Kumekuwa na kelele nyingi walipoitwa wasanii kituo cha polisi na wengi wakapaza sauti kuwa wanaonelewa tu, wakadai wakamatwe mapapa wa biashara hiyo na si mateja.
Wametajwa watu 'wakubwa' katika nchi hii ila cha ajabu kulalamika kumezidi! Nini hamaki yenu?
Makonda anaandamwa kuanzia ndani ya bunge na hadi katika vyama vya siasa, wafuasi wa waliotajwa nao mishipa ya shingo inawatoka!
Watu wa madawa ya kulevya ni kama wachawi, ukiambiwa bibi yako ni mchawi unaweza kudhani anaonelewa lakini hujui kuwa mambo hayo hufanyika kwa siri sana.
Hata akitajwa baba yako mzazi kuwa mpole maana huzijui harakati zake, na aliyetajwa hapaswi kuhamaki na kuanza kubwabwaja bali aache sheria ifanye kazi yake na kama ahusiki atakuwa huru na itakuwa ndiyo mwisho wa uvumi.
Matusi, kejeli na kashfa za kila aina anatupiwa makonda, huenda mmemchukia au kumdharau lakini kumbukeni kuwa anachojaribu kufanya kimewashinda wengi na pia kumbukeni anaposema yeye inasema kamati ya usalama ya mkoa wa Dar es salaam, hivyo ana mamlaka hayo ya kumuita yeyote katika swala la usalama bila kupingwa kwa malumbano.
Kikwete aliwahi kusema tu madawa ya kulevya yanaingizwa na baadhi ya viongozi wa dini na akaandamwa sana mpaka akaamua kutulia, je Nchi hii ni ya watakatifu hakuna wanaoingiza unga? Mbona kila anaetajwa ni mkali na wafuasi wake wanamtetea?
WANANCHI WENZANGU TUSICHEZE NGOMA TUSIYOIJUA, UNAPOONA WAKUBWA WANAPAMBANA UJUE MASLAHI YAMEGUSWA.
NI MUDA WA MAPAMBANO NA KUMUUNGA MKONO MAKONDA NA ALIYE MCHAFU AJISAFISHE MWENYEWE.
Ndimi Mvumbo Kivugo.
