Ninaamini msajili wa vyama amekutana na changamoto kubwa ambayo itaamua hatima ya heshima yake kwa jamii ya kitanzania hata na nje ya nchi. Kwenda kinyume na boss wake, yaani aliyemteua kushika wadhifa alio nao au kutenda haki kulingana na sheria za nchi na uadilifu. Hoja iliyoko mbele yake ni nzito, nikimaanisha siyo ya kukurupuka kutoa majibu marahisi.
Wachambuzi wa mambo ya kisiasa wameichambua hoja ya CHADEMA na hakika kama haki itafuatwa, mgombea wa CCM huenda akaenguliwa kwenye kugombea uraisi. Lakini ni hoja ipi hasa inayomuweka Raisi Kikwete kwenye hatari hii? Kuongeza mishahara kwa wafanyakazi ndio hoja yenye nguvu. Laiti kama tungaliweza kuona nafsi za watu tungefahamu ni nini hasa lilikuwa kusudio la Kikwete, kwa kuwa uwezo huo hatunao, basi hatuna budi kuchambua na kuangalia mambo kama haya yaliyowahi kutokea siku za nyuma.
Miaka kadhaa iliyopita wahudumu wa afya waligoma na serikali iliongeza mishahara, je ongezeko lile liliidhinishwa na bunge? nafikiri haikuwa hivyo, je hela hizi zilitoka wapi na mbona wanasiasa hawakucharuka kusema serikali imevunja sheria? Nahisi Msajili anaweza kutumia mfano huu kufanya maamuzi marahisi. Nahisi akifanya hivyo atakuwa amefanya kosa kubwa mno litakalomgharimu heshima yake. Kwa nini nasema hivi?
Tuende ndani kidogo, Kwanza kabisa sasa hivi issue kubwa hapa ni uchaguzi na sheria inayosimamia uchaguzi huo. Pili, Raisi alishatoa tamko hadharani kabla ya kampeni akiwa anatumia jukwaa kama Raisi kuwa Serikali haina uwezo wa kuongeza mishahara, na hakukuwa na emergency iliyokuwepo wakati wa mgomo wa madaktari (Kuwa kuna wagonjwa walikuwa wanakufa kwa wao kugoma). Kikwete hapa hana ujanja maana wafanyakazi walisharidhia kuwa hamna ongezeko la mshahara; hawakuwa wamegoma na kulikuwa hamna emergency yoyote kama watu kupoteza maisha.
Nini hasa kilichomsukuma Kikwete kuongeza mishahara? Kwa bahati mbaya ama kwa kutokufahamu kwa wasaidizi wa kikwete, hakufahamu vizuri kundi hili lina nguvu gani katika kushawishi wapiga kura. Wafanyakazi walipoamua kuweka wazi msimamo wao na kampeni zilizoleta kuchapishwa t-shirt (Sizitaki kura za wafanyakazi) ilikuwa ni dalili mbaya kwa CCM. Hata wakati wagombea wanarudisha form Wafanyakazi walionyesha wazi ni nani chaguo lao (Dr. Slaa). Huu ndio msukumo wa Kikwete kuongeza mishahara na kuwabembeleza wafanyakazi kuwa hana ugomvi nao. Kwa nini hii ina qualify kuwa Rushwa? Angalia vizuri hapa: Raisi na Serikali walikuwa na muda mwingi mno kutoa kauli kuwa hawana ugomvi na wafanyakazi, lakini hawakufanya hivyo, walikuwa na uwezo wa kutoa ahadi kuwa wataongeza mishahara hata kabla kampeni hazijaanza lakini hawakufanya hivyo, sababu ni kuwa hawakuona impact, lakini kampeni zilipoanza waliona wafanyakazi wameelemea kwa mgombea yupi na hapa ndipo wakaamua kufanya DHAMBI YA KUSHAWISHI KWA KUONGEZA MISHAHARA KINYUME NE SHERIA YA UCHAGUZI. Timing ina qualify nyongeza ya mshahara kuwa Rushwa. Sidhani kama CCM wana ujanja hapa zaidi ya kumshinikiza Tendwa kufanya watakavyo.
Kwa upande mwingine hii ni nafasi ya Tendwa kuingia kwenye vitabu vya historia na kujulikana duniani kote kama ataamua kutenda haki. Kama akisimama kidete na kumuondoa Kikwete, huo ndio utakua mwisho wa CCM, sio hili tu, unaweza ukawa ndio uamuzi wa kuleta maendeleo kwa Tanzania, nani asiyependa sifa hii?. Hapa umakini wake na uadilifu wake upo kwenye mizani.
MUNGU IBARIKI TANZANIA, M BARIKI TENDWA NA KUMPA UJASIRI WA KUFANYA MAAMUZI MAGUMU, SHUSHA MALAIKA WAKO NA MITUME AKANENE YALE YAKUPENDEZAYO WEWE NA SIO YA WATAWALA.