Kikwete ambariki January Makamba mbio za urais 2015

[shadow recruit]

View attachment 169973

Rais Jakaya Kiwete, Jana ameonyesha kumfungulia Njia ya kwenda IKULU Mwanachama pekee wa chama cha mapinduzi CCM ambaye mpaka sasa ametangaza nia ya kugombea URAIS 2015 ndugu JANUARY MAKAMBA

KIKWETE AMEMWAGIA SIFA JANUARY, HII HAPA KAULI YAKE

kama ilivyonaswa akiwa Bumbuli:

''January anafanya kazi nzuri ya Ubunge. Pia ananisaidia sana kwa kazi ya Wizara niliyompa. Unajua January alipogombea Ubunge alinificha. Nilikuwa nasikia kwa wenzake tu pale ofisini. Baadaye alivyoweka mambo yake sawa ndio akaja kuniambia kwamba Mzee na Mimi najitosa. Nikamtakia heri. Kwa kweli kwa jinsi anavyohangaika na Jimbo lake inaonyesha Ubunge aliutaka Kwa dhati kabisa ya kusaidia watu wa Bumbuli. Nimesikia anafikiria mambo makubwa.

Hajaniambia. Mi Nimesikia tu. Namtakia kila la heri. Haya mambo anaamua Mungu. Wala hayalazimishwi. Mungu akitaka linakuwa hata kama watu wote hawataki. Mungu akiwa hataki hata kama mtu ukitaka jambo hilo vipi haliwezi kuwa. Mimi nilishauriwa na Mzee mmoja kwamba jambo likifika wakati wake utalipata hata kama utapingwa kiasi gani. Kama halijafika wakati wake haliwezi kutokea. Mimi niligombea 1995 sikupata kwasababu haikuwa wakati wake. 2005 ikawa wakati wake nikapata. Na wewe usipopata sasa usiweke nongwa"

KILA LA HERI JANUARY MAKAMBA.

================

Kikwete: January anataka mambo makubwa

Tanga. Rais Jakaya Kikwete amezungumzia nia ya Naibu Waziri wa Mawasiliano, Sayansi na Teknolojia, January Makamba kutaka kuwania urais mwakani, akisema mwanasiasa huyo kijana "anataka mambo makubwa, lakini hajamshirikisha".

Hii ni mara ya kwanza kwa Rais Kikwete kutoa maoni yake kuhusu wanachama wa CCM wanaotaka kuwania urais, baada ya chama hicho kuwaonya makada sita kwa tuhuma za kuanza mapema kampeni za kutaka nafasi hiyo kubwa.

Akiwa jijini London, Makamba alitangaza nia yake ya kuwania urais mwaka 2015, akisema huu ni wakati wa fikra mpya ambazo zinahitaji vijana na kwamba wazee wakae kando.

Jana, Rais Kikwete, ambaye alikuwa akihutubia mkutano wa hadhara uliofanyika Kata ya Soni Bumbuli mkoani Tanga anakoendelea na ziara ya siku tano, alimtaka Makamba "asilazimishe" kwa kuwa wakati ukifika atapata kile anachokitaka.

"Nasikia kuwa bwana mdogo January anataka mambo makubwa. Mie hajaniambia, na mie nasikia. Hata alipogombea ubunge hakuniambia nilisikia baadaye... asilazimishe, wakati ukifika atapata, na akikosa asilete nongwa," alisema Rais Kikwete.

Rais Kikwete alitoa mfano wake mwenyewe aliposhindwa katika uteuzi wa mgombea urais wa CCM mwaka 1995, wakati akiwa na miaka 45 (miaka minne zaidi ya umri wa Makamba ifikapo 2015), akisema kuwa hakukata tamaa na aliendelea kusikiliza ushauri wa wazee hadi alipofanikiwa kukalia nafasi hiyo ya juu mwaka 2005.

Mwenyekiti huyo wa CCM, ambaye pia ushawishi wake unaweza kuamua mteule wa chama, alimtaka mbunge huyo wa Bumbuli asikilize ushauri wa wazee.

Pamoja na ushauri huo kwa mwandishi wake wa zamani wa hotuba, Rais Kikwete alimpongeza kwa kazi nzuri ya ubunge jimboni humo na akaeleza kuwa anamsaidia katika wizara yake.

Alinukuu maneno ya aliyekuwa katibu mkuu wa Afro Shiraz na swahiba wake, Thabit Kombo aliyemwambia Kikwete kuwa "wakati ukifika utapata", hasa kutokana na kiu yake ya muda mrefu ya kuwatumikia Watanzania.

"Nilipokosa mwaka 1995 sikukata tamaa, ndipo 2005 nikaingia, na huo ndio ulikuwa wakati wangu wa kushika wadhifa huu. Wakati ukifika watu watake wasitake utakuwa wewe tu," alisema Kikwete.

Kauli hiyo ya Rais Kikwete imekuja takriban wiki moja baada ya Makamba kueleza nia yake ya kuwania urais akisema kwa asilimia 90 ameshaamua kuingia katika kinyang'anyiro hicho.

Mbunge huyo wa Bumbuli, ambaye ni mtoto wa Katibu Mkuu mstaafu wa CCM, Yusuf Makamba, alitangaza uamuzi huo akiwa Uingereza alikokuwa akihudhuria mkutano wa sekta ya mawasiliano baada ya kuhojiwa na Shirika la Utangazaji la Uingereza (BBC) na baadaye kufafanua nia hiyo katika mahojiano na gazeti hili.

Rais Kikwete akimshauri asikilize ushauri wa wazee, wakati akitangaza nia hiyo Makamba alisema: "Ni wakati wa fikra mpya kushika dola na mimi ninaona kwamba wazee wakae kando. Mfano awamu moja inapoondoka na wazee walioko katika mfumo wakae kando ili kupisha fikra mpya kuongoza dola." alisema Makamba ambaye kwa sasa ana miaka 40.

Makamba ameendelea kusisitiza nia yake hiyo na kutetea nafasi ya vijana katika nafasi hiyo kwenye ukurasa wake wa facebook akisema: "Tanzania mpya inahitaji viongozi wapya, mazoea mapya, fikra mpya na maarifa mapya. Inahitaji kuthubutu mambo makubwa siyo kulinda uzoefu wa nyuma."

Makamba ni mmoja wa makada sita wa CCM walioonywa na chama hicho mapema mwaka huu kwa kutuhumiwa kuanza mapema kampeni za urais kinyume na utaratibu, lakini chama hicho hakijaona kasoro katika uamuzi wake wa kutangaza nia.

CCM yambariki

Katika hatua nyingine, Chama Cha Mapinduzi (CCM), kimebariki mbio za Makamba baada ya jana kueleza kuwa hajafanya kosa lolote kwa kutangaza nia yake.

Katibu wa itikadi na uenezi wa CCM, Nape Nnauye alisema alichofanya Makamba ni tofauti na adhabu ambayo chama hicho kilimpa yeye na wenzake watano miezi mitano iliyopita.

Nape aliwataka wanaohoji suala hilo kurejea adhabu iliyotolewa na CCM, Februari 18, mwaka huu kwa makada wake sita baada ya kukutwa na makosa ya kuanza mapema kampeni za urais mwaka 2015, akiwamo Makamba.

Wengine waliokutwa na rungu hilo ni mawaziri wakuu wa zamani, Edward Lowassa na Frederick Sumaye, Waziri wa Nchi Ofisi ya Rais (Mahusiano na Uratibu), Stephen Wassira, Waziri wa Mambo ya Nje, Bernard Membe na William Ngeleja.

"Hili jambo linakuzwa tu wakati katika barua tulizowapa tulieleza wazi. Waambie wawaonyeshe barua ambazo chama kimewapa ili mjue nini ambacho hawatakiwi kukifanya,"alisema Nape.

"Yeye amesema akipewa ridhaa ya kugombea urais, jambo hili halipo kati ya makosa ambayo yalisababisha yeye na wenzake kupewa adhabu."

Februari 18, mwaka huu Kamati Kuu ya CCM ilitoa adhabu kwa makada hao baada ya kuthibitika kuanza kampeni za kutafuta kuteuliwa kugombea urais kabla ya wakati kinyume na kanuni za uongozi na uaadili za chama hicho.

Hata hivyo, Makamu Mwenyekiti wa CCM, Philip Mangula aliwahi kukemea tabia ya baadhi ya wana-CCM kutangaza mapema nia ya kugombea nafasi mbalimbali za uongozi katika uchaguzi ujao, akisema ni wasaliti wakubwa ndani ya chama.

CCM pia ilitoa mwongozo na kanuni za uchaguzi ambazo Ibara 6 (2) (1-5) ya Maadili ya Viongozi wa CCM inawazuia wanachama kutoa michango, misaada, zawadi za aina yoyote, kukusanya michango na kufanya kampeni bila ya kupata kibali kutoka kamati ya siasa ya halmashauri ya eneo husika.

Hata hivyo, kwa mujibu wa kanuni za uongozi na maadili za CCM, toleo la Februari 2010, Ibara 6 (7)(i), ni kinyume kwa wanachama wake kutafuta kuteuliwa kuwania urais kabla ya wakati.

Chanzo: Mwananchi

 

[Swat]

mh! Hivi kweli kabisa mnawaza makamba awe rais! Haya,yetu macho.

 

[shadow recruit]

mh! Hivi kweli kabisa mnawaza makamba awe rais! Haya,yetu macho.

kwanini asiweze?. January Makamba ndio Habari ya mjini

 

[OLESAIDIMU]

Godfathering!!!!!!

Nchi itayumba kwa kubembelezana! !!!

 

[mkafrend]

"January Haya mambo anaamua Mungu. Wala hayalazimishwi. Mungu akitaka linakuwa hata kama watu wote hawataki. Mungu akiwa hataki hata kama mtu ukitaka jambo hilo vipi haliwezi kuwa.

Safi sana, kweli JM anaonekana kuwa na mvuto wa kisiasa na uelewa wa dunia. Vijana tuna matatizo mengi yanayohitaji kijana mwenzetu kuyatatua au kuyapunguza. Hivyo, Januar Makamba ametokea kwa wakati muafaka!

 

[zimwimtu]

"hatutaki raisi anaenyoa unga" ASKOFU MOKIWA.

 

[Tetty]

In short hafai hata kidogo. Anayemsupport anajua wanauwezo unaofanana, hatuhitaji rais asiye na uwezo wa kukemea maovu. Kama ameshindwa kuppigia makelele maovu leo kesho akiwa rais ataweza?
Nafuu jiwe ligombee kuliko hawa wa.nnaopiga jalamba za urais.

 

[OLESAIDIMU]

kwanini asiweze?. January Makamba ndio Habari ya mjini

Wewe unayemuunga mkono ndio uweke uwezo wake ili wanaokupinga wajue "potentials"alizonazo sasa na wewe ukiuliza swali unakuwa kama vile huna uhakika na unachosimamia!!!!

 

[idawa]

"January anafanya kazi nzuri ya Ubunge. Pia ananisaidia sana kwa kazi ya Wizara niliyompa. Unajua January alipogombea Ubunge alinificha. Nilikuwa nasikia kwa wenzake tu pale ofisini. Baadaye alivyoweka mambo yake sawa ndio akaja kuniambia kwamba Mzee na Mimi najitosa. Nikamtakia heri. Kwa kweli kwa jinsi anavyohangaika na Jimbo lake inaonyesha Ubunge aliutaka Kwa dhati kabisa ya kusaidia watu wa Bumbuli. Nimesikia anafikiria mambo makubwa. Hajaniambia. Mi Nimesikia tu. Namtakia kila la heri. Haya mambo anaamua Mungu. Wala hayalazimishwi. Mungu akitaka linakuwa hata kama watu wote hawataki. Mungu akiwa hataki hata kama mtu ukitaka jambo hilo vipi haliwezi kuwa. Mimi nilishauriwa na Mzee mmoja kwamba jambo likifika wakati wake utalipata hata kama utapingwa kiasi gani. Kama halijafika wakati wake haliwezi kutokea. Mimi niligombea 1995 sikupata kwasababu haikuwa wakati wake. 2005 ikawa wakati wake nikapata. Na wewe usipopata sasa usiweke nongwa" Kwa watu wanaoelewa Siasa hapa Rais Kikwete yupo Pamoja Na Kijana Na kama munakumbuka kauli yake ya kutaka rais atakamuachia kiti awe Kijana,bhasi mutakubaliana nami pamoja Na ftina zote za wapinzani Wa Makamba za kununua waandishi Wa habari Na magazeti kuweza kubadilisha chanya kuwa hasi,Januari Makamba ananafasi kubwa ya kuliongoza taifa hili lenye vijana wengi.Jk Ameziona changamoto za Ikulu Na kafahamu fika rais aliye Na umri Mkubwa hatakuwa Na kasi ya kikabiliana Na changamoto za sasa Na Kwa kulipenda taifa hili ndio maana akasema angependa rais ajaye awe Kijana.Kwa niaba Wa vijana Wa mkoa Wa Arusha,tutamsapot Makamba kama Kweli atachukua fomu ya kuwania nafasi ya urais bila kujali itikadi za vyama vyetu.

Hao vijana wa Arusha unaowasemea ndio wapi.?

 

[Kimilidzo]

Kama ni kweli JK anapigia chapuo #TeamJM basi nahama timu mapema. Nilidhani kuwa ningeweza kumpigia kura JM kama mazingira fulani yakiwepo, lakini sasa anaungwa mkono na Dhaifu ni bora kumuangalia JM kwa jicho la tatu, huenda ni WAKALA. 2015 tunataka kuchagua rais halisi, na sio WAKALA WA WATU. 2005 tulichagua wakala wa Mtandao na matokeo tunayaona.

 

[Gagnija]

mh! Hivi kweli kabisa mnawaza makamba awe rais! Haya,yetu macho.

Atagombea kupitia act, maana huko ccm hakuna mwenye ubavu wa kupimana na Lowasa. Si Kikwete wala mwanachama yeyote mwingine.

 

[shadow recruit]

Godfathering!!!!!!

Nchi itayumba kwa kubembelezana! !!!

how?.................

 

[shadow recruit]

Atagombea kupitia act, maana huko ccm hakuna mwenye ubavu wa kupimana na Lowasa. Si Kikwete wala mwanachama yeyote mwingine.

LOWASSA yupi?. au yule mwenyekiti wa MAJAMBAZI YA MALI ZA UMMA MKUU?

 

[Mungo Park]

Hivi ni kwanini baadhi ya Watanzania wanapenda sana kujiweka kwenye 'frenzy-mode'?.
Mtu kuwa kwenye 'corridors' za Ikulu au kupigana vikumbo na 'World leaders'
hakumfanyi awe na uwezo wa kuwa Rais..
Amefanya nini cha ajabu cha kuonekana anaweza kuwa Rais? TTCL inapaa? Inatengeneza faida?
Tuangalie China wanavyochagua viongozi wao- unakuta wana sifa
zisizo za kawaida - mjasiriamali mkubwa,Kiongozi makini n.k. halafu wanaandaliwa.
Tujaribu kutazama Marais wa China Hu Jintao na Xi Jinping walipotokea.
Ni vizuri kuanza kujenga utamaduni wa kuandaa viongozi siyo mtu anajitamkia tu..

 

[shadow recruit]

Hao vijana wa Arusha unaowasemea ndio wapi.?

ni sisi hapa, wapinga UFISADI NA UBAZAZI

 

[shadow recruit]

hivi ni kwanini baadhi ya watanzania wanapenda sana kujiweka kwenye 'frenzy-mode'?.
mtu kuwa kwenye 'corridors' za ikulu au kupigana vikumbo na 'world leaders'
hakumfanyi awe na uwezo wa kuwa rais..
Amefanya nini cha ajabu cha kuonekana anaweza kuwa rais? ttcl inapaa? Inatengeneza faida?
Tuangalie china wanavyochagua viongozi wao- unakuta wana sifa
zisizo za kawaida - mjasiriamali mkubwa,kiongozi makini n.k. Halafu wanaandaliwa.
Tujaribu kutazama marais wa china hu jintao na xi jinping walipotokea.
Ni vizuri kuanza kujenga utamaduni wa kuandaa viongozi siyo mtu anajitamkia tu..

wewe ulitaka afanye nini?. Aiibie nchi kama lowassa na slaa na mbowe wafanyavyo?.

 

[shadow recruit]

kama ni kweli jk anapigia chapuo #teamjm basi nahama timu mapema. Nilidhani kuwa ningeweza kumpigia kura jm kama mazingira fulani yakiwepo, lakini sasa anaungwa mkono na dhaifu ni bora kumuangalia jm kwa jicho la tatu, huenda ni wakala. 2015 tunataka kuchagua rais halisi, na sio wakala wa watu. 2005 tulichagua wakala wa mtandao na matokeo tunayaona.

kazi ndo imeanza rasmi hivyo. Wewe tu

 

[OLESAIDIMU]

how?.................

Huwezi jua tofauti ya kubembelezwa na kusotea uzoefu kama wewe ni mmoja wa waliobembelezwa!!!!

Google; ascribed versus achieved status!!!

 

[Mungo Park]

wewe ulitaka afanye nini?. Aiibie nchi kama lowassa na slaa na mbowe wafanyavyo?.

Nilichomaanisha ni kuwa sisi Watanzania tusiwe-'frenzied' na matamko ya watu, tufanye uchunguzi kuhusu uwezo wao..

 

[5525]

Kwa tathmini fupi ya maneno ya JK hapo juu ni kwamba Makamba angefaa kuwa Rais lakin muda wake bado haujafika. Aendelee kuchapa kazi kwa ufanisi na muda ukifika anaweza kuwa.