Kanisa halikupigania kabisa uhuru wa Tanganyika?

[Allen Kilewella]

Kuna watu kama Mohamed Said ambao wana mtizamo kuwa historia ya kupigania uhuru wa Tanganyika imepotoshwa kwa kuwa mchango wa waislam hauelezewi kwa kina.

Lakini labda ipo pia historia iliyoachwa kuonesha mchango wa kanisa kwenye kupigania uhuru wa Tanganyika. Jee Kanisa halina mchango wowote kwenye kupigania uhuru wa Tanganyika?

 

[secretarybird]

Kanisa linamchango katika kuupigania uhuru wa Tanganyika, lakini Msikiti una mchango mkubwa zaidi.

 

[ministrant]

Kuna watu kama Mohamed Said ambao wana mtizamo kuwa historia ya kupigania uhuru wa Tanganyika imepotoshwa kwa kuwa mchango wa waislam hauelezewi kwa kina.

Lakini labda ipo pia historia iliyoachwa kuonesha mchango wa kanisa kwenye kupigania uhuru wa Tanganyika. Jee Kanisa halina mchango wowote kwenye kupigania uhuru wa Tanganyika?

Tumeshatoka huko na nchi tayari ipo huru. Naamini mijadala yenye tija kwasasa ni kuondoa huu umasikini unaolikabili Taifa. Wananchi wanahitaji uhakika wa huduma bora za afya, miundombinu ya uhakika ya maji safi na salama, uhakika wa nishani ya umeme kwa matumizi ya nyumbani na viwandani, barabara zenye viwango zenye uhakika wa kupitika misimu yote ya mwaka na kutanua soko la mazao ya wakulima kwa bei itakayowezesha mkulima kujikimu na kuondokana na umasikini, halikadhalika kuimarika kwa huduma za ulinzi na usalama.
Hayo ndiyo mambo yenye manufaa kwa Taifa na yanayopaswa kujadiliwa kwa kina na kupatiwa ufumbuzi wake.

 

[Allen Kilewella]

ministrant una hoja lakini hii pia ni hoja ya kujadili. Unadhani mjadala huu umekufa kabisa?

 

[1gb]

Hivi baridi ya dar naona imezidi mwaka huu si sawa na msimu wa miaka ya nyuma,hivi mmegundua hili wakuu?.

 

[Daudi1]

Huu mjadala utaleta vita ya kidini, tujikite kujikomboa kutoka kwenye umasikini, bomu la ajira, katiba mpya

 

[Kijana wa Kizimkazi 2030]

Wewe umeeleza nini? Au unataka mawazo toka kwa gen z?

 

[Tanganian]

Kwani hauna kazi za kufanya . Wwe ishi tu , mengine hayana maana .

 

[Funny boe]

Kanisa linamchango katika kuupigania uhuru wa Tanganyika, lakini Msikiti una mchango mkubwa zaidi.

Awapi, hao si ndo wamisionari na masultani waliotudidimiza zaidi na kuendeleza utumwa wakituaminisha kuwapenda adui zetu.

Hakuna mchango wao hata kidogo

 

[Funny boe]

ministrant una hoja lakini hii pia ni hoja ya kujadili. Unadhani mjadala huu umekufa kabisa?

Mtoa mada watu wamekupaua 🤣🤣🤣

Umeanzisha mada ya kiwaki sana, rudi ukajipange upya, either utafute kazi ya kufanya au uje na mada ya maana na ya muhimu kwenye jamii yetu

 

[Allen Kilewella]

Huu mjadala utaleta vita ya kidini, tujikite kujikomboa kutoka kwenye umasikini, bomu la ajira, katiba mpya

Kwa nini utaleta vita ya kidini?

Hapa Tanzania Kuna hukumu kwenye kesi ya Hamisi dibagula dhidi ya Jamhuri mahakama ya rufaa Tanzania , ambayo ilisema asiye mkristo kusema Yesu si Mungu ni halali.

Kama hakukutokea vita Kwa kuruhusu wasio wakristo kusema Yesu si Mungu wala mwana wa Mungu (hukumu hiyo ni sahihi kabisa) inakuwaje kuulizia mchango wa kanisa kwenye kupigania uhuru wa Tanganyika kulete vita ya kidini?

 

[Allen Kilewella]

Mtoa mada watu wamekupaua 🤣🤣🤣

Umeanzisha mada ya kiwaki sana, rudi ukajipange upya, either utafute kazi ya kufanya au uje na mada ya maana na ya muhimu kwenye jamii yetu

Huo ni mtazamo wako na ninauheshimu.

Lakini swali bado linabakia pale pale. Jee Kanisa halina mchango kwenye kupigania uhuru wa Tanganyika?

 

[secretarybird]

Awapi, hao si ndo wamisionari na masultani waliotudidimiza zaidi na kuendeleza utumwa wakituaminisha kuwapenda adui zetu.

Hakuna mchango wao hata kidogo

Wana mchango wako kwa kiasi fulani.

 

[tutafikatu]

Kanisa linamchango katika kuupigania uhuru wa Tanganyika, lakini Msikiti una mchango mkubwa zaidi.

Umepimaje huo mchango?

 

[secretarybird]

Umepimaje huo mchango?

Nilioteshwa usiku.

 

[MWANDENDEULE]

Mwl Nyerere ametokea kanisani, Kambona wote walikuwa supported na kanisa.

Yule pimbi mdini ana mambo ya ajabu usipokuwa mzima upstair anaku-brainwash kabisa.

 

[Andromeda Galaxy]

Kwanza hii nchi iliwahi sana kupata uhuru, ilikuwa haijafika kwenye uwezo wa kujitawala, mkoloni aliondoka mapema sana

 

[Funny boe]

Lakini swali bado linabakia pale pale. Jee Kanisa halina mchango kwenye kupigania uhuru wa Tanganyika?

HAWANA MCHANGO WOWOTE ULE.

 

[Allen Kilewella]

HAWANA MCHANGO WOWOTE ULE.

Sawa. Hii ndiyo hoja.

 

[Mohamed Said]

Kuna watu kama Mohamed Said ambao wana mtizamo kuwa historia ya kupigania uhuru wa Tanganyika imepotoshwa kwa kuwa mchango wa waislam hauelezewi kwa kina.

Lakini labda ipo pia historia iliyoachwa kuonesha mchango wa kanisa kwenye kupigania uhuru wa Tanganyika. Jee Kanisa halina mchango wowote kwenye kupigania uhuru wa Tanganyika?

Allen...
Ilikuwa mwaka wa 1955 TANU inahangaika kutafuta fedha za kumpeleka rais wake UNO.

Mkusanyaji fedha wa safari hii alikuwa Iddi Faiz Mafungo na ndiye alikuwa mweka hazina
wa TANU na pia Mweka Hazina wa Al Jamiatul Islamiyya fi Tanganyika (Umoja wa Waislam wa Tanganyika).

Iddi Faiz Mafungo alihudhuria mkutano wa kwanza wa TANU Ukumbi wa Arnautoglou yeye
na ndugu yake Iddi Tosiri na kadi zao za TANU zilikuwa No. 24 Iddi Faizi na No. 25 Iddi Tosiri.

Hawa walikuwa wanachama na viongozi wa Al Jamiatul Islamiyya.

Hawa ndugu wawili walikuwa wadogo zake Sheikh Mohamed Ramiyya wa Bagomoyo kwao
alikuwa kaka binamu na ndugu hawa wawili ndiyo waliompeleka Nyerere Bagamoyo kwenda kumjulisha kwa Sheikh Ramiyya.

Ilikuwa usiku na mvua kubwa inanyesha.

Mwalimu Nyerere kenda nyumbani kwa Ali Mwinyi Tambwe kuulizia hali ya michango ya safari.

Mwalimu alikuwa kashika mwamvuli.

Ali Mwinyi akamwambia Nyerere kuwa hali ya michango haijawa sawa.

Ali Mwinyi Tambwe alikuwa Secretary wa Al Jamiatul Islamiyya fi Tanganyika alikuwa anakaa kwenye nyumba ya Al Jamiatul Islamiyya na mbele ya nyumba hii ndipo ilipokuwa shule.

Ali Mwinyi alikuwa mtu wa karibu sana na Nyerere.

Ali Mwinyi ndiye alikwenda na Abdul Sykes Nansio, Ukerewe kwenda kupata kauli ya mwisho ya Mwapachu kuhusu kumtia Nyerere katika uongozi wa juu wa TAA katika uchaguzi wa mwaka wa 1953.

Hamza Mwapachu alimwambia Abdul Sykes kuwa yeye bado hajabadili fikra zake.

Nyerere apewe uongozi wa TAA na mwaka unaofuatia 1954 TANU iundwe.

Kisa cha Uchaguzi wa TAA April 1953 uliofanyika Ukumbi wa Arnautoglou baina ya Abdul Sykes na Julius Nyerere ni kisa maarufu.

Safari ya UNO Ilipowiva dhifa ya kumuaga Mwalimu Nyerere ilifanyika katika jengo la Al Jamiatul Islamiyya fi Tanganyika.

Hii kwa ufupi sana ndiyo historia ya Mwalimu Nyerere.

Kulia Iddi Faiz Mafungo, Sheikh Mohamed Ramia, Julius Nyerere,
Saadan Abdu Kandoro na Haruna Iddi Taratibu

Aliyevaa koti na kanzu na tarbushi ni Iddi Faiz Mafongo Uwanja wa Ndege safari ya Nyerere UNO 1955

Jengo la Al Jamiatul Islamiyya ilipofanyika dhifa ya kumuaga Mwalimu Nyerere sadari ya kwanza UNO 1955​