Klabu zinaonewa mgawanyo wa mapato ya mechi

[Synthesizer]

Wana JF, tuseme ukweli. Hili suala la mgawanyo wa mapato ya mechi nadhani linapaswa kuangaliwa upya. Klabu zinaonewa sana. Na pia iwe ni changamoto kwa klabu kuanzisha viwanja vyao. Yanga kwa mfano, kwa nini wanashindwa kupata mkopo wa kujenga uwanja wao kwa kutumia makubaliano ya asilimia makato katika kila mechi hadi deni lilipwe?

Hebu angalia kwa mfano mechi ya Yanga na Mbeya City;

Mapatao yaliyoingizwa sh. 175,285,000.

• VAT sh. 26,738,389.83
• Gharama za kuchapa tiketi sh. 2,919,200
• Kila klabu ilipata sh. 42,960,086.50
• Uwanja sh. 21,844,111.53
• Gharama za mechi sh. 13,106,466.92
• Bodi ya Ligi sh. 13,106,466.92
• Mfuko wa Maendeleo ya Mpira wa Miguu (FDF) sh. 6,553,233.46
• Chama cha Mpira wa Miguu Mkoa wa Dar es Salaam (DRFA) sh. 5,096,959.36

Sasa ukizinatia kwamba vipengele vifuatavyo vinapata mgawao kwa kila mechi (tofauti na klabu inayopata mapato mara moja kwa wiki), sioni kwa nini vipengele hivi vipewe hela za mgao nyingi kiasi hicho;

• Uwanja
• Bodi ya Ligi
• Mfuko wa Maendeleo ya Mpira wa Miguu (FDF)
• Chama cha Mpira wa Miguu Mkoa wa Dar es Salaam (DRFA)

Mie nadhani kwa kuwa hivi vipengele vinapata mgawo kila mechi, wanastahili kupunguziwa sana asilimia ya mgao wao, ili klabu ziongezewe mapato. Mfano, kwa nini klabu zilipe gharama za mechi na pia Uwanja mamilioni yote hayo? Klabu ndio zinazotoa jasho, na wengine wote wanafaidika kutokana na bidii yao, hivyo klabu zinastahili lion's share.

Ningependa TFF itoe hesabu baada ya ligi kukamilika, tuone kila kipengele cha mgawokilipata kiasi gani kwa mechi zote za ligi zilizochezwa, na hapo ndio utagundua hawa watu wa Bodi sijui nk wanapata fedha nyingi mno kulinganisha na klabu. Huu ni utapeli ulioidhinishwa kwa klabu.

Klabu kama Yanga waangalie hapo juu; ni gharama gani wataokoa kwa kuwa na uwanja wao. Waangalie kama hizo gharama hazitatosha kuwa malipo ya mkopo wa kujenga uwanja wao.

 

[Fidel80]

Kweli mkuu, angalia gharama za kuiandaa timu, usafiri, mishahara yaani katika mil.170 timu zinaambulia mil.42 tu kweli? Yaani wasio toa jasho wanakula zaidi ya mil.90 na hao wa VAT mbona hawakusanyi kwenye matamasha, disco?

 

[Fidel80]

Jamal Malinzi liangalie hili club zinufaike na sio kunufaisha TRA, DRFA, bodi ya ligi na huo mfuko wa maendeleo ya soka wakati soka lenyewe haliendelei.

 

[mwangalingimungu]

Ni kweli vilabu vinaumizwa sana na mikato hii. Mpaka hapo vitapomudu kuwa na viwanja vyao vyenyewe, hili waendelee kulitegemea. Lakini kuna vilabu endelevu vya kumshawishi mkopeshaji kutoa hela yake ya kujengea uwanja? Mkopeshaji ataangalia Pamba ya Mwanza, CDA ya Dodoma, Mwadui ya Shinyanga, Kiltex, Tukuyu, Moro United, nk. Hatopata picha itayomshawishi kutoa fedha yake. Zenyesura ya uendelevu kama Yanga, Simba, Coastal Union nazo bado zina sura ya kutegemea mapato ya wanachama (au wajanja?) wake. Hatashawishika kutoa fedha ya mkopo wa mabilioni kwa timu ambayo uongozi wake unaweza kupinduliwa wakati wowote.

ila makato yenyewe nayo yanaumiza. DRFA, Kwa mfano, imefanya nini ndani ya Uwanja wa Taifa au kwa Yanga kiasi cha kustahiki mshiko mkubwa hivyo. Isingekuwapo DRFA kusingekuwa na Uwanja wa Taifa? Kusingekuwa na Yanga? Washabiki wasingeingia kiwanjani? Kama ni kutambua kuwapo kwao, kwa nini isiwekewe kiwango taslim (flat rate) kwa kila mechi, kuliko kupatua asilimia ambayo si sawa na mchango wa DRFA yenyewe kwenye Uwanja huo au Yanga yenyewe?

 

[Synthesizer]

Lakini kuna vilabu endelevu vya kumshawishi mkopeshaji kutoa hela yake ya kujengea uwanja?

Mkuu viongozi wengi wa klabu wapo pale kwa maslahi yao binafsi, kama sio fedha basi umaarufu. Saa ngapi watafikiria strategic planning kwa ajili ya klabu? Wengi wao hawafikiri mambo mbali zaidi ya muda watakaokuwa katika uongozi. Project yeyote itakayoenda muda mrefu zaidi ya uongozi wao wataipiga chini.

 

[DullyJr]

Kwa hakika,usemalo ni kweli kabisa

 

[Washawasha]

Hili ni bonge la noma.
Nalog off

 

[Box 2]

hakika tatizo hapa lipo kwa viongozi wetu,wakati mwingine najiuliza ni kweli hatuna viongozi wa kariba za enzi zile angalao waliweza nunua makao makuu ya simba na jengo la mafia kwa yanga na angalau kuujenja uwanja wa kaunda,ingekua inawezekana wakafufuka leo na kuona maendeleo ya timu zetu hizi sijui wangesemaje,badala ya kupiga hatua kwenda mbele tunapiga makitaimu tu.

 

[mwangalingimungu]

Mkuu viongozi wengi wa klabu wapo pale kwa maslahi yao binafsi, kama sio fedha basi umaarufu. Saa ngapi watafikiria strategic planning kwa ajili ya klabu? Wengi wao hawafikiri mambo mbali zaidi ya muda watakaokuwa katika uongozi. Project yeyote itakayoenda muda mrefu zaidi ya uongozi wao wataipiga chini.

Labda itumike akili ya kuzaliwa. Wazo la kujenga uwanja litoke kwa 'Kamati ya Ufundi (Uchawi)' ya timu husika. Mganga aseme kwamba sharti la timu kushinda na uongozi kutawala milele ni kuwa na uwanja wao wenyewe. Kwa wanavyoheshimiwa, kuaminiwa na kuogopwa, huenda watasikilizwa. Nasikia ndivyo ilivyofanyika kwa Azam!

 

[Sibonike]

Hatua ya kwanza katika ukombozi ni vilabu kuwa viwanja vyao wenyewe.
Hivi club ikiwa na uwanja wake, makato ya uwanja yatakufa natural death. Mambo ya bodi ya league na drfa yanajadilika.
Cha ajabu ni bodi ya league kuvuna hela nyingi kwenye mechi za Yanga wakati huohuo wanaipiga vita kwenye suala ka Tv na Azam
Wakati wanakaa vikao na kulipana posho wakiibana Yanga, wanasahau kwamba ndio chanzo chao kikubwa mapato ya mlangoni
Timu ziwe na viwanja na mwenyeji achukue pesa yote isipokuwa VAT peke yake.

 

[Sibonike]

Labda itumike akili ya kuzaliwa. Wazo la kujenga uwanja litoke kwa 'Kamati ya Ufundi (Uchawi)' ya timu husika. Mganga aseme kwamba sharti la timu kushinda na uongozi kutawala milele ni kuwa na uwanja wao wenyewe. Kwa wanavyoheshimiwa, kuaminiwa na kuogopwa, huenda watasikilizwa. Nasikia ndivyo ilivyofanyika kwa Azam!

Mkuu labda ndio timu zita jenga viwanja. Maana kamati za ufundi ndio zinaaminiwa sana

 

[Belo]

Hatua ya kwanza katika ukombozi ni vilabu kuwa viwanja vyao wenyewe.
Hivi club ikiwa na uwanja wake, makato ya uwanja yatakufa natural death. Mambo ya bodi ya league na drfa yanajadilika.
Cha ajabu ni bodi ya league kuvuna hela nyingi kwenye mechi za Yanga wakati huohuo wanaipiga vita kwenye suala ka Tv na Azam
Wakati wanakaa vikao na kulipana posho wakiibana Yanga, wanasahau kwamba ndio chanzo chao kikubwa mapato ya mlangoni
Timu ziwe na viwanja na mwenyeji achukue pesa yote isipokuwa VAT peke yake.

Tff still wataendelea kuvibana vilabu hata kama vikiwa na viwanja vyao kumbuka Azam wana uwanja wao lakini still wakicheza na Simba na Yanga wanalazimishwa kucheza taifa ili Tff wapate mgao mkubwa

 

[adakiss23]

Ni bora wanufaishe TRA kuliko makato ya uwanja 21m kwa lipi la maana?? Viti vichafu vyoo vichafu. Na kwanini gharama za uwanja ziwe tofauti kulingana na mapato ya mechi?? Mechi zingine gharama za uwanja 7m zingine 21m zingine mpaka 55m. Bwana malinzi tatua hili

 

[mwangalingimungu]

Mkuu labda ndio timu zita jenga viwanja. Maana kamati za ufundi ndio zinaaminiwa sana

Kuna mganga mmoja mara zote alikuwa akiiambia timu mojawapo kongwe 'ushindi uko wazi iwapo mtatekeleza masharti yangu. Kubwa kuliko yote ni kupiga mashuti ya nguvu golini kwa adui.'
Kwa jinsi walivyomwamini, walikuwa wakifanya hivyo, wakashinda, sifa na pesa zikaenda kwa mganga, kocha akaambulia dharau na kejeli mpaka akakimbia timu!