mheshimiwa Spika, Kambi rasmi ya Upinzani haitakuwa tayari kuwasilisha hotuba yake katika mazingira haya na inaushauri uongozi wa Bunge kupata ufumbuzi wa haraka wa kadhia hii ili kurejesha heshima ya Bunge na haki za msingi za wananchi. Hivyo basi Kambi bado inatafakari kwa kina na makini hatua za kufuata.

Mheshimiwa Spika, naomba kuwasilisha.

Freeman Aikaeli Mbowe (Mb)

 

[PakavuNateleza]

Kuna hoja hapa tena kubwa mno. Bunge likishindwa kuishauri na kuisimamia Serikali au kunyang'anywa Madaraka yake ya kisheria, Kuna kuwa hakuna sababu ya bunge hilo kuendelea kuwepo.

 

[Utatu]

Hawa jamaa kwa nondo, wanawafanya Serikali ya JPM waonekane kama viongozi wa ridhaa vile.

 

[Gulwa]

Ngoja waliojotoa ufahamu waje, Kuna watu hata kesho serikali ikiwambia kuwa ili kubana matumizi tuwe tunatembea uchi watashangilia

 

[Froida]

Ndugai spika wa hovyo kutokea tangu uhuru hana maana kabisa ameshusha hadhi ya bunge kwa kiwango cha juu sana hasimamii serikali bali anashirikiana nayo kuvunja katiba ya nchi

 

[OKW BOBAN SUNZU]

Thank u Mbowe,the Brother of the Nation

 

[Froida]

Yeye alivyompitisha lowasa kuwa mgombea wa urais kafuata katiba?

mutaumba maneno lakini magufuli hana ustaraabu wa uongozi wa sharia yeye ni raisi anatakiwa kuwa mfano

 

[mndorwe]

Hiv kwel Bunge ,linaendeshwa sasa na serekali ......

 

[Froida]

Thank u Mbowe,the Brother of the Nation

The legendary of our nation politics thank you Mbowe

 

[OKW BOBAN SUNZU]

Yeye alivyompitisha lowasa kuwa mgombea wa urais kafuata katiba?

hii hotuba sio weight yako,baki kutusoma

 

[BONGOLALA]

Bajeti inayopitishwa na bunge huwa ni kiini macho,maana utekelezaji wake umekuwa ni 25%.Na kila mwaka nashangaa wabunge walikua wanakaa vikao vya bajeti wakati iliyopita haikutekelezeka.Tusubiri tuone hii iliyoongeza mapato

 

[UKAWA2]

Akili za kiongozi mmoja wa upinzani ni sawa akili za watu 100 wa serikali ya viwanda.

 

[under dog]

Kwa hiyo tukusaidaje sasa? Sisi tumeshamkubali Raisi wetu Magufuli kama alivyo na ndiyo muhimu klk yote mengine yote blah blaha!

Raisi Magu wewe tumbua tu sisi tuko nyuma yako!

mko nyuma yake mnafanya nini! halafu mko wangapi maana unasema sisi.

 

[iparamasa]

Hureeererr kumekuchaaassssszzx

 

[ng'ombo]

Ni kweli kambi rasmi ya upinzani wana hoja za msingi serikali kupitia bunge itabidi ijipange kutoa majibu, nnaanza kuona umuhimu wa ile rasimu ya Jaji Warioba.

Sent from my BlackBerry 9810 using JamiiForums

 

[Lilambalyakwilole]

Ngoja waliojotoa ufahamu waje, Kuna watu hata kesho serikali ikiwambia kuwa ili kubana matumizi tuwe tunatembea uchi watashangilia

kwhiyo serikali kufanikiwa kupeleka fedha kwenye wizara zaidi ya kilicho pangwa ni kosa? hebu soma tena hapa.
"Mheshimiwa Spika, ili kuthibitisha jambo hilo, kwa mfano bajeti ya maendeleo iliyokuwa imeidhinishwa na Bunge kwa Wizara ya Ujenzi, Uchukuzi na Mawasiliano kwa mwaka wa fedha 2015/16 ilikuwa ni shilingi bilioni 883.8 ambapo kati ya fedha hizo, fedha za ndani zilikuwa ni shilingi bilioni 191.6

Mheshimiwa Spika, Jambo la kushangaza ni kwamba hadi kufikia mwezi Machi 2016 Wizara ilikuwa imeshapokea kutoka hazina shilingi bilioni 607.4 ikiwa ni fedha za ndani.

Mheshimiwa Spika, ukitazama takwimu hizo utaona kuwa kuna ongezeko la fedha zilizotolewa na hazina hadi kufikia mwezi Machi 2016 ukilinganisha na fedha zilizoidhinishwa na Bunge. Tangu kuidhinishwa kwa bajeti ya Wizara ya Ujenzi, hakuna bajeti ya nyongeza iliyoletwa Bungeni na Serikali kwa ajili ya kupata idhini kutokana na matakwa ya Sheria ya Bajeti ya 2015 au sheria ya Fedha ya 2015". vip kama fedha zisingeenda kabisa au zingeenda kidogo, ungesemaje? ulitakiwa upongeze kuwa serikali imeamua kupeleka fedha yenyewe bila kusubiri wafadhili. isaidieni serikali kuongeza mapato tupunguze utegemezi.

 

[Ndumbayeye]

Tatizo gani la nchi? halijui? ushaona kuna wakwepa kodi siku hizi? Budget hiyo inakuja kachomoa recurrent zote kapeleka kwa maendeleo? wataka nini?

Kazi ipo!

Ni kweli kambi rasmi ya upinzani wana hoja za msingi serikali kupitia bunge itabidi ijipange kutoa majibu, nnaanza kuona umuhimu wa ile rasimu ya Jaji Warioba.

Sent from my BlackBerry 9810 using JamiiForums

Ilikuwa inasemaje