Khalid Abeid- Mchezaji wa Sunderland, Simba na Timu ya Taifa

[Mohamed Said]

SIKU MOJA NA KHALID ABEID MCHEZAJI WA SUNDERLAND, SIMBA NA TIMU YA TAIFA

Huwezi kuchoka kumsikiliza Khalid Abeid mchezaji wa Sunderland mwishoni mwa miaka ya 1960 na mwanzoni mwa 1970 baada ya Sunderland kuwa Simba.

Mimi na Khalid Abeid tuna ndoto ya muda mrefu ya kuandika kitabu chake katika maisha yake ya mpira kuanzia kwao Mwanza hadi anakuja Dar es Salaam kujiunga na Wekundu wa Msimbazi kisha kuondoka na kwenda kucheza mpira Arabuni katikati ya miaka ya 1970.

Maktaba ya Khalid Abeid imesheheni kumbukumbu ambazo kama una moyo hafifu utajifuta machozi kila dakika achilia yala maneno ya Khalid Abeid ambayo anaangalia mpira wa leo ulioko Tanzania na anafananisha na enzi zao

Khalid anasema, ''Washabiki wa leo wanashangaa wakimuona Morisson anapanda juu ya mpira.

Sunday Manara alikuwa akifanya sana hii tena yeye akipiga na saluti akiwa juu ya mpira na kafanya haya tukiwa katika timu ''combine,'' na tumeshashinda.''

Khalid Abeid ananikumbusha anasema, ''Yanga waliweka heshima Ghana kulikokuwa na timu za kutisha Afrika.

Yanga imekwenda sare na Asante Kotoko, kwao, Dar es Salaam na Addis Ababa

Ghana ilikuwa inaiheshimu Yanga.

Simba tumewafunga Hearts of Oak kwao timu kali kabisa Afrika katika wakati wao.''

Mimi na Khalid Abeid tumekaa tunasikitika kuwa hatuna Football Museum na sote tuna hofu kuwa historia ya mpira wa Tanzania itapotea.

Ukiangalia Maktaba ya Mpira ya Khalid unaweza kumwaga machozi.

Utamuona Shida Stua "full back," mstaarabu mwenye, "ball control," ya mchezaji wa mstari wa mbele.

Shida katangulia mbele ya haki.

Utamuona Abbas "Sungura" Dilunga "winger" mwenye kasi kubwa.

Abbas na yeye ametangulia.

Kuna picha ya Khalid na Nahodha wa Sunderland kaka yangu Yusuf Salum Maleta yeye na wenzake kama Arthur Mambeta walitokea Kahe Republic timu za mitaani zilikzokuwa na mpira wa viwango.

Nikiitazama picha hii Khalid mtoto mdogo nadhani haja fika hata miaka 20.

Khalid kanionyesha mkusanyiko wa picha za Timu ya Taifa akina Gulam, Nassor Mashoto, Salhina, Omar Zimbwe, Mohamed Chuma Omar Mahadhi.

Raha ya hizi picha ni pale ninapofananisha umri aliokuwanao Khalid na wachezaji wengine ambao walikuwa wamempita umri kwa mbali sana.

Khalid Abeid amenifungulia hazina yake ya picha ambazo zilitakiwa ziwe katika Museum ya Mpira kwa kuhifadhiwa kwa ajili ya kizazi kijacho.

Ukweli ni kuwa siku moja ni ndogo sana kwa yeyote yule kupitia Maktaba ya Mpira ya Khalid Abeid.

 

[kovai tamil taiga]

Dah! Tumeupoteza wapi mpira TZ? Mijitu kama Mwameja, Said Mwamba 'Kizota' Hamis Gaga 'Gagarino' wako wapi? Vijitu kama Morrison, Chama, Niyozima etc lazima wangesubiri benchi.

 

[Nguruvi3]

Mohamed, Msaidie kuandika kitabu cha kumbu kumbu yake ya soka.

Umenikumbusha mengi, kubwa ni vijana kutotambua timu za Ghana, Misri, Nigeria n.k zilikuwa katika usawa wetu.

Akina Mehal el Kubra, AccraHearts of oak, KCC, Abaluhya, Gormahia, Nkana, Enugu n.k. walikuwa wetu tu.

Tuikuwa na heshima kubwa katika soka. Timu zilikicheza nchi inazizima.

Pamoja na uliowataja, kuna waliotangulia mbele ya haki akina Omar Zimbwe, Maulid Dilunga, Gibson Sembuli, Shaaban Baraza n.k

Mohamed Chuma alichezea timu ya Taifa kwa miaka 10 mfululizo, akiwa mchezaji wa Bandari Mtwara
Akina Salhina na Nassoro Mashoto hawa ni Navy ya Zanzibar wakilitandaza gozi vema

Kama sitakuwa nimekosea, Khalid Abeid ndiye aliifunga Yanga 1973 goli moja lililohitimisha utawala wa Yanga katika medani ya soka. Kuanzia hapo ikawa kupokezana tu.

 

[Kichuguu]

Asante hivi ndiye aliyekuwa akiitwa Muchacho? Najua kulikuwa na Hidar Abeid na Khalid abeid mmoja wao akiwa anaitwa Muchahco ambaye ndiye aliyetungua Yanga mwaka 1972

 

[Mohamed Said]

Asante hivi ndiye aliyekuwa akiitwa Muchacho? Najua kulikuwa na Hidar Abeid na Khalid abeid mmoja wao akiwa anaitwa Muchahco ambaye ndiye aliyetungua Yanga mwaka 1972

Kichuguu,
Muchacho ni Haidar Abeid.

 

[Rhz4567]

Wazee mlifaidi burudani ya mpira!

 

[rodrick alexander]

TFF badala ya kualika watu kama hawa wanatuletea upotolo tu

 

[BAK]

Hawa Khalid na Haidar ubin wao ni mmoja, je ni ndugu?

Kichuguu,
Muchacho ni Haidar Abeid.

 

[Mohamed Said]

Hawa Khalid na Haidar ubin wao ni mmoja, je ni ndugu?

BAK,
Hapana si ndugu.

 

[Tangawizi]

Dah.....! Tumeupoteza wapi mpira TZ ..? Mijitu kama Mwameja, Said Mwamba 'Kizota' Hamis Gaga 'Gagarino' wako wapi? Vijitu kama Morrison, Chama, Niyozima etc lazima wangesubiri benchi.

Hamis Thobias Gaga wa Morogoro kwa wauza gongo

 

[Kibukuasili]

Hakika mzee Khalid ameweka kumbukumbu vizuri. Nyie waandishi na wanahistoria fanyeni hima kuzikusanya kumbukumbu hizi kabla hazijatoweka duniani. Nadhani kupitia kwake unaweza kuwapata wengine ambao nao wana kumbukumbu zao.
Siku moja nilimkuta akiongea na L Tenga pale kwenye ofisi yake maeneo ya Fire DSM.

 

[Smart911]

Ahsante kwa kumbukumbu...

 

[Nkanini]

Shukraani mno hiki ndio kipindi ambacho nchi ilikua na heshima na adabu,tunawana JF humu wanaojifanya wajuaji sana na middle class wakati they achieved nothing kwenye maisha yao,ninazisoma mada zako humu mkuu ,Shukraani sana

 

[bagamoyo]

Mzee Mohamed Said, ukikutana na wazee wenzio wenye alama ktk historia ya Tanzania iwe soka n.k usiache nafasi kusubiri kitabu pia unaweza kuanza kwa kuwafanyia mahojiano ktk video na kutupia youtube, hiyo ni hatua ya mwanzo kutunza kumbukumbu wakati mkiendelea kutayarisha kitabu na museum ya waTanzania maarufu.

 

[ruhi]

Kwani kutengeza Museum inachkua muda gani? pale ofisi ya TFF amna ka chumba ambacho ni kwa ajili ya Museum? kama ndiyo basi waache ujinga.

Usijekua wizara yetu ya ujenzi nao hawana ramani ya zamani ya majengo yetu yaliyochorwa kwa mkono juu ya meza kwenye Custodian yao..yatakua ni maajabu pia

 

[Gavana]

TFF badala ya kualika watu kama hawa wanatuletea upotolo tu

Ni njaa imewazidi

 

[Gavana]

Kwani kutengeza Museum inachkua muda gani? pale ofisi ya TFF amna ka chumba ambacho ni kwa ajili ya Museum? kama ndiyo basi waache ujinga.

Usijekua wizara yetu ya ujenzi nao hawana ramani ya zamani ya majengo yetu yaliyochorwa kwa mkono juu ya meza kwenye Custodian yao..yatakua ni maajabu pia

Wakati wa kufanya museum hawana, Tumbo linawahangaisha

 

[Last emperor]

Mimi kinachonishangaza ni vituo vya burudani ya mpira kama Azam TV hawafanyi hata jitihada za kuwatafuta na kufanya nao interview? Kujua historia zao na matukio ya kusisimua ya kihistoria yaliyotokea enzi zao, na mbaya zaidi hata vilabu walivyochezea navyo havina maktaba ya kumbukumbu ya wachezaji wa zamani na mafanikio waliyopata. Mbaya zaidi hawa watu bado wapo hai lakin wanaendelea kutoweka taratibu. Mfano Sunday Manara, Pondamali, Kibadeni nk hawana documentary zozote. Halaf siku wakifa tunaanza kulaumiana kwanini tulisahau. Wahusika tafadhali fanyeni jambo

 

[Mkereketwa_Huyu]

Mpira wa Tanzania wakati huo au wachezaji wetu wa kipindi kile hawakuwa na uwezo mkubwa wa kimpira kama tunavyowapamba wazee wetu na hii si Tanzania tu bali duniani kote wachezaji wa zamani na wa sasa walikuwa hawana talent kivile, walitumia sana mbinu tu za kiuchezaji. All in all, big respect to them to pave the way kwa wachezaji wa leo. Binafsi niliwahi kuwaona kina Kajole, Abbas Dilunga, Ezekiel Greyson, Daudi Salum, Sunday Manara, Peter Tino, Mo Bakari Tall, kwa kweli mpira wao haukuwa tishio, walikuwa wachezaji wa kawaida tu which means wapinzani wao hawakuwa vizuri.

 

[Uchumi wa Mifugo]

Historia nzuri